وضعيات التصوير المتقدمة (الجزء الثاني)

[فراولة^فوشيا]

بسم الله الرحمن الرحيم


تعرفنا في الجزء الأول على وضعيات للتصوير ممكن ان نجدها في اي كاميرا ديجيتال أو حتى بعض كاميرات الموبايل

وهذه اوضاع متنوعة ويمكن للمصور ان يختار من بينها على حسب ما يلائمه لاعطاءه افضل النتائج

وعرفنا ان تلك الاوضاع اوتوماتيكية لايمكن للمصور ان يتحكم بخصائص الكاميرا من خلالها

وقبل الانتقال الى الاوضاع المتقدمه كان لابد ان نتعرف على بعض الامور المهمه جدا بالنسبة للمصور ليفهمها حتى يسهل عليه استخدام هذه الاوضاع

والنقاط المهمه اللي تحدثنا عنها هي:

- التعريض
- الآيزو
- الشتر
- فتحة العدسة​

الحين نقدر ننتقل الى الجزء الثاني بسهولة ان شاء الله


ملاحظة:

اسمحولي بنات ،، الشرح راح يكون على اساس كاميرات كانون الاحترافيه
لاني ماعرف بخصوص الكاميرات الثانيه
بس ممكن تقرون الموضوع وتفهمونه كفكره وانشالله اذا في اي سؤال ممكن البنات يساعدونا

 

[فراولة^فوشيا]

وضعيات التصوير في الكاميرا بشكل عام

- وضعيات اوتوماتيكية (انتهينا من شرحها في الجزء الأول)
- وضعيات شبه اوتوماتيكية
- وضع يدوي​

الأوضاع شبه الاوتوماتيكية

أولا: (Program Mode (P Mode

وهو الأقرب الى الوضع الاوتوماتيكي،، لكنه يعطي المجال للمصور في التحكم ببعض الخصائص

عند الضغط على زر التصوير نص ضغطه (يعني ضغطه خفيفه كأنك بتصورين بس لاتصورين)
راح تظهر على الشاشه الاعدادات وقيمها

في وضع الP .. تقوم الكاميرا بتقدير قيمة الشتر المناسبه وفتحة العدسة على حسب الاضاءه المتوفره ولا نستطيع التحكم في هذه القيم

لكن يمكننا ان نغير من قيمة الآيزو ISO ،، والوايت بالانس W/B ،، والتحكم بالفلاش (سواء باطلاقه او ايقافه)

(ممكن ان نلاحظ ان هذه الامور الثلاثه ISO- W/B - Stop Flash لا تظهر في الاوضاع الاوتوماتيكية)

وضعية الP من اكثر الوضعيات شيوعا خاصة عند المبتدئين
بالنسبة لي دايما استخدمها واقرأ القيم المقترحه عشان استفيد
واغير من قيمة الآيزو (ارفع القيمه لزيادة الاضاءه او لزيادة سرعة الشتر.. أو أقلل القيمة اذا الاضاءه جيدة لتجنب حدوث اي تشويش في الصورة)

 

[فراولة^فوشيا]

ثانيا: (Aperture Mode (AV Mode

وضع شبه اوتوماتيكي (شبه يدوي) وهو خاص بالتحكم في فتحة العدسة..
الى جانب الآيزو، وايت بالانس، والفلاش

يعتبر شبه اوتوماتيكي لأن الكاميرا تقدر قيمة الشتر المناسب بعد ان يختار المصور فتحة العدسة

متى نستخدم هذا الوضع؟

الى جانب التحكم بكمية الاضاءه الداخله (فتحة العدسة الكبيرة تدخل اضاءه اكبر والعكس صحيح)..
يمكننا التحكم في عمق الميدان (فتحة العدسة الكبيرة تعطي عمق ميداني ضيق)
ولعزل الخلفية (اذا اخترنا فتحة عدسة كبيرة فالعمق الميداني يضيق بحيث يحتوي جزء من موضوع الصورة ويعزل الخلفية)



(اخترت فتحة عدسة كبيره في هالصورة)

للتذكير.. الرقم الصغير لفتحة العدسه يعني ان فتحة العدسه كبيره ،، والرقم الكبير يعني فتحة عدسة صغيره

كذلك هناك بعض الحيل ممكن القيام بها من خلال التحكم في فتحة العدسة

على سبيل المثال،، للحصول على هذا الشكل للاضاءه (الاضاءه كأنها نجوم)



يستخدم فتحة عدسة صغيرة جدا مثلا F/22

يفضل عدم استخدام فتحة عدسة صغيره جدا الا اذا اردنا عمق ميداني كبير (لتصوير اللاندسكيب والطبيعة)
لأنها تأثر في جودة الصوره خاصة في المساء

نستخدم وضعية AV لتصوير الاشياء والمناظر الساكنه

 

[فراولة^فوشيا]

ثالثا: (Shutter Mode (TV Mode

وضع شبه اوتوماتيكي ايضا،، نفس ال AV بس واضح انه للتحكم في سرعة الشتر

المصور يختار قيمة للشتر ،، والكاميرا تختار فتحة العدسة المناسبة

يستخدم هذا الوضع لتصوير الاشياء المتحركة

ممكن ان نزيد من سرعة الشتر لتجميد الحركة،، او نقللها لاظهار الحركة

اوضح مثال اشوفه لفهم الشتر هو شلال الماء

مثلا اذا اردنا تصوير شلال ماي في النهار وحطينا على وضعية P (الكاميرا تختار فتحة العدسة والشتر)
من الطبيعي ان الكاميرا راح تختار سرعة شتر عاليه لان الاضاءه بالنهار كافيه وقويه
وسرعة الشتر العاليه تجمد الحركة



لكن ماذا لو اردنا اظهار حركة الماء بشكل انسيابي







نختار وضعية TV وقيمة شتر كبيره (شتر بطيء)
وطبعا الشتر البطيء يحتم علينا استخدام الحامل الثلاثي ترايبود

(امثلة الشتر البطيء لا تقتصر على الشلالات والنوافير... ممكن تستخدم لاظهار حركة الغيم، حركة النجوم، تصوير الالعاب الناريه، وغيرها من الافكار)

وايضا ممكن نستخدم الشتر البطيء ليلا لزيادة الاضاءه (كل ما قل الشتر زادت الاضاءه والعكس صحيح)

 

[فراولة^فوشيا]

الوضع اليدوي أو المانيوال ... Manual Mode

وضع متقدم جدا ،، يتم من خلاله التحكم التام من قبل المصور بكل اعدادات الكاميرا
من حيث الشتر وفتحة العدسة والأيزو والوايت بالانس والفلاش

واكيد يحتاج دقة كبيرة في تحديد القيم بحيث تكون متوازنه مع بعض لاعطاء تعريض جيد


في النهاية احب ألخص الموضوع بكل بساطه

P مود: يعطينا قيمة الشتر وفتحة العدسة
AV مود: نعطيه فتحة العدسة ويعطينا سرعة الشتر
TV مود: نعطيه سرعة الشتر ويعطينا فتحة العدسه
M مود: نعطيه كل شي ​

كيف نختار ونحدد القيم؟؟

نشوف في هالصوره

اولا: عند السهم الأحمر نختار الوضعية اللي بنصور فيها

ثانيا: عند السهم الأزرق نفر هذا الجزء يمين ويسار لاختيار القيم

في حال اختيار وضعية الTV مثلا راح نشوف في الشاشه ان الجزء الخاص بالشتر هو المظلل باللون الأزرق الفاتح (125/1)

واذا اخترنا AV الجزء الخاص في فتحة العدسه اهو اللي راح يتغير (لما نفر الزر يمين ويسار)

اما في الM مود ،، نضبط واحد منهم في البدايه على سبيل المثال الشتر
بعدين نضغط على زر (موضح بالصوره اول واحد من فوق) +/- Av ونظل ضاغطين عليه ونفر الفراره لتحديد القيمه

ما انصح في استخدام الM مود في البدايه لان صعب التحكم فيه



اتمنى ان يكون الدرس واضح وسامحوني على القصور :eh_s(8):

 

[جاي وحليب]

ياسلام عليج يافراولة فوشيا على الموضوع المميز
شغل متعوب عليه صراحة...

تشكرين على هالجهد ....

شرح كافي ووافي ماقصرتي والله يعطيج الف عافيه
وننسى ان كثير من الناس يتساءلون بعد ان عرفنا الوضعيات كامله
كيف نحدد كل وضع متى نستخدمه!!

نصيحة مني، اللي يستخدم وضع الاوتو عمره ماراح يطور من نفسه بمجال التصوير
لذلك الاوضاع الاخرى افضل برايي...

وضع المانيوال.. التحكم فيه كامل مثل ما ذكرتي ومنه نتعلم اشياء كثيره
وضبط الاعدادات بشكل صحيح.. لكن يبيله ممارسه..
واذا كانت عندنا مناسبه او تصوير اطفال او توثيق لحفلة او يمعة
لانقضي وقتنا بضبط الاعدادات الكثيره بوضع المانيوال ونضيع احلى اللحظات
اللي ممكن ماتتكرر....

اهني نرشح بقية الاوضاع مثل الـ Av و Tv

شكراً لج مره ثانيه وقواج الله يالغاليه

 

[beauty]

يعطيج العافيه حبيبتي

 

[toot^o^mishmish]

واي بعد جبدي والله صراحة الله يعطيكم العافية ...
فراوله حدج بدعتي ويزاج الله كل خير ...............
شرح وافي وكامل ..لا اله الا الله

...........كفيتي ووفيتي .............

 

[أنثى إستثنائية]

تصدقين صرت أتابع كل مواضيعك

أنا كنت مبتدئة تصوير وتعلمت كثير منك

الله يوفقك ويسعدك يارب

من جد دروسك واضحه وقمة الفايدة ..



وسهله لأني امتلك كاميرا كانون G9

 

[احساس الدينا]

يعطيج ألف العافية 0000000000000

 

[ChOcoLaTe 'n MarShMaLlOw]

يعطيج العافيه .. و ما قصرتي

على المجهود ..

خاصة انه الاسلوب سلس و سهل مشكوره

 

[ام مهودي]

روعه روعه روعه صج ما قصرتي والشرح يهبل وحده سهل مشكووره وايد واوه انه كامرتج كانون لانه كامرتي كانون :")
صج مشكوره وننتظر درووس يايه ويعطييج العافيه :")

 

[meme_3emeya]

مشكووووووووووووووورة وايد والله صج كنت احس نفسي ضايعة بالكاميرا اليديدة بس شرحج اينن وسهل ويدش المخ سيييييييدة ومايطلع وكفيتي ووفيتييييي ماكنت عارفة الav والtv وp ولا سوالف الشتر وفتحة العدسة شلون اتحكم فيها ,,,, بس اخر سؤال بليز شلون اسوي ستوب فلاش ادري وايد اذيتج اي دقمة ارعص

 

[فراولة^فوشيا]

جاي وحليب

مشكوووووره جايوونه وايد وايد
وصح كلامج اللي يصور بوضع الاوتوماتك عمره ماراح يتعلم
بس لي الحين القى صعوبه في استخدام الM
مو متمكنه منه احسه وضع للمحترفين وما أحس اني وصلت لي هالمستوى :0bee2e8d89:
انشالله مع الممارسه كل شي يسهل
ثانكس على ردج نورتي الموضوع :tek:


beauty

الله يعافيج حبيبتي :tek:


toot^o^mishmish

مشكوره وايد وايد تووت حياتي
الله يعافيج ويسلمج
واتمنى انه يكون موضوع مفيد لكم وتقدرون تطبقونه
تسلمين على ردج الحلو :tek:


أم بنوتي الحلوه

حبيبتي والله تسلمين على كلامج الحلو
واسعدني انج متابعه للدروس
وانشالله كلنا نستفيد من بعض :tek:


احساس الدينا

الله يسلمج ويعافيج :tek:


ChOcoLaTe 'n MarShMaLlOw

العفو حبيبتي
واهم شي ان يكون الشرح واضح وتستفيدون منه
شاكرلتج متابعتج لي مارشميلو :tek:


ام مهودي

كاميراتنا خوااات ثنتينا 450 :ggdw:
الله يعافيج حبيبتي
وانشالله نستفيد من بعض :tek:


meme_3emeya

حياتي والله اسعدني ردج
واهم شي التطبيق عشان ما تروح المعلومه

 

[فراولة^فوشيا]

مشكووووووووووووووورة وايد والله صج كنت احس نفسي ضايعة بالكاميرا اليديدة بس شرحج اينن وسهل ويدش المخ سيييييييدة ومايطلع وكفيتي ووفيتييييي ماكنت عارفة الav والtv وp ولا سوالف الشتر وفتحة العدسة شلون اتحكم فيها ,,,, بس اخر سؤال بليز شلون اسوي ستوب فلاش ادري وايد اذيتج اي دقمة ارعص

ميمي بالنسبه حق سؤال الفلاش

اذا كان الفلاش مفتوح بهذا الشكل

نزليه بصبعج
يعني ضغطي عليه لي تحت لما يتسكر ويكون بهالشكل

واذا استخدمتي الاوضاع P AV TV M
ماراح يتبطل معاج الفلاش كلش الا اذا انتي بطلتيه بنفسج

اذا حبيتي تفتحينه ضغطي على الزر اللي معلمه عليه بالسهم الأحمر في هالصوره

انشالله يارب يكون الشرح واضح
واذا في اي سؤال عفيه لا تستحون سألوا عن اي شي

 

[toot^o^mishmish]

للرفع والافاده

 

[[ سيدالملاح ]]

سلسلة دروس مميزة .. أبدعتــــــــي ..
شرح كافي و وافي ماقصرتي ،،
جهد تشكرين عليه .. يعطيج الف عافية ،،