ولدج ولا بنتج كملو الـ6 شهور وما يحبون اكل الاطفال ؟ تعالي اقولج شنعطينهم

[حرم راشد الماجد]

بسم الله الرحمن الرحيم

والصلاة والسلام على اشرف المرسلين سيدنا محمد وعلى اله وصحبه اجمعين


السلام عليكم ورحمة الله وبركاته


شلونكم يا امهات


طبعا انا من فتره كنت اعااااااااااااااني مع بنتي لانها ما تحب اكل الاطفال المهروس ( البطاط والجزر ومادري شنو هالخرابيط )

ومعتمده بس عالرضاعه واحس انها ما تشبع قمت اسوي عليها تجارب :O_SHH_:


واعتمدت هالثلاث اكلات قامت تحبهم صج انها ما تاكل وايد بس عالاقل لقيت نتيجه قليله احسن من اول


الاكله الاولي

شوربة ماجي دجاج بالشعيريه





4 اكواب ماء حار

ملعقة شوفان كويكر


وتخلينهم يطبخون لمدة 10 دقايق

وتسكرين النار وتخلين الشعيريه والشوفان ينقعون مع بعض بالماي وبعد 15 دقيقه تعطين الياهل ياكل وبالهنا والشفا





الاكله الثانيه

شوربة ماجي 11 صنف خضار




4 اكواب ماء حار

ملعقة عيش ابيض




ونفس الطريقه تخلينهم ينقعون مع بعض وتعطين الياهل ياكل



احلى من بطاط وجزر مهروس استغفر الله انا تلوع جبدي منه شلون اليهال

طبعا تقدرين تستعملين اي نوع شوربه ماعدا الي فيهم كريمه وبنفس الطريقه تحطين الالياف معاهم عن طريق الشوفان والارز او التوست ممكن تنقعين التوست مع الشوربه وهم راح تطلع لذيذه

 

[xxx]

رد : ولدج ولا بنتج كملو الـ6 شهور وما يحبون اكل الاطفال ؟ تعالي اقولج شنعطينهم

مشكورة على الافادة

الافضل ماتحطين شوربات ماجي الجاهزة فيها مواد ماتناسب الطفل

وعساج على القوة

 

[اختكم بالله]

شكرراااااااااااااا

انا ولدي مايحب الاكل


بس الشوفان زين للطفل ؟

 

[a7la MUM]

رد : ولدج ولا بنتج كملو الـ6 شهور وما يحبون اكل الاطفال ؟ تعالي اقولج شنعطينهم

هلا ياحياتي
اي ديري بالج ترا شوربات ماجي مو زينه معروفه مو حق يهال حرام

انا اعطيه ساعات الاكل الجاهز المهروس اللي بعلب زجاج مع عصايرهم
على فواكه مع قمح او خضروات تينن امبيه اسم الله عليه يعصب اذا خلص لووول
او كمثرى و موز وعنب شي عجيب ماركه هيرو بصور وبحط الصور واصلا طبيعي حده يومين وتقطينهم

 

[noynoy]

لا احطين شوربه ماجي او مكعبات ماجي حق اليهال مو زين في مواد مضره
اذا تبين وصفات غير الخضار المهروسه

غسلي عيش عدل عدل و نقعي بماي دافي نص ساعه بعدين فوحيه مع بطاط مكعبات و بروكلي او بطاط و زهره او كوسا و قرع او جزر اللي تحبينو ضيفي عليهم شووووويه ملح و لما يفوحون عدل و ينضون هرسيهم بخلاطه اليهال
او فوحي قطعه دياي من غير عظم و جلد مع ورقه غار و دارسين و و لما ينضا شخلي الماس و فوحي فيه عيش و بطاط و لما ينضى و ينشف الماي حطيهم بالخلاط مع الدياي
ولا قصصي تفاحه مقشره و حطي ماي بالجدر الصغير لمده 5 دقايق و بعدين حطي 7 تمرات تقريبا فوقهم و عقب حطيهم بالخلاط مع شويه من ماي الفوح و حليب اليهال (بس بحالتج حطي حليب صدرج اذا تشفطينه) او ميلوبا الفواكه او العسل، او بسكوت اليهال اللي تفضلين و رشه دارسيييين، تقدرين بعد تغيرين من التمر لي الكشمش بس تكونين ناقعته بماي دافي عشان ينتفخ، و بدال التفاح تحطين عرموط، يعني لج حريه الاختيار، و بعدين ضربيهم بالخلاط
و هم تقدرين تقشرين تفاحه و تقطعينها و تحطينها بالخلاط مع جبنه كيري و بسكوت اليهال
و اذا تبين وصفات ثانيه قولي عندي وايد ترا لان بنتي 7 شهور الحين و احب انوع لها عشان ما تمل

 

[hneen2]

لالالا حرام عليج حرم لا تعطينها ماجي تري في مواد حافظه مضره علي الكبار شلون علي اليهال علي الاقل سويلها نفس الطريقه بس علي شوربه دياي انتي تسوينها اضمن تكون طبيعيه

 

[*ماي الورد*]

رد : ولدج ولا بنتج كملو الـ6 شهور وما يحبون اكل الاطفال ؟ تعالي اقولج شنعطينهم

مشكورة على الافادة

الافضل ماتحطين شوربات ماجي الجاهزة فيها مواد ماتناسب الطفل

وعساج على القوة

انا معاها
اذا حطيت ماجي بالمرق ضميري يانبني
فيها مواد ما تناسب حتي الكبار

ومنتجات القمح مثل الشوفان تسوي حساسية بصدر الطفل الدكتورة قالتلي

 

[_Pure_]

بدال ماجي حطي خلطة الشوربة مالت ارض الطبيعه طبيعيه و مافيها مواد ضاره
و بدال الملح العادي حطي ملح البحر مال ارض الطبيعه وايد احسن

 

[*caramel macchiato*]

انتي اجتهدتي ويعطييييييييييييييج الف عاااافية...بس ديري بالج حبيبتي........
ماجي مترووووس ملح....والياهل ماينحط بأكله حتى الملح العادي.....

انا عشان يصير طعم الاكل مقبول ولذيذ ...دايما احط مع الخضار المسلوقة شوفان....اشلون...افوح الخضرة بجدر بروحها ...واسويلي شوربة شوفان على كتر جدر ثاني ..بس اخليها ثقيله حيل (( الشوفاااان موطبيعي اشلون مفيد))
...وبس بعيدين اخلطلهم بالخلاط...والله يصير طعمه لذيذ....

بس انا اشلون طريقتي بعد ....لازم احط نوع خضرة حلو ....مثال (( قرع مع كوسا وبطاط )) أكثر القرع لانه شيره وفيه حلات ...فيتقبله الياهل....
او (( بطاطا حلوة مع بروكلي وجزر)) البطاطا الحلوة والجزر حلوين ..فيطغى الطعم الحلو على البروكلي....
او سبانخ وبطاطا حلوة ...او كوسا مع بطاطا حلوة....جذي يعني انوع عشان الياهل مايمل فقير.....

بس لازم اخلط معاهم شوربة شوفان ...

 

[حرم راشد الماجد]

والله اخترت انتو تقولون مو زين الماجي والدكتور يقول وايد مفيده مادري من اصدق

 

[ازعجهم هدوئي]

حبيبتي حرم -تصدقين اني انا مادخل بيتي ماجي لانها يقول مسرطنة فما بالك بياهل -انتي اعطيها عيش عقولتك مع خضار انتي طبختيها وزبادي وشوربة شوفان وخضار المعلبة من الصيدلية قربر وطقتها -انا نصحتك لاني احبببببببببببببببببببببببببببببببببببببببببببببببببك

 

[طرطعانه]

لا احطين شوربه ماجي او مكعبات ماجي حق اليهال مو زين في مواد مضره
اذا تبين وصفات غير الخضار المهروسه

غسلي عيش عدل عدل و نقعي بماي دافي نص ساعه بعدين فوحيه مع بطاط مكعبات و بروكلي او بطاط و زهره او كوسا و قرع او جزر اللي تحبينو ضيفي عليهم شووووويه ملح و لما يفوحون عدل و ينضون هرسيهم بخلاطه اليهال
او فوحي قطعه دياي من غير عظم و جلد مع ورقه غار و دارسين و و لما ينضا شخلي الماس و فوحي فيه عيش و بطاط و لما ينضى و ينشف الماي حطيهم بالخلاط مع الدياي
ولا قصصي تفاحه مقشره و حطي ماي بالجدر الصغير لمده 5 دقايق و بعدين حطي 7 تمرات تقريبا فوقهم و عقب حطيهم بالخلاط مع شويه من ماي الفوح و حليب اليهال (بس بحالتج حطي حليب صدرج اذا تشفطينه) او ميلوبا الفواكه او العسل، او بسكوت اليهال اللي تفضلين و رشه دارسيييين، تقدرين بعد تغيرين من التمر لي الكشمش بس تكونين ناقعته بماي دافي عشان ينتفخ، و بدال التفاح تحطين عرموط، يعني لج حريه الاختيار، و بعدين ضربيهم بالخلاط
و هم تقدرين تقشرين تفاحه و تقطعينها و تحطينها بالخلاط مع جبنه كيري و بسكوت اليهال
و اذا تبين وصفات ثانيه قولي عندي وايد ترا لان بنتي 7 شهور الحين و احب انوع لها عشان ما تمل

جزااااااااج الله خيير

خووش وصفااات :rerrerek:

 

[%ورد طايفي%]

مشكووره حبوبه بس منو دكتورج الي يقول الماجي مفيد؟؟
حرام بنتج صغيره وماتميز وانتي جذي خليتيها تحب الملح

 

[ام ناصر 2009]

رد : ولدج ولا بنتج كملو الـ6 شهور وما يحبون اكل الاطفال ؟ تعالي اقولج شنعطينهم

مشكوره حروم بس مو زين سمعت الشوبه للجهال

 

[جمالي ايطالي]

مشكوره

بس تو الناس عالماجي


الماجي لنا

 

[maryoom321]

انتي اجتهدتي ويعطييييييييييييييج الف عاااافية...بس ديري بالج حبيبتي........
ماجي مترووووس ملح....والياهل ماينحط بأكله حتى الملح العادي.....

انا عشان يصير طعم الاكل مقبول ولذيذ ...دايما احط مع الخضار المسلوقة شوفان....اشلون...افوح الخضرة بجدر بروحها ...واسويلي شوربة شوفان على كتر جدر ثاني ..بس اخليها ثقيله حيل (( الشوفاااان موطبيعي اشلون مفيد))
...وبس بعيدين اخلطلهم بالخلاط...والله يصير طعمه لذيذ....

بس انا اشلون طريقتي بعد ....لازم احط نوع خضرة حلو ....مثال (( قرع مع كوسا وبطاط )) أكثر القرع لانه شيره وفيه حلات ...فيتقبله الياهل....
او (( بطاطا حلوة مع بروكلي وجزر)) البطاطا الحلوة والجزر حلوين ..فيطغى الطعم الحلو على البروكلي....
او سبانخ وبطاطا حلوة ...او كوسا مع بطاطا حلوة....جذي يعني انوع عشان الياهل مايمل فقير.....

بس لازم اخلط معاهم شوربة شوفان ...

حبيبتي شلون تسوين شوربة الشوفان
عفية قولي الطريقة خطوة ب خطوة

 

[رنيم q8]

ما ادري بس اول مره اسمع ماجي

 

[Dalal.al3tibi]

رد : ولدج ولا بنتج كملو الـ6 شهور وما يحبون اكل الاطفال ؟ تعالي اقولج شنعطينهم

انا توني موصلت لهل المرحلة

 

[@الياسمين@]

حبيبتي ديري بالج من شوربة الماجي ومكعبات الماجي
انا سامعه دكتور يحذر منهم حيل خاصة للاطفال اللي اقل من 3 سنوات
اهيه مضره للكبار فشلون اليهال .....
اقري مكوناتها وشوفي كله نكهات ومركبات تعطيج طعم
حاولي تسوين الشوربه بنفسج بالبيت
انا جذي اسوي الشوربه حق بنتي بروحي ومع كل نوع حطي قفشة شوفان وايد زين ومفيد للاطفال
:hjy5jewf:

 

[Daleela]

اختي مابي اخرعج بس الماجي وغيره كله مواد حافظه والدكتور اللي قالج شكله غشيم

يعني انتي لمن تسوين شوربه قولي بطاط بالكوسى ايهو افيد اللي تسوينها فريش ولا اللي بالمواد الحافظه ؟؟