ولدي بيكمل سنه اغيرله حليبه؟

[q8 knosha]

السلام عليكم

بنات ولدي انشاءالله سبوع وبيكمل سنه

وسمعت ان الحليب يتغير

وينصحون بنيدو

مادري هذا اول بيبي لي و موعارفه اغيره انا بكيفي؟؟

ولا اوديه طبيب؟؟

وانا ودي اوديه طبيب حق تغذيه يعني بس يكون مال اطفال

عشان اعرف شنو اوكله وشنو ما اوكله

بس ماعرف طبيب جذي

ياريت اللي تعرف تعطيني خبر

بس لاتقولون بالهادي او السلام لان ماخذه موقف منهم ومستحيل ادشهم مره ثانيه ماحبيييتهم

ياريت اللي تعرف دكتور تغذيه اطفال تعلمني

:eh_s(7):

 

[منتهى الرقه89]

حبيبتي الحليب اذا البيبي من ينولد لين يكمل ٦ شهور تغيرين له علا نفس نوع حليبه بس اللي مكتوب عليه من ٦ اشهر لغاية سنه.،
واذا كمل السنه تغيرين حليبه من نفس النوع لحليب مكتوب عليه من سنه لغايه ٣ سنوات.،

يعني اذا كان حليبه زين وياه ةمناسب ولدج خلج ع نفس النوع بس غيري الرقم.
مثلا:
ولدج يشرب س٢٦ هذا من الولادة ل٦ شهور

وعلا مايكمل ٦ شهور عطيه بروميل

ولاكمل السنه عطيه بروجرس.،

اهم كلهم نوع واحد بس الاسامي تتغير.،،

ومايحتاج طبيب تغذيه هذي امور طبيعيه كل اطفالنا نسويها لهم.،

فهمتي علي حبيبتي ؟!!!

ان شالله اكون فدتج،.

 

[q8 knosha]

ايه انزين بس مو نيدو احسن؟؟

سمعت ان اول مايكمل سنه النيدو احسن شي حق جسم البيبي؟؟

ولا اتم على نفس نوع حليبه بس اخذله اللي من سنه؟

يعني تهقين كلهم نفس الشي؟ من ناحية الاحسن حق الجسم

 

[q8 knosha]

ايه ولدي يشرب نفس الحليب اللي قلتي عنه


بس ولدي ولا مره وديته طبيب حق تغذيه عادي؟

والصراحه لاعت جبدي من الشغلات اللي قاعده اعطيهاياها!

ودي اغيرها كلها كل يوم نفس الشي

ومادري شعطيه عشان جذي كنت ابي دكتور

 

[منتهى الرقه89]

لاالنيدوو والله عن تجربه موو زين عطيتة بنتي عقب ماكملت السنه وع ضعفت عليه حيل وماتاكل ولا شي.،

وغيرته علا بروجرس ٣ ماشالله حلو صارت تشربه وتاكل وعادي
قبل عزج الله حتي خروجها كريه .،

وعادي الاطفال من ٦ شهور تبدين تعطينهم اكل وتذوقينهم

وكليه الريوق الصبح بيض وجبن والغدا عيش وروب او معكرونيا
بس العشا خليه خفيف عليه ومو متاخر ولاتعطينه حوامض مثل الروب او البرتقال عشان معدته ويقدر ينام.،

وعن اخصائي التغذيه ماعرف والله.،

بس مرة شفت اعلان ان بالمستوصف الحكومي اكو عيادة اسمها الطفل السليم شوفيها.،

 

[ام كوثر2007]

ما انصحج بنيدوو لانه ما تكون نسبه الحديده فيه عاليه

استخدمي له حليب الاطفال افضل

هذا الطبيب قالي هالكلام ..


وحليب بروقرس افضل شي مدعم بالحديد

وعسى الله يخلليلج وليدج ان شاءالله

 

[<<لمار>>]

انا اعطيه نان والحين بيكمل السنه هم ماادري شعطيه بس شكلي بستمر علي نان بس المناسب لعمره اخاف اغيره واتوهق يعاف الحليب لانه اساسا مايحبه بالغصب اعطيه

 

[ام الحلوااات]

اذا حــلـــــيــــــبـــه مــــنــــاااســـبــــه ويـــشـــربـــه ولــــدج ومــــااايـــرجـــعــــه خـــلـــج عـــلـــيـــه بـــس غـــيـــري رقـــمـــه اعــطــيـــه رقـــم 3 اللــــي هــــو مـــن ســـنـــه الـــى 3 ســـنـــوااات واايـــــــــد احــــســـن

 

[q8 knosha]

تسلمون ياقلبي ماقصرتو

 

[دلع86]

عطيه نفس ماركة الحليب الي يشربها بس حق عمر السنه

 

[xxx]

افضل حليب لبعد السنة

سيميلاك غين بلص

ممتااز وسالي اي دكتور اطفال عنه

 

[miss_Ba6oOo6a]

بعد السنه احسن شي بروقرس
وليش دكتور تغذيه
الياهل من 4 شهور تبلشين معاه اكل مهروس وبعد السنه توكلينه السمج العسل البيض اكل عادي لين
وعلا سنه وجم شهر اقطع المميه الشرب بالكوب وبنتي قطعته خير شر علا الاكل العادي

 

[الماسة فضية]

روحي دكتورة تغذيه احسن

 

[المها الابيض]

احسن حليب على كلام دكتور ولدي
سيميلاك وبروجرس والباقي على
كلامه درجه ثانيه

 

[om MaRyooM]

بروجرس يهبل

وبديا شور

ونيدو