ولادة الصباح؟خياطهم؟رعايتهم؟

[no0ona_100]

السلام عليكم
شلووونكم خواتي ان شالله بخير

الله يوفقكم ويسهل اموركم

يسحابة أسأل منو مجربة ولادة مستشفى الصباح الحكومي

شلون كمامهم؟و شلون خياطهم؟ شلوون رعايتهم؟؟
مشكوورين

 

[no0ona_100]

شدعوة ولا رد؟؟

 

[مرقووقه]

ماكو كمام ولاده طبيعيه طبيعيه مستشفى حكومة شنو تتوقعون منه غير لوعة الجبد

 

[أمل المنصوري]

غريبة عندكم مستشفى حكومي ومافي اهتمام ورعاية

احنا عندنا في قطر مستشفى الولادة اهتمام ورعاية احسن من المستشفيات الخاصة

 

[دلع^_^]

حبيبتي انا والده فيه ، بعد ما طردوني الخاص وماتحملو مسؤوليتي لان البيبي راسه فوق والحمدلله ولدتها بالصباح سهالات والسسترات علا راسي ماخلوني والدكاتره رايحين رادين وقدرو يلفون بنتي وهي ببطني وولدوني الحمدلله ، والحلو فيه انه متخصص للولاده بنتي اول ما يبتها فيها سرعه تنفس ولونها محتقن لاني تعبت بولادتها والحمدلله علا طول حطوها بالحضانه وتصرفو

 

[دلع^_^]

والكمام خفيف لانهم ما يبونج تنامين وتساعدينهم بالولاده وهاذا الصح

 

[elpinkya]

انا ولدت مرتين هناك

و اشتغلت هناك بجناح الولاده

الرعايه ممتازه بالولاده ممكن تكونين بروحج بالغرفه او معاج وحده ثانيه و كل وحده مجابلتها ممرضه علي راسها ولا تحليج

و تسجل اول باول و تبلغ علي طووول لا سمح الله اذا صار شي

و الدكتور اذا حالتج علي وشك ولاده كل شوي يمر و اذا مطوله كل ساعتين يمر يفحص
و طبعا اذا صار شي ينادون الدكتور الاستشاري علي طول

البنج او التخدير

عندهم نوعين كمام و إبرة ظهر

الكمام متوفر بي بجناح الولاده الاول و في إبرة ظهر
كمامهم حلو ينوم و يدوخ

إبرة الظهر بجناح اثنين و مافي كمام

و طبيعي أنهم يوقفون الكمام و مفعول إبرة الظهر لما توصلين للولاده عشان تقدرين تسوين بوش للبيبي


و الله المستشفي ماكو منه من ناحيه الدكاتر و السسترات و العنايه

بس يبيله تعديل و ترميم و يصير احسن من الخاص

 

[HaMboOoSha]

الكل يمدح رعايتهم

وانا بجر وبولد هناك ان شاءالله

 

[-_-Designer-_-]

والله مادري عن رعايتهم وعنايتهم شلون بس حبيت انصحج نصييحه اذا تعسرت الولاده عندج لا سمح الله و قالو لج شفط لا ترضين لان الشفط مشكله اعرف 2 شفطو البيبي غلط و مسكين البيبي اهو الي تحمل غلطه الشفط , و انا من رايي تروحين خاص احسن لان اهناك تقدرين تدخلين احد معاج يساعدج يواسيج مو بروحج و بعدين هم غرفه خاصه لج حق ولادتج مو تسمعين اكثر من وحده تصارخ قلبج يعورج و تخافين , غير هذا نظافه الخاص و رعايتهم و الدكاتره يسمعونج , والله يسهل عليج حبيبتي , وتقبلي مروري

 

[حرم بدر]

اول شي السهاله من الله

وانا توني واالده صارلي شهر ونص

خوش ولاده والله احلى ولاده بعيالي لاني ما حسيت بشي
لا طلق ولا خياط ولا شق مع انه حاطيلي طلق صناعي
بس اخذت ابرة الظه العجيبه

طول اليوم نايمه ولا تحسين لا بفحص ولا شي
والكمام انا ما جربته بصراحه

واذا انفتحتي ٤ سانتي يسالونج تبين ابرة الظهر
وخياطهم حلوووو بعد من داخل ومن بره تجميلي ما تشوفينه

والله يسهل عليج يارب

 

[غلا-زوجي]

بنت خالتي ولدت فيه يالها دكتور قالها بفحصج اعتقد رئيسهم او شي جذي قالتله لا مابي ابي دكتورة قالها هذا الموجود وفحصها مسكينة كان ضغطها مرتفع والبيبي بخطر وبالنهايه شق بطنها ..
السهاله من الله سواء حكومة او خاص..

 

[sweeta77]

انا والده مرتين في الصباح
يعطونك كمام وابره تخدر
وما تحسين بشي
بس الحين يعطون ابره الظهر اذا تبين وعندهم دكاتره وايد شطار فيها
والرعايه زينه
بس اذا رحتي على الطواريء انت وحظك
يفضل ان تعرفين دكتور او دكتوره تكلمينهم ايونك

 

[بون سواريه]

مادري بس انا جربت عندهم تنظيفات لا لا مو شي بلعمومي حاطيني وسسترات نالهم خلق ولا وتوني طالعه من تنظيفات وما يمديني نمت ولا دازين سريري الفجر ليه بلله عليكم تدرون ليه علشان ينظفون وانا اقووولهم لو تنظفون الحمام ابرك يمه الحمام بروحه قصه عربي و ملابسً داخليه محذفه بكل مكان والحنفيات كلها صدا اذا عندج واسطه اوكي بس غير جذي انسي يبهدلووونج والله انا بس سويت تنظيفات ابي الهجه باي طريقه. بس الي سمعته اذا في واسطه يعتنون فيج احلي من الخاص بعد. وربي سهالات من رب العالمين خاص ولا حكومهً

 

[كويتيه مذهله 87]

الي تقول عندها واسطه تروح له
انا ماعندي واسطه والحمدالله واسطتي ربي
الحمدالله وااايد سهاله ولادتهم والسسترات 24 ساعه فوق رااسي نفسيتهم تهبببببببببببببببببل والدكاتره ايننووووون رايحين وراادييييييين وكل ساعه يعطوني التيلفون اكلم امي وكمامهم ماجربته جربت ابره الظهر والدكتور الي قزهاا لي نككته خفف عني التوتر ماقصر
يوم ولدت فرقت بين الي شفته وبين حجي البنات الي قريته قبل ولادتي

 

[sweeta77]

انا ملاحظتي على الخياط
بس الحين ما ادري اذا تغيروا

 

[ايمانو حلوة]

ايننووووووووووووووووووووووون ومافيهم الا العافية مايقصرون معاج بس اذا واسطة احسنو احسن بعد

 

[no0ona_100]

شلوون واسطة

ليش العنصرية فالديرة
ليش التفرقة هدا مستشفى ولادة وكلنا نرجي رحمة الله والسهالات من رب العباد مو واسطات

اصراحة خفت منه زياااادة

 

[بخـــارى]

مادري بس انا جربت عندهم تنظيفات لا لا مو شي بلعمومي حاطيني وسسترات نالهم خلق ولا وتوني طالعه من تنظيفات وما يمديني نمت ولا دازين سريري الفجر ليه بلله عليكم تدرون ليه علشان ينظفون وانا اقووولهم لو تنظفون الحمام ابرك يمه الحمام بروحه قصه عربي و ملابسً داخليه محذفه بكل مكان والحنفيات كلها صدا اذا عندج واسطه اوكي بس غير جذي انسي يبهدلووونج والله انا بس سويت تنظيفات ابي الهجه باي طريقه. بس الي سمعته اذا في واسطه يعتنون فيج احلي من الخاص بعد. وربي سهالات من رب العالمين خاص ولا حكومهً

نفس الي صار معاي انا اجهضت هناك
حطونا بجناح عمومي قلت مو مشكله ا
الحمام لوووووووعه

الزياره عندهم من 4 لي السبع
عندهم غرف خاصه وفاضيه وفوق هاذا مايعطونج حتى لو انتي كويتيه ليش ماادري

المقربين لي والي جربوا الولاده يقولون الكمام مايسوي شي والخياط موشي

 

[live your life]

شوفي حبيبتي انا ولدت باخر السابع تقريبا اول الثامن
الخاص ماحد عرفلي وكل واحد يشخص ويالف علي
بس لما رحت الولاده وعطوني ابرة الرئه احتياط وطلعوني عقبها بيومين ياني الطلق ورحت لهم والله حاولو كثر ما يقدرون ما يولدوني
بس الرحم كل ماله ويتبطل ولدوني قيصريه واهتمو فيني عدل والبيبي حبيبتي حطوها بالحضانه والله اسبوعين رفعو وزنها واهتمام فيها مو طبيعي وكاهي بحضني الحين اسمالله عليها والحين انا حامل وهم ناويه اولد عندهم
صج يبيلهم نظافه وترميم بس اهم شي الدكاتره يمفي انهم مسؤلين عنج بكل شي!

 

[no0ona_100]

امممممممم الله يسهل علينا