وش رأيكم بنات أبي حل منكم ... لاتطنشون همي

[سعودية بالكويت]

بنات طبعا لي سنة وشهرين على زواجي​

ولا حملت بسبب التكيسات والدورة لازم​

حبوب تنزلها << الله المستعان​

من قبل أتزوج الله يشفيني ويشفيكم​

في بداية زواجي كنت أحلم أحلام مزعجة أحيانا​

ومن شهرين حلمت حلم عادي مايخوف بالعكس​

حلو عن عبايات ماعبايات تكرر علي الحلم ثلاث مرات​

بأحوال مختلفة وحماتي بعد حلمت فيني قبل شهر حلم حلو​

كلمت الشيخ ناصر السنة وفسرهم لي سألني كم لي متزوجة​

وأذا حملت ولا لا قال لي أنتي عندك مشاكل بالرحم قلت عندي تكيسات​

قال أنتي فيك نفس وحسد إذا حضرتي مناسبة أو جيتي عند حريم يتكلمون فيك​

ويعجبون بجسمك<< ماأمدح نفسي صح حلوة بس مو ذاك الجمال الملفت بالعكس​

غيري أجمل مني بكثيييييير والله مدري ​

وقال وإن شاء الله الحلم بشرى بحملك وراح تحملين​

بس ماراح تعلمين أحد بتخبين الخبر << يارب قريب الله يبشره بالجنة​

قال لازم ترقين نفسك وتروحين شيخ يقرأ عليك المشكلة كنت فاتحة السبيكر وزوجي​

يسمعه قال لي هذا اللي تبينه من الزواجات والحريم<< الله يستر لايمنعني منها​

وفسر لي حلم حلمته بزوجي قال هذي بشرى بعد بحملك بالولد :yaaaaaarb:​

وحلم ثالث حلمه زوجي يوم الأحد قال أنتي وزوجك فيكم حسد ونفس لازم ترقون أنفسكم​

وتتحصنون قبل مايوصل لتفريق بينكم​

أدري قرقت وطولت السالفة وهي قصيرة وأزعجتكم بكلام مايعني لكم بس المشكلة ​

العظمى إن زوجي بعد كل الكلام اللي سمعه مو راضي نروح لشيخ مع أني كنت أطلبه ​

قبل مااحلم بشيء يقول لي لا أقوله طيب قولي ليش لا وش الأسباب مايرد علي يقول لا ​

وخلاص بعدين وش الفايدة يرقينا شيخ وأنتي تروحين هالعروس والحريم اللي ماعندهم ​

إلا وش حطت ووش لبست عاد نهاية الشهر زواج أخوه وعند أهلي زواجين الحمد لله ​

إني فصلت فساتين قبل ماأفسرها تحملوني بس أبي حل شلون أقنعه نروح شيخ أنا أبي ​

أحمل القرآن فيه شفاء للناس تهقون ليش مايبي نروح الشيخ والله تعبت نفسيا خايفة ​

يصير بينا شيء​

 

[شقاوه صبايا]

يسعدني اني اول من رد عليك واول شي ثقي بربك وحاولي تقومين بالليل وربي فيها معجزه قيام الليل اسمتري وبعدين حاوالي ترقين نفسك بنفسك افضل لك والاذكار الصباح والمساء لاتنسيهم ولا تفكرين بالحمل حاولي وربي يجيك اللي تتمنييه امانه ادعي لي

 

[عطر الدوحه]

حببيبتي لازم تقنعين زوجج



استمري على سووره البقرررررررررررررره

والاستغفاااااااااااااااااااااااااااااااااااااااااااااااااااار

 

[سعودية بالكويت]

الله يجزاكم ألف خير اللي رديتوا علي

واللي ماردوا بعد والله يعينا جميعا

ويشفينا عاجلا غير آجل

ويعينا على المداومة على قراءة سورة

البقرة​

 

[زهـــرة البنفسـ]

ربي يشفيك وزوجك ويشفيني ومرض المسلمين

حبيبتي جربي القسط والحجامه انتي وزوجك
كثير تشافو بعدها بفضل ربي سبحانه
واذا زوجك مارضى تروحون لشيخ انتي حطي رقيه شرعيه ترا تنفع باذن الله


نصيحه حبيبتي لا تفسرين كل حلم تحلمينه
ماتدرين يمكن تروح البركه اللي فيه
اهم شي انو الثقه بربي تكون كبيره
الا مايرزقكم

دعواتك

 

[Q8_QT]

حبيبتي موضروري يرقيكم شيخ على قولة امي تقولي احسن شي ترقين نفسج بنفسج
داومي على صورة البقرة والاستغفار وقيام الليل واخذي عسل والله كريم بيرزقج ويجبر بخاطرج

 

[سعودية بالكويت]

الله يجزاكم ألف خير ولايحرمني منكم

والله من أدخل هنا أحس إني بين خواتي اللي بعدت عنهم

كل ماطفشت وضاق خلقي دخلت أفضفض لكم

يارب تشفيني وتشفي كل مريض ومريضة وترزق عبادك

المحرومين عاجلا غير آجل اللهم آآآآمـــيـــن​

 

[rtoj]

اختي اذا ريلج ما يؤضى تروحين لشيخ انتي اقري كل يوم البقره كامله وحاولي دايما تقرين الرقيه الشرعيه


وبالنسبه للعروس حاولي تلبسين شي ما يلفت النظر وايد واقري معوذات وسمي

 

[محتاره بحياتها]

حبيبتى انتى رقي نفسج
اقري من القران الكريم
وداومي على الرقيه الشرعيه وسوره البقره
وشغلى مسجل الرقيه الشرعيه في غرفتج خليها دايم كملي اكثر من 7 ايام
وقبل لاتروحين لعرس او مناسبه تسبحي بماي مقري واقري المعوذات وايه الكرسي ورقي نفسج وان شاءالله مايصيبج شي
وتقدرين ترسلين احد من اهلج يجيبلج زيت وماي .. الخ من المطوع او الشيخ

وعلى فكره ترى التكيس يمنع الحمل
انا بنت خالتي كان فيها تكيس وضعف بعد نفسج الدوره ماتجيها الا قليل
وكانت تعالج وتعالج وماينفع العلاج معاها لان التكيس يمنع الحمل
ولما سوت عمليه ناظور.. ماشالله على طول حملت وجابت 3 بعد العمليه الله يخليهم لها

وبالتوفيق

 

[سعودية بالكويت]

الله يجزاك خير أختي محتارة والله يرزقك

من واسع فضله حتى يرضيك

فكرت بالعملية كي المبايض مدري هي نفسها

اللي تقصدينها بس يقولون بعد ستة شهور ترد

مرة ثانية ويمكن تسبب ألتصاقات ومشاكل ثانية

أنا بغنى عنها

ياليت تفيديني وين سوتها وعند منو وكم كلفتها

ضروري الله يفرج همومك وييسر أمورك​

 

[محتاره بحياتها]

الله يجزاك خير أختي محتارة والله يرزقك​

من واسع فضله حتى يرضيك​

فكرت بالعملية كي المبايض مدري هي نفسها​

اللي تقصدينها بس يقولون بعد ستة شهور ترد​

مرة ثانية ويمكن تسبب ألتصاقات ومشاكل ثانية​

أنا بغنى عنها​

ياليت تفيديني وين سوتها وعند منو وكم كلفتها​

ضروري الله يفرج همومك وييسر أمورك​

لا اختى غلطانه عمليه الكي للمبايض غير الناظور
بعدين منو قال لج انها بعد 6 اشهر ترجع؟
لا لا غير

هي بعد ولادتها بنتها الاولى صار فيها التكيس
حتى الدكتور قال لها لو تطقين ابر نفخ المبايض مني لسنين ماراح ينفع لان التكيس يمنع الحمال
وماشالله من سوتها حملت .. الله يرزقج
وانتى روحي استشيري دكاتره مختصين اكيد بيشرحون لج انتى مو خسرانه شي روحي شوفى

هي سوتها عند منصور العرف ( مستشفى العرف في الجهرا)
كلفتها 500 دينار ( بحدود 5000 ريال)

وان شاءالله تبشرينا بحمالج:eh_s(7):