ولدي شخبط عالطوفه بشنو انظفها بليييز ساعدوني

[KOKO_284I]

السلام عليكم ورحمه الله وبركاته


شلونكم بنات


بنات توني صابغه الصاله وولدي شخبط عليها بقلم ازرق ناشف

حاولت بالليفه ماكو فايده الاسيتون الصبغ راح يطلع

بشنو انظفه في دوا معين بليييييييييييييييييييييييييييييز ساعدوني

بانتظار ردودكم:eh_s(7):

 

[ليمون ونعناع]

انا سويت الخلطه اليوم والنتيجه واو
بس خل اقولج القصه

اولا لون الطوفه ابيض عشان حذي حطيت كلوركس<<<< ابيض صبغج طبقيها ادا مو ابيض noooo

هذا الله يسلمج همن غرفه ولدي وبحط ستيكرز على الطوفه فلزوم ان ابيهم على خط واحد وابيهم مرتبين اضطريت ارسم خط بلون رصاص والصدمه ييت بمسحه بمساحه راح بس ٨٠٪ <<<<الاخت عبالها دفتر

خفت لان الصبغ يديد
قمت وتدكرت مني مناك اسلون السنعات الي بالمنتدي ينطفون الابيض واخترعت خلطه
المكونات
سطل ماي
دس للايد
كلوركس مقدار قليل
صابون فيري بالليمون مواعين قليلي<<<اختاري نوع زين مو شرط فيري بس انا هذا الي متوفر عندي
ليفه مواعين نظيفه يديدة
ماي كوبين او كوب حسب الحاجه
خلطي الصابون والكلوركس بالسطل واخذي السطل مكان الشخابيط مع لبس الدس وليفي الطوفه راح يطير اللون نهائيا
انا عشان ريحه الكلوركس قويه وخفت على صدر ولدي لان مزكوم
يبت فوطه نظيفه الخمطه بدينار و حطيت بطرفها كومفورت ومسحت مكان التليف وحوالينه صاااار نظافه وعطر وولدي استانس على الستيكرز يعطيني العافيه
ادري قرقرت وايد

 

[!! دلوعته !!]

ااب اب

 

[MELANO]

الوزير مال المواعين مع شويه من العملاق ومسحي بس اذا طوفه ملونه ما ادرى ماجربت صراحه

انا استخدمه بغسيل السجاد بقع القهوه وغيره وغيره كلها تروح

 

[KOKO_284I]

مشكورين خواتي ما قصرتوا

انا طوفتي بيج ( اوف وايت )

 

[KOKO_284I]

اب

اب

اشدعوه 39 مشاهده بس 2 رادين : (

 

[فديت غلاي]

مره شريت من شركه اسمها سوني فكتار بطل لونه اخضر لجميع الاستخدامات وخاصه حق الالوان يشيلهم حتي ع الزوليه بصراحه روعه

 

[KOKO_284I]

اب

اب

 

[meen_ana]

انا بنتى شخبطت وظوفي بيج لونها بصابون فيري مع ماي وليفه وحمدلله راح بس يبيله تفركينه بضمير

 

[لمن اكون]

هلا حبيبتي انا نفسج تونا صابغين الصاله
تجي اختي الصغييره تلون علهاا
انا خفت استخدم كلوركس لاني استخدمته ذيج المره وراح لون الطوفه
قريت بمنتدى وحده حااطه موضوع ع فايده المعجون الاسنان

ادري قرقرت وااجد
بس سويت الطريق حطيت شوي من معجون ع مكان ورااح مثل السحر والله انه راااح
انا عيووني صارت o_o

 

[KOKO_284I]

اب

اب

 

[MisS Z]

احسن واسهل حل

بمركز سلطان فيه اسفنجه لونها ابيض و حتي برا عالجيس حاطين انها مخصصه للطووفه

بس تبللينها مااي و تمسحين الطووفه والله وعن تجرربه وااايد تفيد و يروح الالوان كلها ومايخرب الصبغ

عاد انا الحين مو بشقتي ولا جان صورتها لج

تييلج ٣ حبات مع بعض صوب اماكن مواد التنظيف ان شاءالله تعرفينها اذا رحتي

وادعيلي عاد مو تنسيني