ولدي حراره شسوي تكفون

[fatma-84]

السلام عليكم
بنات ولدي في حراره وديته الطبيب قال اذنه ملتهبه وعطاني مضاد
المشكله انه الحراره تروح وترجع وبليل يشب نار عطيته ادول وتحاميل الحراره بس يخف شوي ويرجع حار شسوي
حطيت له كمادات ماي وخل
وانا مقياس الحراره اللي عندي براون مادري مضبوط قياسه بنات ولدي عمره سنه وثلاث شهور
وحده قالت لي عطيه بروفينال مادري اخاف اعطيه بروحي بدون الطبيب *

 

[موجة ~ بحر]

استمري عالادول كل 4 ساعات

واذا تقدرين تغمزينه غمزيه بقشور الرمان خليه يسير ناعم وغمزيه تنزل حرارته بسرعه

 

[baby qa6wa]

مايشوف شر انشالله
وروحي الطبيب احسن

 

[arnoba15]

حبيبتي فاطمه مايشوف شر ولدج مسكين نفس حاله بنتي قبل شهر شوفي على كلام الدكتور عطيه ادفيل مال البيبيات وبعد اربع ساعات حطي تحميله الادول وجذي مده يومين ونقعي ريله كثر ماتقدرين بماي وخل لما تثبت الالتهاب يبيله يومين علي ماتثبت الحراره وتحطيله طبعا قطره الاذن والادفيل لما رقم 2،5 ومايشوف شر والله يشفيه انشالله واي سوال انا حاضره

 

[fatma-84]

حبايبي ماقصرتوا على الرد
مشكوره ارنوبه

 

[الشيخة@]

استشيري دكتور احسن منا

 

[مظلومة حيل]

روحي لطبيب قول له عشان يغير المضاد لة يمكن ما مشى علية و قولية تعطينها و يجيها حرارة
بس لازم تلتزمين بالساعه اذا مو ملتزمة ماكو فايدة
و سوي لها تحليل دم شامل عشان يبين كل شي لان الي تجية حرارة يعني في شي ملتهب او يمكن من الاذن شوفي شيقول الدكتور

 

[~جودي~]

روحي لطبيب نفسه او حطي له فكس على رجوله

 

[fatma-84]

الحمد الله بنات وديت ولدي حق دكتور سليمان السعد ماشاالله عليه خوش دكتور
عطاني تحاميل مخفضه للحراره
بس المشكله لما كشف على اذونه قالي مافيها شي بس دام اني بديت المضاد لازم اكمله
المستوصف خواره
مشكورين حبايبي وماقصرتوا

 

[غيابك حلم]

الحمدلله على سلامته ومايشوف شر