ولدي ذبحته البلاعيم بليز ساعدوني......

[ام شيخ العربان]

مرحبا بنات
ولدي عمره سنه وشهرين فيه احتقان بالبلاعيم وحراره وديته الطبيب عطوه خافض للحراره و ومضاد
بس ولدي والله حيل كاسر خاطري بس يبجي وجوعان يبي حليب بس مو قادر يشربها كل مادخلها بسرعه يطلعها ويبجي ما يشرب الا ماي ولازم بفنجال
بنات اللي عندها خبره او مجربه شي يعالج البلاعيم بسرعه تقولي شنو اسوي
لاني ماعرف بهالسوالف
والله صج تعبت يبجي (فديت قلبه) وبس يبيني اشيله وامشي فيه طول الوقت وانا حامل​

 

[محبه للصالحيين]

دهني مكان الوز بالفكس ولفي عليع فوطه وخليه ينام والصبح مسحي المكان وغسليه بس حافظي عليه من التكيف وشربيه شوية مره مع علج لبان ذوبيه وخليه شوي ثقيل وعطيه 5 ملي مرتيين في اليوم ومااااااااله شر ان شاءالله

 

[ام شيخ العربان]

مشكوره حبيبتي وجزاج الله خير
بس انا قالولي ان ماينفع اعطيه مره مع المضاد يخرب مفعول المضاد

 

[NoNy aLM]

انااا الي اعرفه زنجبيل تسوينه مثل الجاي بس ماتوقع يتحمله ولدج معنه واااايد زيييين او بسرعه يطييب

 

[أم الامير]

دهني أدنية من الخلف ب فكس
ونقعي كمون وشربية بفنجال
والله يعافيه ويصلحة

 

[السعودية تاج راسي]

عن تجربة بنتي دايما تتلتهب اللوز عندها احط لها موية القسط الهندي في ابرة اخذها من الصيدلية واقطر في خشمها قطرتين في كل فتحة وماشاء الله عليها بعد يومين تطيب مع العلم اني اذا ما استخدمت لها هاذي الطربقة تقعد اسبوع وجعانه .... وطريقة القسط الهندي روحي جيبيه من عند الحواج ... وخذي قطعه قد اصبع اليد وكسريها ثلاث كسرات وغسليها وبعدين فوريها على النار لحد ما تطبخ وشيليها وخليها تبرد وصفيها وحطيها بأبرة حقة الدواء ونقطي في كل فتحه من خشمه نقطتين مرتين باليوم

وحبيبتي ترى القسط الهندي وصى فيه الرسول لعلاج اللوز وسوي بحث في قوقل راح تلاقينه

 

[شوشو الشقيه]

تسلمين يا قمر
شوفي
اخذي ملح عادي وشفشفيه على مقلاه بدون دهن
خلي الملح يكون حار وحركيه بالملعقه على نار هو في مقلاه لما يصير ساخن سكبيه في فوطه
احكمي الفوطه عشان ما يظهر الملح الساخن ولفي على فوطه كم لفه الي ما يكون فوطه الي فيها ملح يكون دافيء
لان طفلك صغير عمره سنه ونصف وبعدها
دهني بلاعيم طفلك بفكس وعملي له مساج باليد على خفيف لو ما تعرفين تعملي مساج مو مهم
اخذي الفوطه الدافيء ضعيها على مكان بلاعيم ولدج يعني نفس الكمادات
مده نصف ساعه تحطينها وتشيلينها باستمرار
بعدها لبسي ولدج ملابس دافئه وثقيله وغطيه ودفيه زين ما زين خليه ينام
سويها له كل يوم الي ما يروح منه
بتشوفين من اول يوم ولدج تحسنت بلاعيمه
بسكت من الصياح
من اختج شوشو الشقيه
المكيف قفليه لا تخلينه في مكان مكيف

 

[شوشو الشقيه]

سيوها له مده ساعه او ساعتين بتشوفين ولدج ما فيه شيء
بيصحي
طريقه مجربه

 

[دي مدو]

حبيبتي قمزي بلاعيمه كل يوم مرة وحدة لمدة 3 ايام وادعيلي

 

[rosmary]

اذا ولدك دايما مريض وتعبان قوي مناعته ولا تكثرين عليه المضادات الحيوية واحسن شي للحرارة احضري خل تفاح عضوي وليس الموجود بالجمعية وصبي منه مقدار نص كلاس في طاسة واحضري جوارب الطفل واغمسيهم بالخل ثم لبسيهم له وشوفي السخونة شلون تنزل خلال 5 دقائق وما ترجع خلال اليوم ( لا خافض للحرارة ولا غيره ولا تحاتين الخافض منتهية مدته او تشربينه على معدة فاضية )
وباشفاء ان شاء الله

 

[حكاية شهرزاد]

لالالالالالالالالالالالالالالالالالالالالالالالالالا شنو هاي اللي تقولج خل تفاح واللي زنجبيل تو الناس الياهل صغير
جوفي يالغالية كملي المضاد لانه مفعوله ياخذ وقت وحاولي تستعملين له قطور للانف normal saline for pediatric
فيتامين سي يعني عصير برتقال فريش عادي بعمره تقدرين لا تضيفين له سكر بس شوي ماي وحاولي تسوين له شوربات خفيفة وعصري عليها ليمون , كملي المضاد بس حاولي تعطينه قبل الحليب علشان مايزوع الحليب وسلامتج