وش هو افضل مكياج على الاطلاق الله يجبر بخاطر الي ترد علي

[منيرة@]

سوري برد على صاحبه الموضوع

و مسحته لها :[

عالعموم اهي عروس

و تبي مساعده بالميكاب

تبي فاونديشين ثابت

تبي حمرر ثابته

و ماسكرا

ايلاينر

 

[أدعج غنج]

الف مبروك حبيبتي

ارشح لج كريم اساس وكومباكت ديور فورايفر سكن

الماسكار: ميك اب فورايفر او لانكوم

الارواج : افضل ماك وبوبي براون . بس اذا تبين شي ثابت وما يروح وما يطبع عليج بالحمره السحريه هههههه

والاي لاينر : انصح بالجل لاينر من ماك

 

[أدعج غنج]

صح ونسيت ارشح شي مهم لكل بنت للاستخدام فالبيت او عند الاهل وما يخرب البشره
bb كريم فاونديشن

 

[AVE.NJ]

انه مو خبيره بس الحين كل الماركات زينه
بس شنو يمشي معاج
اخذي سامبل وجربيه بعدين اشتري
والف مبروك

 

[منيرة@]

A.The one

مشكوورة ياااااقلبي ماقصرتي الله يسعدكك

AVE.NJ

نوورتي ياعسل مشكورةةة

 

[justmam]

منيره اولا الف مبروك
ربي يبارك لك و يسعدكم
بالنسبه ﻷاساس و كونسيلر بوبي براةن
مسكارا سموكي لاش من فورايفر
و ارواج فورايفر و ماك

واي استفيار نحنا بالخدمه ياعروستنا

 

[caramella <3]

الف الف مبروك حبيبتي

افضل كريم اساس سائل : كانيبو سنساي ----->> مخملي و هذا اللي عجبني فيه بس اختاري درجتج صح

افضل بودرة اساس : ماكس فاكتر الذهبية و عندج ماك ستديو فكس

افضل ماركة حمر : ماك و نوبا ثابتين و ما يطبعون (مات) و بوبي براون واااايد حلوين

افضل ماسكرا : سموكي لاش من فورايفر و لانكوم وااااايد حلوين

افضل بلشرات : عندج ماك و كلارنس

افضل لاينر : بوبي براون جل لاينر

و انصحج اتابعين هالفيديوات عاليوتيوب صدقيني راح تصيرين فنانة
pixiwoo

MakeUpByCamila

و اي استفسار عالخااااااااااص و ما يصير خاطرج الا طيب

 

[B.A.M]

افضل كريم ديور

 

[noty]

الف مبروووك حبيبتي و الله يهنييج


كريم اساس لازم تجربين كذا ماركه لانه صعب نقولج شنو
على حسب بشرتج

بوبي براون و ديور و غيرلان و وايد ماركات


افضل ماسكرا ديور بلاك اوت


الحمر اللي طعمهم حلو و ريحتهم حلوه سالوران و غيرلان ،، قوليلها ابي لونك ليست .. هذي ثابته تكون


ايلاينر شانيل او غيرلان

 

[Sweet Angle]

قوة ياقلبي الف الف مبروك ياعروس و الله يتمم لج على الف خير يارب

راح اقولج شنو الاساسيات اللي تحتاجينها

تبين بجنطة مكياجج ك عروس :

برايمر : تصحيحي للويه على حسب عيب بشرتج اكو للتفتيح او لإزالة الاحمرار او النضارة .. الخ .. اكو وايد ماركات بس انا جربت برايمر ميك اب فور ايفر لونه بيج كان لتصحيح الاسمرار ويعطي نضارة وحيل حلو

فاونديشن : لازم يكون عندج تغطية خفيفة للبيت و الطلعات البسيطة و واحد تغطيته ثقيلة للحفلات - الخفيف ارشح لج بالمركز الاول فاونديشن بوبي براون السائل خفيف ويعطي نضارة ولمعة و الديوي لوك ( جنه ويهج مبلول ونضر ويلمع ) وفي المرتبة الثانية برجوا هيلثي مكس ( نفس بوبي براون بس برجوا ارخص ) و ثقيل البنات يمدحون فاونديشن ماك او اي ماركة ثانية تحبينها

باودر : ارشح لج وبجداااااره بودرة ماكس فاكتور الذهبية حلوة حييييل

تحتاجين باليت ايشدو طبيعي : ماكو احلى من باليت نيكد من سيفورا ممكن تتطلبينه من التاجرات او محل سيفورا ( بس في الاغلب مايكون متوفر ) او ممكن من اي موقع تجاري مثل امازون او بيوتي دوت كوم .. الخ

تحتاجين باليت ايشدو يجمع كل الالوان : مثل كوستال او اي ماركة ثانية

تحتاجين مثبت : مثبت ميكب فور ايفر فكس بلس .. عجيب مثل ماي الورد واقري عنه اكثر ويثبت المكياج

تحتاجين فرش : من ماركة ماك الافضل والاجمل سيقما .. الاثنين روعة

تحتاجين بلاشرات ( ك الوان اساسية تحتاجين برونزي و وردي و مشمشي ) .. من نيكس من سنتر بوينت .. من ماك كل الالوان متوفرة .. بلاشرات برجوا من سنتر بوينت روووعه وثابتين

تحتاجين ارواج ( ك الوان اساسية عنابي واحمر و فوشي و وردي و لحمي ) .. لانج عروس اشتري الالوان الاساسية من ماك ثبات و حلوين حييييل و من كل لون اكثر من درجة ف تقدرين تختارين اللي راح يمشي مع درجة بشرتج .. و ارواج ريميل وريفلون و ماركات سنتر بوينت هم حلوة

تحتاجين ايلاينر : ايلاينر كريمي من ميبلين حده حلو وينافس ماك .. و ايلاينر نفس القلم من برجوا حلووو

تحتاجين ماسكرا : شوفي شنو تحتاجين اكثر لرموشج هل تكثيف او تطويل .. وانصحج باف سان لوران الذهبية .. او لانكوم ..او ماسكرات برجوا هم روعه ..


الماركات اعتمدي على هذول انا جربتهم وحلوين :- ماركات سنتر بوينت عموما .. ماك .. ميك اب فور ايفر .. برجوا .. بوبي براون

لما تخلصين من اساسياتج مري عليهم و شوفي يمكن تلقين اشياء حلوة ثانية و تضيفينها لجنطة المكياج

ولا تنسين تشترين جنطة حلوة تحطين فيها المكياج و جنطة صغيرة تحطينها بجنطة ايدج
و اهم شي الكريم المرطب قبل المكياج (( انصحج ب مرطب فيتامين سي من بودي شوب يعطي نضارة وحلوو ))

وهالفترة عليج بالخلطات و العناية الداخلية بالاكل و الشرب وغيره خصوصا عصير البرتقال وكوب حليب يوميا لازم للنضارة =) وكثري من الماي .. ولو حبيتي تشربين على الريق ماي دافي مع ليمون يضبط البشرة حييييييييييل

شنو بعد ياترى ؟؟؟

اعتقد بس .. لا تنسين البيس اللي يثبت لج الايشدو و مكياج الويه و اكو بيس للشفايف يثبت الروج =)

واي مساعدة من عيووووني دزيلي رسالة خاصة وراح ارجع لموضوعج و من هالعين قبل هاذي .. والف مبرووووك مرة ثانية حبيبة قلبي والله يسعدج يااااارب ويهنيج ... دعوااتج :*

 

[((غلاي))]

up up​

 

[نعم كويتية]

كفيتي يا سويت

 

[رانيا6]

اااااااااااب