ولدي النزغه .. وبعدين وش الحل معاه

[منتهى التفاؤل]

مرحباً كويتيات
كل عام وانتم بخير والله يتقبل منكم الطاعات

انا يابنات عندي ولد عمره سنه ونص بس ماشاء الله عليه عن خمس
بيجيب لي الضغط والسكر
تعبت من شقاوته
طول اليوم يمشي ويعفس
ويتسلق فوق الكنبات ويدج يبكي يبكي ويرجع
يتعلق عن الدرابزين يدخل راسه ويده ورجله كم مره سبب لي حالة استنفار والحمدلله ربي حافظه
يروح الله يكرمكم للنفايات ويطلع كل مافيها
وماينام مستحيل ياخذ قيلوله حاله حال الاطفال طول اليوم لعب وماينام الا عالفجريه وبعد ما تطلع روحي
وليته يواصل مستحي ييل الا كل نص ساعه يقعد يبي الرضاعة والا يطامرلي فوق السرير وأوقات يطب علي يفجعني وانا بنومي
حاولت اادبه بجميع الطرق بالقسى باللين مافي فايده
المشكله اني حامل وتعبانه مع الوحم والنفس يه صفررر وهو مزودها علي
ماارتاح على حيلي دقيقه بس وراه ولاانام زي الناس
والهبوط ذابحني من أتحرك شوي جنتي دوخه
وهو الله يهديه عافسلي الشقه ومو مخلي مكان نظيف
قلت بعلمه يتعود عالنظافه وقريت كذا موضوع كيف يعلمون عيالهم وهما صغار يساعدونهم بالتنظيف
وشوفو وش النتيجة !!
جد صار يجمع كل شي يشوفه مايخلي حتى دبوس طايح بس وين
كل شي بالنفايه
عطوراتي فوق التسريحة ياخذهم ويحذفهم فيها ملابسي يطلعها من الدولاب وفيها أغراضه رضاعته بعد ما ينتهي منها بالنفايه
:eh_s(11): :eh_s(11):
تعب ببت وربي تعبت وش الحل معاه قولو لي

 

[كتكوته حبيبي]

والله مادري شقولج اختي الله يعينج يمكن عنده فرط حركه يعني طاقته زايده جربي سالي دكتور اطفال عن حالته يمكن فيه شي لاسمح الله انا عندي اخو متلازمه داون ومعروفين طاقتهم زايده ماينام واايد ويحب يتحرك ويعفس بس ولدج اسمالله عليه طبيعي
واذا تعبانه من شغل البيت موملزومه اهم شي صحتج خصوصا انج حامل وتتوحمين يبي خدامه واذا ماتقدرين يبي نص دوام مره بالاسبوع تنظف عدل
وهم اغراضج شيليها عن الاماكن المكشوفه يعني حطيها مكان رفيع والجرارات شيلي القضبه مالتهم عشان مايقدر يبطلهم انا ولدي جذي يحب يتعبث يبطل اليرارات فشلت القضبه مالتهم ورافعه عنه الاغراض
وهم في فكره حطيله حووض السباحه الي يكون تفخ من تحت هوا وعلى الجوانب اخذيه عميق وخليه داخله حطيله لعبه او شي يحبه او حباسه او هم ممكن تحطين خيمه اطفال كبيره وفيها العابه وعلميه انا هني مكانه ومكان لعبه عشان مايغفس ويقطط اغراضه بكل صوب شجعي عليها اشتريله العاب جدد وخليهم فيها قوليه تلعب داخل الخيمه او الحوض او الحباسه ولاتخلينه يطلعهم بره كل ماطلعهم قوليله لا ورديهو علمي انا هني بس تلعب حاولي فيه وحاولي تتحكمين فيه وبوقت لعبه ومكان اللعب وحطيله صندوق العاب خل يتعلم يحط اغراضه فيه عالاقل احسن من االزباله تكرمين

 

[M!SS.LOBY]

الله يحفظه لج ولا تشوفين فيه مكروه

 

[M!SS.LOBY]

ماشاءالله عنده حركة زايده بعض الاطفال جذي
بس حاولي تخلينه يفرق طاقته مثل بالتلوين بكراسه او يلعب كرة او .................................................الخ

 

[Aloe Vera]

شوفي طبيب اطفال و استشاريين تربويين
الله يصلح اموركم

 

[M!SS.LOBY]

الله يعينج

 

[منتهى التفاؤل]

مشكورين حبيباتي
كتكوتة حبيبي كفيتي ووفيتي بعد قلبي