ولادة الkoc شلونها...؟

[ceekat-Rylha]

قــــوووه بنات شلونكم
انا اول مره احمل صراحه ومابقى شي على ولادتي

ابي استفسر شرايكم بولادة مستشفى الkoc
طمنوني الله يطمنكم :yaaaaaarb:

 

[Australia girl]

امي والدتنا كلنا بالكي او سي وتمدحهم والله يسهل عليج

 

[ceekat-Rylha]

Australia girl بعد عمري ماقصرتي
والله حدي خايفه من الولاده عسى الله يسهل الامور

 

[ceekat-Rylha]

شدعوه بنات تدخلون وماتطمنوني

 

[tmtmt]

والله مادري
ما فكرت فيها كلش

الله يسهل عليج وين مارحتي

 

[ceekat-Rylha]

tmtmt حياتي والله شاكرتلج مرورج

 

[ام أحمدووه]

احنا 5 امي والدتنا كلنا هناك ومازلنا نراجع حق اي شي
المستشفى عناية ونظافة مليوووون مرة احسن من مستشفى الولادة
وتوووها وحدة امس من قرايبنا والدة هناك تمدح وتقول كل شي ممتاز
الله يسهل عليج

 

[ceekat-Rylha]

ام أحمدووه ماقصرتي ياقلبي وعسى الله يطمنج يارب

 

[فرفشه منعنشه]

هلا حبيبتي المستشفى جدا جدا ممتاز وعلاجتهم روووعه بس انا زوجي مارضى اولد هناك لان زوجي موظف بالk.o.c
لان اغلب اللي يولدون سسترات بس الخياط انتي وحظج ريال او حرمة وزوجي لو تنمحي مستشفيات الكون ومافي حريم يولدون اولد بروحي بالبيت ولا يشوفني او يجيسني ريال
والصراحه ما اطول عليج ممتازين جدااااا وعنايتهم تهبل والله يسهل عليج انشالله

 

[أأأميرة الورد]

رد : ولادة الkoc شلونها...؟

الله يسهل عليج يالغالية

 

[*ماي الورد*]

عنايتهم تهبل بس ما يصلح حق استقبال حتى لو ماخذة خصوصي

 

[ceekat-Rylha]

فرفشه منعنشه بعد عمري ماقصرتي انا ريلي ماعلق اذا مره تولدني ولا ريال مادري عنه بهالموضوع بس انا خايفه اساسا من الولاده واحاتي المستشفى طمنتيني الله يطمنج

,,مناي & هناي حبيبتي ماقصرتي يالغاليه

,,,, *ماي الورد* لا ماني مسويه استقبال بسويه انشالله بالبيت مابي اخب نفسي صراحه وانا ميته خرعه من الولاده
وحياتي طمنتيني عسى الله يطمنج

 

[*ماي الورد*]

انا كل ولاداتي هناك اي سؤال حاضرة

 

[ceekat-Rylha]

يابعد عمري ماتقصرين

بولادتج حسيتي بتعب ولا كانت سهالات وشلون تعامل الدكاتره ؟؟
شلون خياطهم ؟؟
وااااي حدي خايفه من الولاده

 

[داناتا]

نصيحه المستشفى الخاص احسن انا اختي والده فيه ممرضاتهم مو تمام ما في معامله جنج تطرين منهم ووايد اسمع انه انفلونزا منتشره بها المستشفى

 

[" ام حمود "]

والله ماادري حبوبه ..
بس الله يسهل عليج يارب

 

[آجمل نسآء آلدنيآ]

مــآعندي فكـره كلـش كـــلش ..

بس آللـــه يسهــل عليـــج وتقوميـن بـآلسـلآمــه
​

 

[ceekat-Rylha]

داناتا """ لا لا تقولين اذا بروحي خايفه

 

[ceekat-Rylha]

" ام حمود " .. بعد عمري ماقصرتي :*

آجمل نسآء آلدنيآ ... ماتقصرتي يااقلبي انتي

شاكرتلكم مروركم يالغالين :*

 

[آهات الليل]

تقصدين مستشفى الشركه؟؟
اذا اهي انحاشي رفيجتي توهاوالده لاكمام ولابطيخ وخياط لووووووووووعه وسسترات لوعه ومسكينه تصارخ تقول مابي دكتوروالدكتور يقولها احسن توفري تخيلي؟؟
اشتري راحتج واولدي بخاص