ولادتي الاسبوع الياي ومحتاره ؟؟؟

[LAW_GiRL]

السلام يابنات شلونكم

انشاءالله يوم الاثنين الياي 6-6-2011 ولادتي الثالثه انا ولدت مرتين قيصريه بنج عام :eh_s(16):
وهالمره ودي اخذ ابرة الظهر بس مادري ليش خايفه احس اني راح اكون واعيه ومخي شغال انهم قاعدين يشقون بطني:yaaaaaarb: بس مشكلتي ان فيني جيوب وعندي تكرمون بلغم متكرر واختنق منه نتيجه الجيوب والبنج العام راح يزيد علي هالشي


ادري قرقت والله محتاره مادري شلون اعبر عن الي فيني :eh_s(10):



اي نصيحتكم واللي جربت الابره زينه ولا تنزفز وتعور :rgewrg::bbbiu: والي جربتها بالسيف لان انشاءالله ولادتي هناك

:eh_s(7):وشكرا

 

[Diva-Q8]

اختي ولدت بالسيف قبل 7 شهور خذت ابرة الظهر اول مره غزوها غلط وعورتها مسكينه ثاني مره حطوها عدل

وخذت ابرتين لانه ولادتها كانت متعسره واهيا بجر اول بيبي لها

الحين تقول صج ارتحت من الابره وماحسيت وايد بالولاده بس لو احمل مره ثانيه ما اخذها لانها تعبتها بالاربعين ريولها تعورها وتتفخت وظهرها بعد كانت وايد تشتكي من مكان الابره لي 3 شهور جدام

عموما انا بعد حامل وبجر وبولد الاسبوع الياي او اللي بعده بالسيف ان الله كتب وسألتها اشرايج اخذها قالتلي نصيحه لا تاخذينها

انتي براحتج

 

[بيرلا ستور]

يارب البنات يساعدونج
ربي يسهل عليج يارب

بس انا اخاف من ابرة الظهر لو شو ما اخذها ماادري ليش

 

[Mednight Rain]

الله يهون عليح وتقومين بالسلامة

 

[نـعـومـه]

ابره الظهر بعدددددددي عنها

خطررره مادري ليش البنات متساهلين فيها

 

[الحرير]

ادعي ربج يسهل علينا وعليج
توكلي على الله

 

[زين ودلال]

الله يهون عليج ان شاء الله

 

[ام عبدالله زوزو]

انا وايد اخاف منها بس انا بولد بعد اسبوعين بس ماادري الله يقومك ويقوم كل الامهات الحامل بسلامة يارب امين

 

[kookiz]

انا بجريه وخالتي جربتها برويال وارتاحت بعد ماكانت بتموت من العوار بس انا خايفه منهاا

 

[ناتشوو]

وضعج غير
استخيري وشوفي
يمكن تكونين مضطرة تاخذينها كونج قيصرية وفيج ربو

 

[NODA 2]

البنات واااايد يصروخون حبيبتي مو اكثر مني خذيتها 3 مرات توني والده من اسبوعين بالعكس اريح من الكمام
انا من اخذ الكمام بس اقعد ابجي وضغطي يرتفع علي طول والي تقولج عوار وخرابيط اول ما تولدين عليج بالماي علشان كل المهدئات و المسكنات الي فيج تنزل من البول مكرم السامع
وحطي في بالج لن يصيبنا إلا ماكتب الله لنا يعني كل شي بيد الله وسلامتج

 

[دمثة]

انصحج بنج عام

رفيجتي تقول مافي الم بس احس بضغط في بطنهااا وواعيه لكل شي

 

[anooma_86]

والله حبيبتي انا عميليتي كانت قيصريه و خذيت إبرة الظهر و ماصارلي. اي مضاعفات بالعكس بس اول يومين تحسين بعوار مكان الابره

 

[الرأي الآخر]

يعتمد على شطارة الدكتور اللي يسوي ابرة الظهر ..
صحيح ان في اثار جانبيه تحصل لبعض الحريم منها ... لكن الغالبيه يكونون اوكي بعدها ..
انا جربت العام و قعدت بحاله نفسيه الله لا يوريج .. كنت ابجي و اصارخ و البنج ما فج مني بسهوله ..
الحلو بابرة الظهر انج تكونين واعيه لحظة خروج البيبي للعالم .. و تقدرين تمسكينه و تشوفينه .. بعد البنج العام تكونين بحااااله و البيبي دايخ معاج .. انا انصح بابرة الظهر و ماراح يكون في الم بس شعور بضغط على بطنج .. لا تخافين حبيبتي.. والله يوفقج و يطلعكم من الولاده بصحه و امان

 

[غنوة ستايل]

انا اخذتها بولادتي الاولى
والحين بعد ودي آخذها مره ثانية
تصومين قبلها ويومها وعقبها يعني 3 ايام متتالية ما في شرب واكل وينومونج على سرير يابس لازم راسج ما يكون مرتفع
يعني ما في اي آثار جانبية الحمد الله كل شي تمام . بس شدتها يومين و بعدين خلاص . اول ما يشيلون البربيش وتقومين تقومج من السرير كل شي يصير اوكي .
توكلي على الله . وترا ما راح تحسين بشي ولا راح تشوفين شي . لان مغطين كل شي بشراشف ما تشوفين شي مثل المسرح وما يقولون لج اهم شنو يسووون اصلا تكونين مخدره ما تحسين بضغط الطبيبه او شقه المشرط او اي شي .
ما تحسين الا لما تسمعين صوت البيبي يصارخ
فلا تخافين
عسى الله يقومج بالسلامه ويقومني بالسلامه يارب
اللهم آمين

 

[LAW_GiRL]

انا اخذتها بولادتي الاولى
والحين بعد ودي آخذها مره ثانية
تصومين قبلها ويومها وعقبها يعني 3 ايام متتالية ما في شرب واكل وينومونج على سرير يابس لازم راسج ما يكون مرتفع
يعني ما في اي آثار جانبية الحمد الله كل شي تمام . بس شدتها يومين و بعدين خلاص . اول ما يشيلون البربيش وتقومين تقومج من السرير كل شي يصير اوكي .
توكلي على الله . وترا ما راح تحسين بشي ولا راح تشوفين شي . لان مغطين كل شي بشراشف ما تشوفين شي مثل المسرح وما يقولون لج اهم شنو يسووون اصلا تكونين مخدره ما تحسين بضغط الطبيبه او شقه المشرط او اي شي .
ما تحسين الا لما تسمعين صوت البيبي يصارخ
فلا تخافين
عسى الله يقومج بالسلامه ويقومني بالسلامه يارب
اللهم آمين

:hjy5jewf:الله يطمن قلبج ومشكوره حبيبتي عالنصيحه

 

[LAW_GiRL]

مشكوريــــــــــــــــــــــــــــــــن وماقصــــــــــــــــــــــــــــرتوا والله يسهل علينا يارب

 

[QYtiya.com]

والله انا سمعت عن وحده اخذتها وهي قيصريه تقووول يماااااااي خوووف ماتحسين بالم بس تحين انهم قاعد يفتحون بطنج ويشقون يعني واااااعيه باللي قاعد يصير وماادري صراااحه يمكن مااتتحملين ويرتفع الضغط من الخرعه وهالشي موزين
واساسا ابرة الظهر موووووووووزينه اي غلط ممكن يؤدي اللى الشلل اعوذ بالله
والجيوب عاااادي بعد ماتولدين سوي عمليه وفكي عمرج ولا هالمعاناة ..
والله يسهل عليييج ..

 

[Diva-Q8]

البنات واااايد يصروخون حبيبتي مو اكثر مني خذيتها 3 مرات توني والده من اسبوعين بالعكس اريح من الكمام
انا من اخذ الكمام بس اقعد ابجي وضغطي يرتفع علي طول والي تقولج عوار وخرابيط اول ما تولدين عليج بالماي علشان كل المهدئات و المسكنات الي فيج تنزل من البول مكرم السامع
وحطي في بالج لن يصيبنا إلا ماكتب الله لنا يعني كل شي بيد الله وسلامتج

اختي مو كل البنات يصروخون مثل ما تفضلتي ولا كل البنات مثل جسمج يتحمل

اختي الصغيره والده من 8 شهور تقريبا وخذتها بالسيف وبعد الولاده ريلها انتفخت وظلت فتره طويله يعورها مكان الابره يعني ليش اختي بجذب علي ماظن لها مصلحه وفوق هذا قالت صج ماحسيت بعوار الولاده بس لو ارد احمل ما اخذها ولا انصحج فيها...!!

يعني انتي ماصارلج شي بس غيرج صار له لاتستغربين تصير بأحسن العائلات

 

[Diva-Q8]

وضعج غير
استخيري وشوفي
يمكن تكونين مضطرة تاخذينها كونج قيصرية وفيج ربو

انا من راي اختي ناتشو انتي وضعج غير لانه قيصريه اذا البنج العام يظرج اكثر الابره اريحلج