ولدي انا سبب اعاقته

[تراميسو]

السلام عليكم ورحمة الله
شلونكم ان شالله بخير :eh_s(17):
امم ولدي عمره اربع سسنين ونص الحمدلله على كل حال كلماته بسيطة يعني تاخر حاااااد في النطق ماعرفت السبب الا قبل يومين الطب التطوري قالوا انه عنده مشكله في التواصل والتركيز يعني صفه توحديه
طبعا اغلب الي بالقسم مجربين شعور الابن الي فيه مشكله عذاب نفسي مستمر وتانيب ضمير احس انا السبب في كل الي صار بولدي من حملت ماكنت اراعي نفسي بواجي وصرراخ ولدته وماراعيته عدل وحتى بالعلاج تاخرت عليه حدي حاسه بالالم والحسرة
ودي اعوض بس صعبه ليل ونهار اتكلم واعلمه بس صعببببببببببب مايياخذ الكلمه ويحفظها تعبتتت حيل ودي احد يعلمني يعطيني طرق مع اني جربت اشياء وايد ووسائل وبحكم اني مدرسه اعرف بالوسائل بس للاسف الاستجابه صعبببه ومتاخرة

 

[LoLaTi]

الله يشافيه انشالله في وايد استشاريين ومراكز وديه لاتيأسين

 

[النوري نور عيني]

فيه توحد ...تقبلي اعاقته ...واحتسبي الاجر من الله ...

 

[روحي82]

عسى ربي يشاافيه وشافي جميع المرضي

والله يأجرنا فيهم

 

[كادي_كادي]

الله يأجرك عنه يا رب
والله يشافيه ويشافي كل المسلمين
ديري بالج اختي ترى يبيله طولت بال ولا تيأسين من ربج
وديه مراكز وعيادات أو يبيله مدرس نطق والله يعافيه لج رب​

 

[روح مغليهآ]

خلي عنج لوم الذات وقولي الحمدلله واحتسبي الاجر
واهم شي انج تهتمين فيه وتعالجينه وتعوضينه
والله يخليلج اياه

 

[*سكون*]

لا تلومين نفسج حبيبتي أصلا التوحد موجود فيه بس هالمرض ما يبين الا لما يصير عمره اربع سنين توضح الرؤية عدل يعني هالشي مكتوب له وانتي مالج ذنب فيه ولا البجي والصراخ بالحمال سبب للتوحد .. ربي كاتب لج الاجر لا تيأسين حبيبتي

 

[Grass]

لا تلومين نفسج

قدر الله وماشاء فعل ... أغلبنا في الحمل تتعب نفسياتنا وانصارخ وطبيعي الحمدلله

مو شرط ان انتي السبب .. هذا أمر الله .... وابتلاء للصبر ... واختبار وان شالله تنجحين فيه

الله يشافيه ان شالله وتشوفينه معرس وماكو شي اسمه مستحيل بأذن الله

تصبري وتحسبي لله

 

[نهى الأحمد]

هلا ياقلبي


عسى ربي يشافي ولدج ويعافيه

اللوم والندم ما رح يجيب نتيجة


شوفي اخصائي واخذي ولدج عليه

وتابعي حالته

 

[الأميرة جوري]

الله يشافيه يارب....ولدج اهون من غيره والتوحد له علاج ولاتعذبين نفسج وتقولين انا السبب..انا اتعبلا بالحمال وكله معصبه ونفسيتى اكس...وكله اتهاوش حتى مع نفسي والحمدالله ماكوالا العافيه..وحمدى ربج من قبل ومن بعد....وحاولي معاه بالتدريب او في مراكز يساعدونه ..والله يخليه لج يارب

 

[رتو الكيوت]

حيااتي في وقت بالعكس الحين وقت التعلم شي حيلج ووديه مركز تخصص مبكرر والله يشفيه !

 

[كااامل الزين]

لا تلومين نفسج الاقدار تجري بمشيئة الله هدا شي مكتوب علية قبل لا تخلق الارض قابلي وليدج وعطية من حنانج وابدي والله ادا احب قوما ابتلاهم فمن رضي فلة الرضي ومن سخط فلة السخط قولي الحمدللة وابدي العلاج

 

[مجنونة ولدها99]

يا رب يا حي يا قيوم تشافي ولدها ....
وتعين قلب أمه ـصبرها ...
وهذا مكتوب يا حياتي وخلي عنج تأنيب الضمير لأنج راح تتعبين وماراح تركزين بعلاجه وتعليمه ...
والله يخليه لج ويحفظه ...
وعليج بالأستغفار والله أنا شايفه نتيجته بحياتي الخاصه ...
يفتحلج أبواب ما كنتي مفكره فيها ...

 

[تراميسو]

مشكورين ياقلبي فديتكم كلامكم وااااااااااااااااااااااااايد ريحني وباذن الله اطبق كلامكم
ربي يوفقكم وييسر اموركم ويريح بالكم

 

[سلاسل ذهبيه]

الله يشفيه ويعينج على تربيته والصبرعليه ..ولاتلومين نفسج من قال انج سبب في اعاقته.التوحد محد يعرف اسبابه والظروف والنفسيه
مالها دخل .

 

[قفشه شكر]

الله يخليلج اياااه ويشاافييه ويعاافيه ياااارب
ودييه مرااكز متخصصه
ولا تلوومين نفسج كل شي مكتوووب

 

[الصابرة المحتسبة]

وعليكم السلام

وماشاء الله الخوات كفوا ووفوا

لاتحاسبين نفسج ولا شي كل ام ماتتمنى حق ضناها الا كل خير

عليج الحين بالمتابعة والعلاج المبكر ويارب يبلغج فيه.

 

[خشوشه المشوشه]

السلام عليكم اختي انتي تاخرتي بالتشخيص ولكن الان لا تعاتبين نفسك استغلي الوقت وضعي ولدك في مدرسه متخصصه انا ولدي مر بظروف ولكن الحمد لله والشكر لله اتكلت علي الله اولا وأبدء بتعليمه استاذ تخاطب ونصيحه انا ما اعتمد علي تشخيص الطب التطوري ----- سهل الله دربك وشافا ابنك ان شاء الله

 

[تراميسو]

اي فعلا تاخرت بالتشخيص الحمدلله قدر الله وماشاء فعل

 

[kl al5jal]

حبيبتي خلي ايمانج بالله قوي وانشالله ربي يشافيه حبيبتي انا اعرف واايد ناس جذي صدقيني الحين كبار والحمدلله مافيهم شي