وقفوا المجلس الطبي اداوم ولا لأ شوروا علي

[الم وجروح]

انا. باول يوم بال 34 اسبوع حمل وقفولي المجلس الطبي

والاحد دوامي بعد اجازه طويله بداية 35
والاسبوع اللي بعده افتح الربط واخر ولاده لي ولدت. نفس يوم فتح الربط

انا مدرسه روضه يعني كَراف بكراف بكراف
ومجرد اني انزل من السياره ضغط البيبي يذبحني. ومحتاره. اداوم ولا لأ
مفكره. اذا داومت بس الاسبوع الياي 4 ايام شرايكم. حركة البيبي قويه. والدكتوره مانعتني من المشي قبل الربط
وانتو تدرون ماتدري الوحده متى تولد

 

[بنت جنيف]

ليش اداومين كمليها مرضيات اهم شي صحتج وصحة البيبي والمدرسه ماتقعد على حيلها على قولتج مكروفين كراف انا ريحت نفسي واشتغلت مرضيات ماني قادره على الوقفه والتدريس

 

[ملاك ^ الحب]

ردي سويلج مجلس طبي

ليش وقفوه

 

[Laymo0ona]

ليش ما جددتيه؟ مابقالج شي ماتسوى اتداومين هالجم اسبوع

 

[كل دنيتي امي@]

خذي اجازات مرضيه

حرام عليك تجهدين نفسك

 

[ام فطوووم]

حبيبتي ليش وقفوا المجلس الطبي
المفروض كل ماتخلص المجلس
دايركت اتروحين اتجددين
والا طلبي اعاده مجلس

 

[دآنة آلرشآيده]

جددي عادي بس دام وقفوا لازم اداومين
او اخذيها طبيات

 

[بدوية بملامح كشميرية 86]

اخذي مرضيات

الخاص يعطي ٥ ايام

وكل اسبوع اخذي

انا جذي كنت اخذها

وتري مايحسبونهااا. عليج بالخصم

والله يسهل علييييج

 

[أبله هنوف]

حبيبتي انتي وين راجعين
وين راح تفتحين الربط
نصيحه روحي الصباح او المستشفى
إلي انتي تابعتله خل اسون لج دخول
حتى لو يوم واحد وراحويعطونج راح اسبوعين
ومرضية دخول المستشفى غير عن المرضية العادية
ما تنحسب عليچ وان شاء الله على الاسبوعين اتكونين
بالاسبوع ٣٧ والله اسهلها عليج يارب
ولا لوية المجلس الطبي ومواعيده.
واتمنى اني اكون فدتج

 

[ام فطوووم]

اهو بدون موعد للمجلس
اهو دايركت الموعد موجود من بعد اخر يوم للمجلس
بس اذا وقفوه اعناد ومايبون يعطونج لج كذا حل
يا انج تدخلين مستشفى ولج شهر اجازه
او اذا اتراجعين مستشفى خاص
يعطونج ٨ ايام وطالع وراح اتصير على بند دخول مستشفى ولج شهر اتسوينها بس أأكد عليك كل مرضيه لازم اتكون
٨ ايام اقل ٧ ايام راح تنحسب من ضمن ال ١٥ يوم مرضي بالسنه

او انج تاخذين مرضيات واتحولينها للمجلس
بس اذا اتقولين انهم وقفوا عليج المجلس فخوفج مايردون يعطونج وولا ايصدقون المرضيات




اي سؤال انه حاضره خبره ابهالسوالف

 

[Um Ritaj]

اختي


انا مدرسة ابتدائي

وماده اساسيه


وادرس ثلاث فصول في كل فصل ٣٣ طالبه


يعني برقبتي ٩٦ طالبه



واداوم من ٧ الي ١ ونص


وادرس بذمة وضمير


واسوي تمارين وشفافيات واوراق عمل


واسوي خطط تحضير


وخطط اسبوعيه للواجبات

وقسمي بالدور الثاني


وصفين تحت وصفين بالدور الثاني بمبني بعيد


واسوي امتحانات


ومراجعات


واصحح


وارصد


وادخل الدرجات للكمبيوتر


وادخل الاحصائيات والنسب


وسويت درس نموذجي


وحضرت دروس وورش


وسويت اذاعه


وعملت خطط للضعاف

ونصابي ١٥ حصه بالاسبوع

ولما ارجع البيت ادرس عيالي


ولاغبت طول السنة الا ٣ ايام فقط



وانا بالشهر التاسع حاليا


واحلل معاشي واستلمه وانا راضيه ومرتاحه


لاني متوكله علي الله وانتظر الاجر والثواب منه فقط


فعليك بترطيب لسانك بذكر الله ( سبحان الله وبحمده -سبحان الله العظيم ) فهي خير معين لك في هذا العمل الشاق


واسال الله ان يهون علينا حمله ووضعه

 

[غارقة بأحزانها]

حبيبتي ام ريتاج
حامل عن حامل تفرق
الحمدلله اذا انتي حملج طبيعي ومافيه مشاكل
تقدرين تشتغلين
بس اهي تقولج مسوية ربط والدكتورة مانعتها من المشي
فما بالج بركض وقومة وقعدة
صج انتو تدرسون اكثر من صف وعندكم امتحانات وتصليح
بس ابلات الروضة يتعبون تعب خيالي
ويتعاملون مع اطفال صغار
يوقفون بالفرصة والمطعم ويربطون صداري وكل شغلهم تجندس
وهم بعد تحضير ووسائل
مع خطر التعرض للاصابات من قبل الاطفال الدفاشة احد يركض ويدعم بطنها
غير الضغط اللي يرتفع من الشطانة والحركات العجيبه

 

[walked away]

مع احترامي الشديد لج ام رتاج بس الكلام الي بقوله مو لج تحديدا لفئه من الناس

ترا الحمل مو كله واحد وحامل عن حامل تفرق فيه حريم تحمل وما اتنسى وفي حرم نساتهم جايده. في حريم طول حملها ينزل دم عليها وفي حرين ماتشوف الدم كلش وفي حربم من تحمل مثبتات وفي حريم ماتاخذ في حريم كلش مايطلعون وقت الحمل من ثقل الرحم وعوار الطهر وفي حريم سهالات الي بوصله لكم ان الي حمالها سهل لا تحكم علي اللي تحمل وتربط او تعالج وتقول تتدلع خل تحمد ربها علي النعمه لان في ناس حملهم متعدد الخطوره وفعدتها بالبيا ابرك

انا نصيحتي لج اخذي طبيات دامج رابطه حرام تضيعين التعب الي تعبتيه واذا ولدتي بالسلامه ذيك الساعه استعدي للدوام