ولاده والا شنوو افيدوني الله يجزاكم خيرر ؟؟

[أم المزاييين1]

السلام عليكم ورحمة الله وبركاته
خواتي الله يجزاكم خير انا بنص التاسع ومعاي من بداية الشهر عوارت خفيفه مثل الي انتو عارفين
بس اليوم كنت طالعه مشوار ولما رجعت شفت بملابسي الداخليه نقطة دم صغيره تكرمون
هذا يعني ولاده والا شنووو ؟؟؟؟
بس عوار مافيني بس عوار خفيف بضهري عادي يعنى
جزاكم الله خيرر

 

[الفنانه79]

رد : ولاده والا شنوو افيدوني الله يجزاكم خيرر ؟؟

هذي تجادييييييييييم وبداية ولاده ان شاء الله

زهبي نفسج واكلي رطب واقري سورة مريم وان شاء الله اتبشرينا بولادتج

 

[شووقة]

رد : ولاده والا شنوو افيدوني الله يجزاكم خيرر ؟؟

روحي المستشفى يفحصونج اذا كنتي مفتوحة وفيج طلوق
يعني ولادة والله يسهل عليج وتولدين بالسلامة

 

[خضيرة]

ولاده

 

[حشمه]

رد : ولاده والا شنوو افيدوني الله يجزاكم خيرر ؟؟

عادي حبيبتي يمكن سداده الرحم

تنزل مثل افرازات ودم او بني

يسمونها سداده الرحم وبعدها الرحم

يبدي يتوسع للولاده وان شالله الله

يسهل عليج امورج يارب

لاتحاتين بولدي نزل نقط دم

وبعدها باسبوع ولدت

ويوم الولاده انبط الماي

اما بنتي ماكو ولا شي من اللي

صار لي بولدي تكرر

ولادتها وطلقها مختلف

لاتحاتين سهاله من رب العالمين

 

[غلاي غير]

بداية خير ان شاء الله
بس لاتستعجلين الله يهون عليج بهون وسلامه

 

[جذابه بنت ذيابه]

رد : ولاده والا شنوو افيدوني الله يجزاكم خيرر ؟؟

بداية ولاده


والله يسهل عليج يارب ,,, عليج بسورة مريم والزلزله

 

[نمله ممصوعه]

انا صار معاي جذي في اولد في بنتي
وكنت مفتوحه سانتي

فـ ان شاء الله تكونين ولاده روحي تأكدي
والله يسهل عليج يارب

 

[ملاك^^الكويت]

فيج ولد مثلي لمن بولد نزل علي دم وانفجر الماي الفير الله العالم الله يسهل عليج يارب لاتنسين سورة الزلزله

 

[شيخة الحلوة]

عسا الله يسهل عليج
يارب
ويهون عليج الطلق والولادة يمكن بداية الولادة
ديري بالج على نفسج وكوني مستعده

 

[أم المزاييين1]

جزاكم الله خيرر وماقصرتووو
الله يسهل ان شاء الله

 

[كويتيه مذهله 87]

الله يسهل عليج يارب

 

[أم المزاييين1]

بنات الله يجزاكم خير ينزل معاى تكرمون فرازات ومعاها دم خفيييييييييييف هذا عادى
والا لازم اروح المستشفى
صراحه خايفه اروح ويلعوزوني شرايكم ؟
بس مامعاي عوار قوي لا بسيط يعني عادي ؟؟

 

[GhaiR_iLNaS]

رد : ولاده والا شنوو افيدوني الله يجزاكم خيرر ؟؟

روحي دكتورتج خل تفحصج يمكن ولادة !

 

[أم المزاييين1]

مشكووره وماقصرتي
بس مدري شفيني والله احس اني متررده وخايفه

 

[..نـــهـاونــد..]

الله يهون عليج حبيبتي

 

[bent-elq8]

رد : ولاده والا شنوو افيدوني الله يجزاكم خيرر ؟؟

بنات ماي الياهل شلون صاير ؟؟!
لزج و لا ماي عادي ؟؟!

 

[بيبي بدر]

الله يهون عليج

 

[الصعيريه]

رد : ولاده والا شنوو افيدوني الله يجزاكم خيرر ؟؟

الله يسهل عليج وتولدين بالسلامه وتبشرينااا

bent-elq8
مااي عادي مولزج