ولدتي قيصريه تعالي اهنيه شوي ؟

[نون الكون]

قوه بنات
منو فيكم جربت الولاده القيصريه
تقول فوائدها

لاحد يقول اولدي طبيعي لاني انا مقررين علي قيصريه لاسباب وايد

يلا بنات قولولي جم يوم راح اتعب بعد العمليه
ومتى اقدر اتحرك بعد العمليه

وشلون امارس حياتي

اقدر العب رياضه بعد العمليه بشهرين

يلا كل وحده مجربه تقولي تجربتها علشان تتحسن نفسيتي

وهمن اللي تعبو يقولون لي شنو حسو فيه علشان احط فبالي ومانصدم

 

[سعادة قلبي وياه]

ومنكم نستفيد انا ابحث عن الولادات القيصرية حابة اعرف واستفيد

 

[نون الكون]

هلا سعاده
ننطر باجي البنات
؟

 

[زهرة الزهور]

هﻻ حبيبتي الله يتمم عليج بالنسبة لي انا اولد قيصرية اول مرة كانت بنج كامل وبعدين بنج نصفي ارتحت عليه اكثر من الكامل كافي اولد واشوف البيبي واولد واخلص وانا صاحية مو نفس البج الكامل يتعب حييل والحمد لله اول قيصرية رح تتعبين شوي بس مو وااجد يعني سهاﻻت ان شاء الله بس اهم شي انج تمشين من ثاني يوم شوي وتقعدين وبعد جم ساعه تمشي وانتي بالمستشفى كل يوم قومي امشي لو تروحين بممر المستشفى وترجعين رح تحسين انج تحسنتي وااجد المشي اهوا الي يخليج طيبين بسرعه وكل ماقعدتي تظلين تعبانه بس كل شي سهاﻻت ويعدي على خير وتنسين وترجعين تحملين مرة ثانية لووول واي استفسار كلميني بالخاص انا حاضرة

 

[M!SS.LOBY]

الله ييسر أموج

 

[gmar al-kuwait]

الله ييسر امورج اختي ويسهل عليج

 

[غاليه واتغلى]

هلا حبيبتي اول ش الله يقومج بالسلامه ي رب
انا اكلمج الحين وانا نفااس وهذي القيصريه الثانيه والحمدلله على كل حال


شوفي حبيبتي ماراح اجذب عليج واقول ماتعور اول يوم طبعا عوار شديد اول ماتقومين من البنج تحسين بالم قوي راح يستمر معاج اربعة ايام من بعد العمليه وشوي شوي يخف واهم شي حبيبتي المشي نص علاج القيصريه المشي وراح يقومونج من اول يوم النيرس ويحاولون يمشونج بس انتي ساعديهم لان اول يوم صعبه شوي ولاتمشين بروحج راح تحسين بدووخه وشوي شوي تحسنين ان شاءالله

 

[غاليه واتغلى]

قد ماتفدرين امشب

 

[غاليه واتغلى]

قد ماتقدرين امشي

 

[××بنت الشيوخ××]

انا ماأنصح بالولاده القيصرية الطبيعي رحمة لكن اذا لسبب معين الله يهون عليج

 

[Ro00os]

اممممم انا قيصريه ماحسيت بعوار شديد اللهم اول يوم ماقدر اوقف عدل بس بعدها عادي اتحرك وامشي ولما رحت اشيل الخيط الدكتور قال عادي تمارسين الرياضيه

 

[Dana2012]

انا والده مرتين قيصريه
البدايه صعبه وتعور خصوصا اول يوم اذا يبون يمشونج
عقب يخف تدريجي بس اهم شي المشي كل شوي تقومين تمشين شوي علشان لا ينشب الجرح
وما تطلعين من الاربعين ان شاءالله الا وانتي الحمدالله زينه
انا بعد من اولد امي تسويلي منقوع مره اشرب منه علشان بسرعه يلتأم الجرح
وان شاءالله سهاله

 

[beauty rose]

انا والده قيصريه ولادتي الاولى
اول يوم متعب لان الجسم مرتخي حيل من البنج تحسين انج ثقيله
و ماتقدرين تتحركين بس لازم تمشين شوي شوي
اما بالنسبه للجرح ماتحسين بعوار لان اكيد بيعطونج مسكنات
و من ثاني يوم بتتحسن حركتج و بتقومين تمشين بالمستشفى عادي
اللي راح يتعبج لمة تيين توقفين او تقعدين بس لان العمليه تشد معاج
بس من اتطوفين ٢٠ يوم يقل هالشي حيييل و تقدرين تلبسين كورسيه بعد
و اشياء ضيجه اتدخل البطن
نصيحه علطول شفطي بطنج لي داخل لا تمشين و بطنج مرتخي
امشي مشية ملكه هههههه رفعي جتوفج و شدي بطنج
عشان بطنج يرد لي داخل

و الله يسهل عليج يا قلبي

بالنسبة للرياضه انا كنت اخاف اسوي رياضه و اعور نفسي
بس من يصيرلج ٣ شهور تقدرين تمارسين الرياضه الخفيفه
بس مو تمارين معده !

عقب ٦ شهور تقدرين تسوين اللي تبينه

 

[حبيبي مالكني]

انا ان شاالله راح تكون هاي ٣ ولادة لي بتكون ان شاالله
قيصرية
اول الايام فيه الم مبرح بس في مسكنات الم
تحاميل تطلبينهم من الدكتور ترتاحين اذا خذيتيهم
ثاني يوم من العملية راح يخلونج تمشين
عشان يبرا الجرح اسرع
الم القيصرية تقريبا ١٠ ايام
وترجعين طبيعية مثل قبل
وتقدرين تمارسين رياضة المشي
عقب الاربعين
بس تمارين البطن تسوينها عقب ٦شهور من الولادة
بس حبيبتي في احتمال يصيدج نزيف
او التصاقات
يعني مثل اي عملية لها احتمالات الخطا
والله الحافظ
الله يقومني ويقومج ويقوم كل البنات الي بسوون
عملية قيصرية بسلامة

 

[ام فافي]

انا سويت قيصرية قبل تلات شهور والله ما كدب عليك جداً متعبة خاصة اول أسبوع بالنسبة لصحتك تحسين نفسك تقدرين تطلعين عادي وتمشين نفس قبل بعد الاربيعين بس نصيحة ديري بالك من البرد انا كان المكيف مقابليني ولادتي كانت بالصباح ما اقدر أتحكم بالتكيف صدج كانت غرفة خاصة بس مو شئ حاشني هوا وتعبت كثير لما الحين صار لي ٣شهور أحس انو هوا داش بعضمي والله ديري بالك وما أنصحك بالصباح انا عن نفسي توبة انا رحت لهم كنت خائفة أروح خاص ويسون لي قيصري بس قدر الله ولي خفت منو صار فاختي ديري بالك من المكيف وهم شغلة إبرة الظهر تعب انا لما الحين تعورني يعني مره مره تقوم علي
بالنسبة للجرح من برا بسرعة يبرا بس من الداخل يبي لو وقت بس انتي كثر ما تقدرين امشي اول يوم صعب بس كل مرة مشيتي فيها تكون لي بعدها أسهل وأملي اكل صحي بعدي عن الخرابيط والأعشاب الأعشاب خليهم بأول دورة تيك بعد النفاس أي استفسار انا حاضرة ما أقصر من تجربتي بس عالخاص والله يتمم أمور تش بخير والول ما تشوفين عويناتو تنسين وجيعاتو انا أمي كنت كل ما أتألم تيب لي البيبي تحطو بحضني والله أنسى

 

[روح الأحزان]

انا مثلج كنت واايد خايفه لان والده ولادتين طبيعي وبولادتي هذي وايد انصدمت انه قيصريه وكانت لاسباب
انا خذيت بنج عام طبعا اول ماوعيت مت من العوار وهذا شي طبيعي لاتخافين منه واهم شي تمشين وطول ماانتي على السرير لازم تحركين ريلج هذي تعليمات الدكتوره حقي وبعد١٠ ايام شالت الدكتوره الغرزوقالت لازم تكون المنطقه جافه وانظفها مرتين باليوم بالكحول والحمد لله ارتحت ولازم ماتلعبين رياضه الا بعد ست شهور بس مشي تقدرين تمشين
وسلامة عمرج وحاضره لاي استفسار

 

[نوفآ]

الله يسلمج
اخذي تخدير نصفي افضل لج لان الكامل يسبب لج كحه وبلغم وهالشي يجرح العمليه
امشي واجد بس شوي شوي
المشي مهم جدا عشان ما طجيج جلطة لا سمح الله
وعليج بمنقوع المره اشربيه وامسحي الجرح فيه
و لا تشدين جسمج و
عشان العمليه ما تمشع وخلي احد يساعدج لما تقومين
الرياضه ممنوع خليج عالمشي
حتى لو بعد مليون سنه
وحده انفتحت عمليتها عقب 18 سنه لانها شالت الزوليه

الالم مع الايام يروح

الله يوفقج

 

[gmar al-kuwait]

لا اله الا الله

 

[@أم يوســـف@]

للرفع

 

[M!SS.LOBY]

الله ييسر امورج