وظيفة الأسنان

[البندري الكويتية]

الف تحية لكل الموجودين حاضر وغايب. موجود ولا مو موجود
انا عندي درس يوم الأحد عن الهدف العقلي:يشرح الطفل على وظيفة الأسنان
الهدف الاجتماعي: يحرص على تنظيف أسنانه
الهدف الحركي: يجمع مصورات تخدم الخبرة
تكفوووووووووووووووووووون ساعدوني ولكم الأجر والثواب:friends::friends:

 

[عالي مستواها]

ممكن المنبه تسوين قص ولزق تشكلين فيه " فم "

أول تركبين مربعات بيضة جمب بعض " أسنان " وشوي شوي يخمنون إذا ما توصلوا حطي الشفايف هم بقص ولزق أحمر .. بعدها شنو هذا ماذا يوجد بداخل الفم ؟ وأدخلي بالدرس عاد الناحية الدينية " من خلقنا ؟ .. والناحية الوطنية مع السلوكيات " كيف نحافظ على اسنانا ؟ " تنظيفها بالفرشاة والمعجون من وفرها لنا ؟ هذا بالنسبة للوطني

وحطي مسابقة مرتبطة بالخبرة عاد مادري على حسب .. ممكن عن الأغذية المفيدة والضارة مع التغذية الراجعة والتعلم الذاتي حلو الدرس سهل

أنتي عاد ضيفي أنشطة وشغلات عشان الوقت لأنه مافيه كلمة ولا عدد .. أتمنى أكون أفدتج ولو بشغلة بسيطة

 

[طبيعيه]

مشكورات

 

[abla_momaiza]

عن طريق صناديق مبعثرة بالفصل ومع الموسيقي يجمع الأطفال الصناديق عندج ثم يتعرفون ماذا يوجد بداخلها وتكون عباره عن ( حفاضة + رضاعة+ ملابس البيبي ) تناقشينهم باللي شافوه حتى تتوصلين بالرضاعة وليش الرضيع يشرب بس الحليب

 

[@ المزيونة @]

في درس كتبته لاحد الاخوات ينفع لدرسج
بس معدله عليه شوي
شوووفيه



المنبه صورة اسنان مفككه وحاطته باظرف وموزعتها بالاركان وتخلين الاطفال يلمونه ويركبونه على السبوره

ويتعرفون على انها اسنان

بعدين خليهم يغمضون عينهم نامو نامو وحطي سوس على الاسنان (قص ولزق اسود) تسألينهم ماذا حدث شنو هذا الشيئ الموجود على الاسنان

راح يقولون سوس وسأليهم من شنو راح يقولون من الحلويات وقوليلهم لازم مانكثر منها لانه مضره شنو المفروظ نسوي عشان نحافظ عليه؟

نفرشه بعد كل وجبه ونأكل اكل مفيد


وطلعي الغذاء المضر عن طريق لعبه مثل خطوات او طاق طاق طاقيه او اي شي ويتعرفون على الغذاء المضر للاسنان ولازم ناكله بكميات قليله ومانكثرمنه ونفرش اسنانه عقبه

بعدين تكونين مدربه احد الاطفال وملبسته بالطو يكون ورى احد الاركان وتسوي اي حركة تنبيه مثلا بدف او جرس وتطلع وتسلم على الاطفال وتسألونه من انتي راح تقول انا صديق الاسنان وتشوف الحلاو الي انتي عرضتيه قبل اشوي وتقول اوووه ماهذا الا تعلمون ياطفال ان هذه الحلويات مضره بالاسنان وتسبب له التسوس اذا سوف اعطيكم هديه لكي تحافظون على اسنانكم ويكون عباره عن ملف فيه اسنان مسوسه وراها حلويات واسنا نظيفه وراه اكل مفيد
وتلمين الاطفال حاوليج وتتصفحينه معاهم وتناقش ينهم فيه

بعدين تخلين احد الاطفال يروح ركن المطبخ ويعدلج وجبه مفيده للاسنان تكونين حاطه حليب وجبن وبيض وخيار ويجمعه ويحطه بصينيه ويتعرفون الاطفال على الوجبه المفيده للاسنان

-بعدين لعبه نامو نامو وتحطين ورى كل واحد صوره عباره عن اكل مفيد وحلويات ولما يبطلون عيونهم كلهم يوقفون ويمسكون الصوره الي وراهم وتطلبين منهم بان يطالعون الصور الي معاهم والي معاه اكل مفيد للاسنان يعلقه على السبوره وبعدين تسألين الاطفال الي معلقو صورهم ليش ماعلقتوه الصور الي معاكم راح يقولون لانه اكل غير مفيد
للاسنان

بعدين مسابقه جماعيه ورى كل فريق سله فيها اكل مفيد وحلويات

وجدام كل فريق طوقين الاكل المفيد للاسنان يحطون بطوق والاكل غير المفيد للاسنان بالطوق الثاني

وبس

 

[البندري الكويتية]

صراحة ماقصرتوا كفيتو ووفيتو يعطيكم ألف عافية ويجزاكم ألف خير يارب