وقف عمليات التكميم

[zozii]

السلام عليكم

بنات تكفون عندي سؤال مهم ابيكم تجاوبوني بس اللي متاكدة تكفووون

عمليات التكميم صج وقفوها ولا بس بس موقفينها بالحكومة و يسوونها بالخاص؟

و اللي سوتها بالخاص جم كلفها ؟

و اذا صج موقفينها متى يردوونها ؟؟ قالو شهر 11 او 12 ؟ صج ؟

و الله يعطيكم الف عافية

 

[باقة فرح]

منو قاله...
لما نويتها وقفوها... بكل الحكومي ولا بمستشفى واحد وشنو السبب

 

[1001]

نعم صحيح وقفوها وجميع عمليات قص المعده والبالون والتكميم
اختي تشتغل بالصحه
تقول لان اضرارة وايد و فيها وفيات وايد
من شهرين تم وفاة حرمتين بمستشفى السلام وعلى طول وقفو العمليات

 

[nanosa78]

اذا تبين تقدرين تسوين البالون عند د فهد النجار متطور صار الحين ووايد يمدحونه آمن وتشيلينه عقب اذا تبين روحي له استشاره عيادته بمبنى المسيله بجانب مستشفى السلام والله يسهل امورج

 

[beealh]

ما وقفوها عشان وفيات كلام الناس
وقفوها عشان يشوفون نسبت النجاح و تطور اكثر فيها وليش الشعب اكثره قام يلجأ لها بدال الرجيم

حبيبتي اذا وزنج فوق ال 100 تقدرين تروحين دبي مصر البحرين وتسوينها انا صالي سنتين مسويتها وحمدلله راضيه كل الرضا

 

[cup-cacke]

اي منعوه بس على اساس شهر 9 يناقشون الموضوع

بس ترى في مستشفى حكومي يسويها بالخش والدس:d

 

[yam_yam]

وقفوها لان قام كل من هب و دب يسويها
و في بنات مايحتاجونها على ١٥ كيلو يسوونها
وحده من بناتنا وزنها ٧٧ الدكتور كاتب انه ٩٠ عشان تدخل العمليه و يسوي لها بس عشان الفلوس
العمليه مو خطرة للي يحتاجونها
لكن اللي مومتان وايد و سمنتهم مو مرضيه ماله داعي يسوونها و الدكاتره خلوها تجاره
و صاروا يسوونها للي مايحتاجون عشان جذي صار وفاة وايد

و لو انه خطرة مايرجعونها
اخر كلام سمعته انه ورا العيد بترجع بس محد يسوويها الا عن طريق لجنة صحيه هي اللي تقرر اذا حالة المريض تحتاج او لا
و هذا اللي لازم يصير من الاول

 

[cup-cacke]

انزين ليش يمنعونها عن الحكومه

الحكومه مايسوون هالعمليه الا للي اوزانهم كبيره يمنعها عن الخاص وخلاص

ما حل مشكله صارو الناس يروحون بره ويسوونها..حتى دكاتره الخاص صارو يسافرون يسوونها بره

 

[leb-heart]

حبيباتي..انا اللي سمعته من صديقاتي لاتحاتون اللي ناويين يسوونها ان راح يردونها عن قريب حتى محتمل قبل شهر تسعه عشان جذي اللي ناوي يسويها ومستعجل عليها يبلش فيه تحاليها عشان تكون جاهزة..

 

[cup-cacke]

اي كنت اشوف مراجعين يسوون تحاليل ويدخلون على دكاتره التخدير ويخلصون يقولون عشان بس يفتح الباب يبلشون

 

[باقة فرح]

الله يكتب الخيره.... والله للحين الحيره... حتى موعد ما خذيت..

 

[om-3abodey]

لا يباا ما وقفوهاا ولا شئ حجي فاضي توة واحد من أهلنا مسويها

 

[باقة فرح]

أم عبودي بالله خاص ولا حكومي.. ردي عليه عفيه

 

[beealh]

حبيبي دكاتره وايد يسوونها ب الخاص ومتأكده من هلكلام والعمليه ما لها سلبيات وايد كثر ايجابياتها عمتي صارلها 7 سنين مسويتها وانا 3 والحمدلله