أول شي واضح اختج ((في ها الفتره)) مضغوطه.
الحمل بروحه وادي و البنتين وادي ثاني.
أتوقع شعورها هذا وقتي!
مافي انسانه ما تكتشف شخصيتها الا بها العمر!
لكن خل أقولج و قوليلها ان لا تعطي مشكله وقتيه محدوده بها الفتره اللي هي مضغوطه فيها أكبر من حجمها و تتخيلها حاله دائمه.
طبيعي كل وحده منا لصارت تحت ضغط شديد و تعب يجيها احساس بانعدام الثقه بالنفس لنها مو قادره تدبر أمورها بالصوره اللي تحبها... لكن مو حلو ان تكبر ها (الاحساس)و تتخيله واقع و مشكله.
جذيه اهي قاعده تخلق مشكله دائمه من وضع وقتي.
لخفت الضغوط و بدت تنجح في الأشياء اللي تسويها تتعدل نظرتها لنفسها و كنتيجه تلاقي نفسها طبيعيه بالكلام مع ريلها و واثقه من تصرفاتها.
أهم شي بها الفتره انها لا تكثر على نفسها باللوم.
خل تسامح روحها اذا شافت من نفسها تقصير ...يربي الحمل بروحه يهد نص حيل الوحده و العيال يهدون النص الثاني شيبقى للسوالف من حيل!
ماله داعي تخاف انها تصير مثل امكم.لأن أكيد أمج كان عندها ميزات لو وزنتها مع الهدوء اللي خايفه تصير مثلها فيه راح تكبر بعينها.
خلها ترتاح و تعذر نفسها و مافيها الا العافيه...
بس انتي يا أختها مطلوب منج ترفعين ثقتها بنفسها ...بس بااااااااااالج يكون كلامج الدايم معاها بها الموضوع(شخصيتها و ثقتها بنفسها) جذيه تعززين عندها ها الشعور انها مهزوزة الشخصيه .
لكن خلي كلامج معاها مركز على ذكريات لها انتي عشتيها معاها كان لها فيها نجاحات و كانت متميزه.و كانت سعيده.
ذكريها بمدح فلانه و علانه لها يوم كذا و كذا.
ذكريها شلون كانت في أحسن فترات حياتها خلها تتذكر انها مو مثل ما الهم مصور لها نفسها
و عسى الله يا رب يفرج هم كل مهموم.
