ولدي احترق شتنصحون كريم يخفف الحرق ؛( :(

[Al shaikha 1]

بنات توني مطلعه الماي من الغلايه وصبيت بالممه لرقم 80 م
ودرت ثواااااني بس اييب البارد ولا اسم الله ولدي يحبي مسك الممه بيحطها
بحلجه ولا الماي ينكب كله من فخوذه لتحت
مادري شسوي شحط ماعرف وذابح عمره بجي
ووده يسوي شي ويوخر ريلي اشله اسكته واكب ماي مثلج عليه ماكو فايده
جان احط سودوكريم شسوي ريله جنه محترقه منصلخه قلبي يعورني عليه شسوي
ماعندي كريم للحروق

 

[ريحة الكويت]

مايشوف شر ان شالله
لاتغطين رجوله خلي يحوشها الهوا واشتري له كريم ميبو حيل زين للحروق البسيطه

 

[Al shaikha 1]

مشكوره حبيبتي
بس فديته مايقدر الا يحبي عالزل اح واي بيحره
عاد من وين ميبو ماعندي احد يجيبه عشان جذي نزلت موضوع
اذا في شي من البيت زين له

 

[@الياسمين@]

حطيله كريم ميبو
او اذا عندج هرده حطيله ترا هم زينه
٠٠٠ لانها زيت السمسم مثل ميبو

 

[auckland]

اذا عندج صبار في الحديقه قصيه وحطي الماي الي داخله على الحرق وايد زين
في حال عدم توفر ميبو

 

[Al shaikha 1]

يالله نجرب معجون اسنان انا ماعندي هرده مخلصه

 

[نرج ـــس]

الله يعينه كلش ولآ الحرق .. ميبو عجيب من باجر جيبيه من الصيدليه


والله يشافيه ويعافيه لج .. ويستر عليه

 

[حظ من عنده انا]

ياااعمرررري.



العسسل يخفف الالم والحررق

الميبو. يوخر اثاار الحررق


وضروري تروحين دكتور عشان يلفونه


مايشوف شر

 

[Al shaikha 1]

بنات ريلي ولدي طلع في مثل دواير منتفخه حيييل
الي شوي وتنبط شسوي
حطيت معجون بطعم صبار
وبعد شوي بحط عسل
ماعندي احد يوديني مستشفئ الود ودي اوديه بس الشكوى لله

 

[توتاتوتا]

الله يعينش ومايشوف شر بس حاولي تروحين المستشفى دام طلع الهوا فالحرق

 

[أحبج يمه]

حبيبتي لازم تودينه المستشفى لازم يعاجونه حراام حيل صغير واشتري له ميبو وحطييه حقه أحسن شي حق الحرووق

 

[Al shaikha 1]

ابشركم حصلت ميبو
وحطيت عليه قاموا يتبططون الي انتفخوا
جنه ببيبقع اثر !

عالعموم خواتي ماقصرتوا مشكورين

 

[nado0o]

الله يعافيه ويشفي ولدك ان شاءالله

بس احرصي تحطين له الميبو دايما عشان مايصير له اثار حروق ومشاكل

وطمنينا عن ولدك ان شاءالله يكون احسن
​

 

[ana_tolip]

mebo احسن شي

 

[جنى]

عن تجربة كريم بيبانثين

 

[مدام فاشن]

ياربي مايشوف شر ان شاء الله

وربي بصبره أكيد يحرقه حبيبي



حاولي كله تلبسينه شورتات قصار خلي المنطقه تتهوا عشان ينشف

 

[Dalal.al3tibi]

حطي ميبو

 

[أم يزيد &سديم&]

مرة ثانية انتبهي إذا أي أحد احترق طفل رجل أمرأة أي إنسان سواء كبير ولا صغير لا تحطين ماي على الحرق لأنه بيزيد
الحرقان حطي أي كريم يبرد مثل ميبو فازلين حتى ولو معجون أسنان
اما تحطين ثلج وتكبين ماء بارد غلط في غلط
والله يشفي وليدج الغالي

 

[النوالنو]

زيت لقمان حيات عند العطار سوي بحث بقوقل عنه

 

[ندى العبير]

لازم توديه المستشفى حبيبتي