ولدي بالشهر الرابع متي اوكله'ً

[jakoora2008]

انا ولدي دش الرابع متي ابدي اوكله شوي اخر الرابع ولا اوله ومن خبرتكم شنو تعطون اعيالك بهذه الاشهر

 

[ريكاتو]

حبيبتي انا اول شي ابلش بسكوته فارليز مع 30 مل حليب وبعد مايتوعد على الأكل اعطيه عيش ابيض مع حليب 120 مل وبالخلاط بس لا يصير ماي وعطيه بالرابع بعد الرابع لما يكون 5شهور ابتدي بالخضار وجذي تدريجي ليما يتعود بالست شهور عطيه وجبتين

 

[bambena]

بلشي بالسادس مو الرابع ولازم لما يكمل السادس وتبدين تدخلين كل اسبوع نوع اكل يديد عشان لا قدر الله حاشته حساسيه تكونين عارفه من اي نوع اكل فيهم

الخضار نصيحه قصصيهم مكعبات صغار مثل الكوسا والبطاط والجزر والقرع وجيسيهم انا كنت كل نوع احطه بجيس بالفريزر واطلعله للوجبه افوحه وبعدين بالخلاط

احسن لج من وجبات الجمعيه لاتستخدمينهم

 

[om al ghaleen]

والله بنتي مفكره اعطيها اخر الرابع بسكوت فارليز
مع حليب وبعدها اعطيها سيريلاك مره باليوم
وتدريجيا من الخامس اسويلها خضروات كوسه وبطاطا وعيش بالخلاط
ومن السابع ادخل الجزر والبروكلي وعصير برتقال وموزه
ولازم تنتبهين ع جسمها والحساسيه



حاليا عطيها نص بسكوته فاليز
خليها تتعود ع الاكل لانه اذا بلشت متأخر بالاكل ماراح تتقبله لي السنتين بتعتمد ع الحليب

 

[ام التاريخ]

باشهر السادس افضل

 

[_ظل الياسمين _]

الاغلبيه الحين تعطى الاكل لليهال بالسادس..

 

[ميما الاموره]

ابدي بالشهر الرامع عشان تتعود وتريحك
انا ببدى بتفاح مسلوق او كوسا مسلوقه عشات خفيف اخف من السيريلاك
وكميه قليله ماتكتري بالبدايه يادوب ملعقه كبيره
​

 

[فله]

بس الاكل بهالفترة يمغص الياهل

 

[حطموكَ يآقلـبيَ]

أحسن وقت للاكل الشهر السادس هذا كلام الدكتور

 

[miss_jamsheer]

انا مع ولدي بديت من الرابع اول يوم تفوحسن جزر وتهرسينه طبعا تقريبا لمده يومين عطيته جزر عشان اذا فيه حساسيه يبين بعدها كوسا نفس الحاله هم تهرسينه لمده يومين بعدها تقدرين تخلطين الكوسا والجزر بس وجبه وحده باليوم اول شهر تقريبا بالخامس او السادس تسوينه وجبتين

 

[مرايــــــــم]

حبيبتي عطيه عصاير وخففيها بماي

وعطيه سريلاك ميلوبا المخصص لعمر 4 شهور

والخضار والعيش وهوالسوالف لما يكمل 6 شهور

والله يخليه لج

 

[سلاسل ذهبيه]

تو الناس على الاكل اذا بتوكلينها شوي شوي بس تذوقه عشان تتعود وبالسادس والسابع تعطينها خضار وبسكوته
وابتعدي عن الوجبات الجاهزه المعلبه

 

[قلبي القرآن]

ابتدي معاه بالشهر السادس
لاحق على الأكل خليه يشبع من الحليب​