ولدي ** حنان ** شسوي فيه بالطياره؟؟؟ ** ابي مساعده **

[مزيونه وشقره]

من رايي طول اليوم يكون يلعب وتحاولين ماتنومينه واخذيلج له اكل خفيف وعصير والعاب واذا وصخ على نفسه الله يعافي مناديل جونسون الورديه تهبل ونظيفه نظفيه فيهم بالحمام ولفي الحفاضه بجيس صغير وقطيها ونشفي ولدج عدل ولبسيه وسهالات ان شاء الله بس اهم شي يكون في شي يسليه ويحبه معاه بالطياره



مع تحياتي ياحياتي

مزيونه وشقره​

 

[MyLittleBerry]

من ناحية العده كنت مجهزه كل شي

المشكله ان الياهل بوسنه ونص مايحب يقعد بمكانه واستعسر علي مانام الا دقايق مع اني مقعدته مبجر نفس اليوم مانام

 

[miss_heathrow]

امبيه الله يعيني الكل يشكي من اليهال انا بنتي 2 ونص

الله يستر سويت لها موضوع بتربية الطفل

 

[النـجـلآ]

يحليلهم اليهال والله يونسون ..^^

بس في الطياره تكرهينهم من الازعاج..

مره كنا مسافرين والطريج طوويل وجدامنا كانت عايله عندهم ياهل بو 3-4 سنين

صدددع راسنا من الصياح اسم الله عليه بس امه وابوه الله يهديهم كل ماصاح يطقونه ويصرخون عليه

طرشت له مع اختي الصغيره جوكليت كنت شاريته من المطار حق اليهال على شكل سيارات

استااانس حده وسكت وتم ياكله واول ماخلصه رجع يصيح

قمت طرشت له مره ثانيه وثالثه لين ماخلصت علبة الجوكليت ههههه


ترووحين وترجعيـــن بالســلآمه

 

[مي الصغيره]

واي و الله قاعده افكر لج بحل بس عمره مشكله لان ما كو شي يجذب اهتمامه لفترة طويله