ولددي ضعييييف

[كويتيه بنت قناص]

السلام عليككككم

بنات انا عندي ولدي بيكمل سنتين بس حيل ضعيف ماياكل

لمن احطله الاكل يبي يلعب ويخبص ويقوم ومشالله لمن اشوف

عيال عايلتنا اللي بعمره مربربين لاقوة الا بالله فماتعرفون شي

يمتنه فيتامين او شي ولدي اللحم والدجاج مايحبهم .. لاتقولونلي مشهي عطيه

المشهي فيه نسبة سكر عاليه وانا اخاف حييييل من السكري مرة اخوي تقول الجبده وجذي

وكلته ماتقبلها يتفلها ?

 

[الهما]

حليله تحليل شامل اذا اموره زينه ...اعملي الاتي
1. وقت الاكل خليه يخبص حطيله سفرة على الارض و نوعي بالاكل اذكر كنت احك لودي عيش مع روب و اسويهم على شكل كور كان شكلهم يشوق ... و اجيب العاب البحر اللي على شكل قصر ... اللي تعبينهم رمل و تقلبينهم و يطلع القصر .. كنت اسي جذيه و اقوله يالله ناكل القصر و يستااانس ... و اخلي وقت الاكل بعد ما يلعب واايد بالحوش....
2. لا تحنين عليه اكل اكل اكل ...خليه لمن يجوع بقولك ماما جوعان
ببساطه هذا الحل ...هذا كلام دكتور أطفال....
اهم شي تحليل شامل تتاكدين ان الحديد زين و ان لاسمح الله ما يكون في شي اهو اللي يسد شهيته...​

 

[M!SS.LOBY]

شوفي له حل روحي للدكتور

 

[أم دانـــه]

حبيبتي يعتمد على نوع الاكل الي ياكله
وبعدين المشهي عطيه فتره بسيطه لما تشوفينه بدا ياكل خلاص وقفيه
وبعدين سويله الاشياء الي اتمتن بطاط مقلي _ معكرونيه بكل انواعها
عصير كي دي دي وخصوصا المنجا _ عطيه برد قلاصات على حليب او كاكا بالصيف طبعا
اوصصيج بالنوتيلا عجيبه ياكلها بروحها بقفشه او مع خبز او صمون
بتقولين هذي الاشياء فيها دهون ومو صحيه وسكريات اي صح
بس هذي الاشياء الي تمتن وتزيد الوزن
اي عندج بعد المحلبيه ممتازه

 

[اسبــانيــة]

اوووله شدعوه كل هذا

سوي تحاليل اذا كل شي زين خليييه جذي لا ياكل عادي

مارده بيقولج ماما ابي اكل

ومو لازم يكووون مربرب عن الحجي البايخ

لازم يطلع مربرب واييب العين ولا يكون اكله خرابيط بس علشان تتفخينه

والصبي بيلعب وحركي ترا طبيعي الوضع

ترا لاحق عالمتن باجر يكبر يصير ريال وكبر الباب بعد

خخخخخخخخخ

لا توسوسين ترا عادي ولا تهولين الوضع

 

[أم يزيد &سديم&]

=اسبــانيــة;32060281]اوووله شدعوه كل هذا

سوي تحاليل اذا كل شي زين خليييه جذي لا ياكل عادي

مارده بيقولج ماما ابي اكل

ومو لازم يكووون مربرب عن الحجي البايخ

لازم يطلع مربرب واييب العين ولا يكون اكله خرابيط بس علشان تتفخينه

والصبي بيلعب وحركي ترا طبيعي الوضع

وإياك في كل كل كلمة قلتيها
مو شرط يكون مريض تبغين ولدك مريض ومتين ولا معافى ونحيف

 

[PinkLulu]

شوفي وزنه مقارنة بالوزن المثالي حق عمره

هل وايد أقل...ولا ضمن المعدل الطبيعي؟

إذا كان طبيعي بس شكله أضعف من اليهال الثانيين مو شرط يعني اهما صحتهم أحسن

الصحة مو بالمتن ولا بالضعف...الصحة إنه ياكل أكل مفيد

وإنه يكون نموه طبيعي...يمشي ويتكلم ويتفاعل بشكل طبيعي

والياهل طبيعي يكون ضعيف...لأنه حركي...

الياهل المتين يعني كسول وما يتحرك من مكانه وهالشي مو زين