ولدي بيوقف قلبي طمنوني عسى مايضر

[Al shaikha 1]

سلام عليكم
ليت اجاوبوني بسرعه
ولدي بو سبع اشهور كان نايم يم ابوه عالسرير ويوم قمت حوطته بمخده
وفراش عشان تصعب حركته
وهو وايد يتقلب بنومه المهم رحت ولا اسمع صراخ ريلي رحت اشوف ولا ولدي طايح
وميت بجي خفت اسم الله عليه فيه نزيف بمكان ولا شي داخلي
واحاول المسه واشوف الي يعوره مو قادره بس بجي
مادري اوديه طبيب ولالا
والشي الثاني خليته عند عمته قاعد ورحت اسويله حليب
رديت لقيته ماكل اكلينكس ودخلت اصبعي بطلعه ماطلعت الا نص والنص الثاني
تفتت وابلعه ع اساس عمته عنده وماحاتي الاخت مو فاضيه عالفيس حسبي الله عليها ان شالله
شسوي في ضرر من الكلنكس ولا شي تكفووووون طمنوني

 

[{الجارحه}]

الله يخليه لج

اذا على الطيحه المفروض وديتيه على طول

بس اذا مابجى عقبها مافيه شي ان شاءالله

اما الكلينكس مايضره ان شاءالله

 

[Al shaikha 1]

جزاج الله خير
اهو بجى لين قام يشهق عاد سكت بعدها ووكلته وكان ساكت بس والله هم خايفه

 

[أخت أخواني]

وديه الطبيب تطمني عليه عشان الطيحه ..

 

[ام جي جي الحلوه]

حبيبتي يوم طاح ولدج استفرغ او كان جذي دايخ
اذا ماستفرغ ماعليه الا العافية
والكلنكس بتذوب وتطلع مع البراز اكرمج الله بنتي جذي كل مارحنا زواره وتجوفها تحاول بكل قواها العقلية عشان تاكله شبعت منها ولاتحاتين

 

[ديانا سبنسر]

وديه الطبيب لاتسكتين

 

[ام جي جي الحلوه]

ووديه الطبيب ليطمن قلبج

 

[دلع86]

سالفه الكلينكس عاديه ماياثر

بس الطيييحه جيكي علييييه حرام لاتخلييينه​

 

[ANGEL CAT]

حبيبتي شوفي انتباهه وتركيزه طفي الليت وجديه طفي اليتلفاز وجديه وشوفي ينتبه ولا لا وانشاء الله ما فيه الا العافيه

 

[ناتشوو]

استغفر الله تدعين على العمة
وانتي بعد وينج عنه لما خليتيه ع السرير ورحتي
الله يعين بعض الناس على حريم عيالهم
وطبيعي لي طاح البيبي على طول الطبيب

 

["GloRia"]

الله يخليه لج ياااارب

حياتي اذا ع الطيحه المفرووض من اول مايطيح لازم تودينه الطبيب وان شاءالله مافيه الا العافيه بس علشان تتطمنين

اما ع الكلينكس ان شاءالله مايضر مافي شي عادي
​