ولدي بالعيد

[Loloo20]

السلام عليكم

بنات امانه ساعدوني ولدي عمره 9شهور شنو البسه بالعيد؟

ومن وين اشتري له ؟

تكفون عيال عمه فناااااتقهم عجيبه و دايم كشخه

وانا كله البسه بلايز و شورتات قطن ما اعرف شي

ابي منكم ثلاث شغلات
اول طلب شنو يحتاج بالعيد كم بدلة و كم دشداشه و بجامه و متى وقتهم يلبسهم و شنو جوتي و لا نعال تكرمون


ثاني طلب من وين اشتري له بدلة كشخه و ياليت تحطون صور لبعض الموديلات االي تناسب عيد لان دايم اشتري يقولون مو حلوة و يقولون مو ملابس زوارات

ثالث طلب ياليت اللي عندها شي فنتق حركة جديدة تقولها لي

وبدعي لكم دعوه حلوة

 

[نـعـومـه]

روحي الافنيوز محلات اليهال تلقين

واهم شي يلبس دشداشه اول شي ومعاه جوتي ذرب

 

[Loloo20]

مشكوره حبيبتي


بعد ويييينكم كويتيات

 

[ديانا سبنسر]

الصبح العيد لبسيه دشداشة تلقينها بالاسواق الشعبية كافة الاعمار البدل شوفي التاجرات هني لملابس. الاطفال وعندج اتش اند ام ومذركير حلوين لهالعمر

 

[توحه1]

دشداشه بيضة الصبح ووقت الغدى دشداشه المقلمه مالت البيت وبعدمايغفي ويقوم لبسيه بدله كشخة من بينتون بالمهلب والافنيو
اوزارا بدالاتهم حلو اوبابا اند ماما
وبعدها المغرب افروااال ذرب بعدماتغيرن له
هذا كله ادا زوارتج من الصبح لي المغرب في نفس البيت
اخذي معاج ٨ بامبرزات و٣ ماميات ومطارت الماي الحار وعلبة الحليب كامله
اليوم الثاني البدله الكشخه وبدله عمليه نفس الي تلبسينه دايم وبجامه وصدريات للاكل

وكل وحده يختلف على حسب زواراتج وشكثر تقعدين

 

[دانة بعين بحاري]

مسكين تو الناس عالدشداشه بتاذيه
اخذي له من كل لحظه المهلب

او محلات الافنيوز محلات اليهال شغلهم حلو وذرب
الرايه بعد محلاتهم حلوه

 

[Loloo20]

حبايبي مشكورين من كل قلبي
الله يحفظ لكم عيالكم

 

[Loloo20]

تووووحه يابعد قلبي تسلميييين ع التفصيل انتي اكثر وحده اكتبت لي بالتفصيل

انشالله توصلين للوزن اللي تبينه و انتي بصحه و عافيه ياااارب

 

[كـويتية]

حبيبتي الصبح لبسيه دشداشة ليما العصر والعصر لبسية بدلة تلقينهم بمذر كير بشرق اعتقد او الافنيوز

الدشداشة معاها نعال وانتي بكرامة لان بالصيف لو بالشتاء جوتي والبدلة جوتي

موفقه

 

[نور83]

حبيبتي نفس ما قالوا خواتيً الصبح لازم ولابد دشداااااشه يا حلو الدشداشة عليهم بالهعمرً خلج على الدشداشة العادية بس خامتها حلوة والعصر بدلة كشخة رزة.

والله يخليهً لج ياربً و تشوفينه وهوهً متزكرت بدشداشة العرس مع البشت قولي امين

 

[PuPa^^SWeeT]

اقووولج


روحي الفيرو مارتيني بالفنار



عنده شغلات للصبيان زاغ قلبي عليهم

 

[مسك وطيب]

الله يخليه لج يارب
نفس ماقالوا الخوات
*