ولدي اسم الله عليه عمره خمس سنوات ماياكل ولا وجبه...عايش عالحلاو والكاكاو لحقووووني

[غالية22]

بنات ولدي ماياكل شي كلش وطول اليوم احاول فيه مايقعد معانا على ولا وجبه ويشبع نفسه باي شي من هالخرابيط

حتى لو يموت من اليوع ماياكل شي مايحب اكلنا شنو اسويله؟

علموني اكلات يحبونها اليهال تكفووووووووووووون

 

[3so0ola]

امبيييييييه هذي بنتي عمرها ٤ سنوات
ماخذه اطباعي الخايسة بالأكل
أنا واااااااايد عسرة وما اكل اي شي في ألوان وايد
طماط خضرة سلطات مرق بانواعه دقوس كل المحاشي اللحم
ورق عنب ملوخية المعكرونيا ...الخ
وقبل لا اكل اي شي اشمه ادري الحركة تنرفز بس مو بيدي
اكلي نااااشف مثلا عيش ودياي بس ارش فوقه ليمون
وبنتي مثلي ساعات أحاول أوكلها بس ماكو فائدة
ونعشششششق الكاكاو والخرابيط
نبي حل معااج*

 

[أوكسجين]

وي نفسي ولدي بيكمل 3 سنين وليلحين يلبس سنه ونص من كثر ماهو ضعيف

 

[law love]

لا تحطون خرابيط جدامهم
و لو يفحط بجي لا تعطينه قسي قلبج شوي
واذا حده اليوع بياكل من الموجود
وحاولي الاكل يكون مزين و ما فيه بهارات واايد

 

[غلاي عزوزي]

مفس ولدي لما اي الليل يطقه اليوع وياكله اي شي مو مفيد توست وبسكوت وخرابيط

والله صحتهم مهمه راح يبين عليهم بالكبر

 

[غالية22]

انا ولدي عايش عالسوائل بس يشرب حليب فراولة وكاكاو وعصير كي دي دي واذا حكه اليوع كلا حليب وكورن فليكس او مع بسكوت
الحين رمضان وهو على بو ان صيام ماياكل شي طول النهار بس يشرب عصيرات وعالفطور ماياكل شي بعدين يخربط
ولي نص الليل خرابيط وينام:eh_s(22):

 

[رضاهم جنه]

اقطعي هالخرابيط من بيتج علشان يفقد الامل

وفيه موضوع موجود بهالقسم من زمان شلون تحببين الطفل في الاكل حيل مفيد

واذا شفتيه لاهي بشي قطعي البرتقال او تفاح او اي فاكهه صغار وحطيهم بصحن على الطاوله او اي مكان قريب منه ولا تقولين اكل صدقيني من تلقينه ياكل وحده ويرد يلعب لكا يخلص على الصحن كله

 

[ktkota_we9we9]

رد : رد: ولدي اسم الله عليه عمره خمس سنوات ماياكل ولا وجبه...عايش عالحلاو والكاكاو لح

اولا شيلي الاشياء الغير مفيده خشيهم بمكان مايدله ولا تطلعين قباله
بعدين اكلي قباله وشوي حركات حلوه وانتي تاكلين وانه حلو ويمي يم
وساعات استخدم هالطريقه ( اقول حق بنتي اذا ماتكلينها ترى فلان بياكلها ... لا لا هذي مالت زنوب ... بسرعه بسرعه اكليها ) تاكل ههههه
اقولها اكلي هذي عقبها اكافئها بحلاوه واذا ماكلت ما تاخذ الحلاوه >> بس لاتطلعين الحلاوه مبجر عشان لا تحن عليها

وشوفي شنو تحب اكتشفي

 

[أوكسجين]

رد : رد: ولدي اسم الله عليه عمره خمس سنوات ماياكل ولا وجبه...عايش عالحلاو والكاكاو لح

كتكوته تدرين انا اذا سويت الحركه شيقولي
يقولي عطيه اقوله لا حقك يقولي مابيه انا اوديه!!!

 

[nurseya]

رد : ولدي اسم الله عليه عمره خمس سنوات ماياكل ولا وجبه...عايش عالحلاو والكاكاو لحقووو




انا اخوي جذي
تبون حل؟ ^.^

اذا ما كلآ بالغدآ عاديي
و لما تخلصوون و اهو شكله يوعان
سوي روحج ان مسويه لج انتي أكل و اكلي , اهو رآح ياكل معاج
اليهال يحبون يشاركون أحد كبير بالأكل
شوفو احد يحبه , مثلا اخوه أو حتى لو انتي , اكلي معاه
و قطعي عنه هالككاو
و اذا كلش كلش ما يستغني, قوليله أول شي اكل هذآ بعدين أعطيك كآكآو ^.^

شرآيكم فيني؟؟ << ترا ما عندي عيال ولا متزوجه بس حبيت أرز فيسي
موفقه حبوبه:eh_s(6):

 

[MoonDiamond]

رد : ولدي اسم الله عليه عمره خمس سنوات ماياكل ولا وجبه...عايش عالحلاو والكاكاو لحقووو

داااااااايركت امنعي الخرابيط عن البيت
وحطي على الطاوله بالصاله فواكه وتوست
وقبل الغدا شي اي شي يقدر ياكله ويسد يوعه
وكذلك قبل العشا

 

[fife4ever]

رد : ولدي اسم الله عليه عمره خمس سنوات ماياكل ولا وجبه...عايش عالحلاو والكاكاو لحقووو

انا ولدي جذيه يجنني

ينحط العشى ياكل نتفه ويعيونه طايره على تلفزيون واذا قلت ابي اصك تلفزيون يقول خلاص
انا اقوم

ولما نجي ننام يمي انا جوعان ابي اكل عاد شنو اسوي فيه يبط جدبي
حتى في الزواره لما اقول يالله نبي نروح البيت يقول انا جوعان اكل وبعدها بروح البيت
ولا متى يقول جذيه لما لبست عباتي وابي اطلع
وياليت ياكل بس لقمه ويقوم

وصاير هيكل

 

[انصاريه قمره]

رد : ولدي اسم الله عليه عمره خمس سنوات ماياكل ولا وجبه...عايش عالحلاو والكاكاو لحقووو

بسيطه شيلي الخرابيط وحرميه منهم كاافئيه فيهم لي كله عطيه كل يومين مره