ولدي ضعييييف وزنه ناقص شسوي

[ميمي..]

مرحبا امهات
بغيتكم تساعدوني
ولدي عمره9شهور
ووزنه 6كيلو ونص:eh_s(16)::eh_s(11)::eh_s(11):
ضعيفوون حييييل
مع العلم اني اصلا جايبته بالسابع ووزنه كان كيلو وجلس بالحضانه شهرين
الحمدلله انه بدا يكبر وحركاته طبيعيه يتقلب وبدا يحبي ويمشي بالدراجه بسرعه
يجلس لما احطله مخدات ويقول ماما وبابا ودادا
بس مايرضع واجد يعني مرات يشرب 3 ارقام ومرات 4 ومرات تمر 10 ساعات مايرضى
يشرب حليب
انا اشربه بروميل
والاكل اسوي له كل يوم خضار وزبادي
وسيريلاك وبسكوت الصبح اعطيه
بس مافي فايده زيادته بطيئه
وشكله مو على عمرة
الله يعافيكم ساعدوني عطوني حل او شي يزيد وزنه:eh_s(2):

 

[•Brown•Sugar•]

النمو من طفل لي طفل يختلف حتى لو كانت تغذيته سليمه
تلقين اهو عوده ضعيف ولاتنسين انتي يايبته صغيرون
انا بنتي كبر ولدج يبتها 2400 والحين وزنها 7 ونص
بس انتي عطيه فيتامين حق الاطفال والباقي ع الله

 

[سلاسل ذهبيه]

يمكن لانج جايبته بالسابعوزنه كان 1كيلو
عشان جذيه هو شكله اقل من عمره المفروض تقارنينه باللي عمرهم 5 شهور
مدام صحته زينه وكل شي طبيعي لاتستعجلي على متنه وبعض الاطفال جذيه شهيتهم قليله للحليب والاكل عموما
اعرضيه على دكتور اطفال احسن لج من نصايحنا لان من طفل لطفل يختلف

 

[سوسن1980]

اهم شئ صحته زينه

 

[ريح قهوه]

حبيبتي يمكن لانج جايبته بالسابع لازم اتقارنين وزنه بعمر طفل بالسابع ودام على قولتج ان كل شي فيه طبيعي الحمد لله

شوفي انا ولدي اللحين تو كمل سنه لو تشوفينه ضعييييييييييييييييييف وعظامه اطقطق مع اني جبته بالتاسعووزنه 3 كيلو وشي بس شكله اصغر من سنه بس اكتشفت فيه نقص كالسيوم عشان جذي ضعيفون وعظامه مافيهن شده بعد روحي يافرحتي لاشفته يركض يارب يمشي بسرعه يارب

 

[raneen]

والله ما ادري ... الله يعطيه الصحه والعافيه ..بس انا من رايي انج اتروحين حق الدكتوره سعاد البصيري... ما شاءالله