ولدي شيطان حيل شنوو الحل ؟؟

[روان العوضي]

اولا انا حيل احب المنتدي مالكم وكل مشاكلي انحلت بفضل الله وفضل دعوائكم ونصائحكم انا ولدي الحين عمره سنتين وانا حامل بس شيطان الولد ما يقعد يكسر كل شي انه احس انه اسبب موو لاقي اهتمام من ابوه فاا مادري شسوي وانا الحين علي ويه ولاده ومادري شسووي ياا ريت تعطوني حلوولكم

 

[miss_Ba6oOo6a]

حضانة من وقت الحمال او قبل عشان يتها البيبي اليديد يكون متعود من الحضانه ويطلع كل طاقته هناك

انا بنتي جذي بعد الولاده علا طول ودتها بس بس زادت الغيره شي يخرع كنت المفروض من قبل موديتها ومعودتها
بس الحين عقب شهر من الحضانه وايد احسن خفت شوي ساعدوني

 

[zgrtya]

دامج عارفه سبب شطانه الولد

فا الحل بإييدج اوف كورس

عطوه اهتمام زااايد ..

و إن شاء الله بيتعدل =)

 

[ŦSЩД3УФИУ]

x

مممم ,, ح ـآإولــي تلهينــهه بأي شـئ
وديهه حظآنةة مثلاً ~|| ㄨ ㄨ ツ

x
​

 

[أنشودة المطر]

حبيبتي عندنا وعندج خير
ترى من عمر السنتين الى الثلاث سنين من أسوأ المراحل عند الطفل من حيث الشطانة والعناد

وأنا نفسج أعاني مع ولدي و ولدت في نفس الفترة اللي كان فيها عمره سنتين والغيرة سوت فيه سوايا
وصارت شطانته أضعاف واخته حصلت طق وتكفخ لين قالت بس بعد عمري


أنا مع الاخت اللي قالت لج وديه الحضانة
والمهم استعدي لمرحلة الغيرة من البيبي اليديد وتعاملي معاه بحذر وعطيه محبة ودلع بزياااااادة ولا تدللين البيبي اليديد جدامه

ان شاءالله فترة وتعدي ويكبرون وربي يهديهم

 

[نور83]

وديه حصانه اهوهً بيرتاحً وانتي ترتاحينً راح يطلع طاقته كلها في الحضانهً يلعب ويتعلم ويستانسً بنفس الوقت وانتي بعد ترتاحينً خصوصا انج حامل الله يعينجً