ولدي عمره سنه وبسويله عملية .......؟؟؟

[وسن^^86]

صباح الخير يا احلى امهات عسى الله يخليلكم عيالكم ويحفطهم انشالله
انا بصراحه ضاايق خلقي واحاتي لدي


ولدي عمره سنه ودايا اذونه تعوره واذا عورته اذونه تصير فيه حراره وغير الاحتقان في بلاعيمه وكله طاايح والله ان اسبوعيا ياخذ مضاد ومن طبيب لي طبي يا الهادي يالمواساة ياالسلام واخر مره وديته المواساه جان يقولي الطبيب ولدج اللي متعبه اللحميه طلع فيه لحميه انا اصلا كنت شاكه لانه يشووخر بليل واايد والله جنه شايب حراام وقالي لازم تسويله عمليه وتشيلينها عشان يرتااح

انا مقتنعه اني اشيلها بس خايفه عليه لانه صغير انتو شراايكم سويتو هالعمليه حق عيالكم الله يحفظهم انشالله ؟؟؟ اللي عندها معلومات تفيدني الله يخليكم

وتعرفون دكتوور زيين اذا تعرفون قولولي لاني ماني عارفه وين اوديه؟؟؟ وناطرتكم :e3:

 

[دندووون]

ياحياتي لو عندي معلومه جان قلتلج ياريت البنات يساعدونج وربي يسهلها عليه

 

[ديانا سبنسر]

اب اب

 

[أم يزيد &سديم&]

انا ولد خالي مسوي عملية لحمية وعمره سنة ونص
اهم شيئ كلام الدكتور
واهم شيء راحته

 

[خجل العذاأارى]

حبيبتي انا مثلج ولدي كله يتعب احتقان وبلاعيم لازم كل شهر يمرض والله رحت للاتصالات ودخلت على الدكتور وشاف بلاعيمه جان يقولي رايحه فيها بلاعيمه مالها اي وظيفه وحجمها حيل كبير وقرر له عمليه بشهر 9 انصحج روحي لمستشفى الاتصالات وخليهم يشيقونه وهم يقررون لانهم اختصاصيين وادعلي الله يقوم ولدي بالسلامه ويرزقني بالذريه الصالحه .........

 

[مساء مونترو]

الله يوفقة انشالله بالعملية..
لازم ضروري يشيل اللحمية وشوفي حبببتي..
الأذون ..
اخاف فيهم سوائل في الماي ياذا فيه لازم يشيلهم..
بس اللوز,,
لاتشيلنهم حبيبتي...
ترى اللوز هم فلتر الحياة...

 

[شعاع الروح]

الله يكون بعونج ..

والله يا اختي ما احد يحس بمعاناتج وهالادويه والمضادات اللي تعطيها عيالنا الا اللي مجربهاا

واسمعي سالفتي مع بنتي اللي على طول حراره توصل الاربعين وكل اسبوع مضاد حيوي وما خليت مستشفى حكومي او خاص الا رحتله حتى الدوام ماكنت اداوم والسبه هالحراره وكل عذري بنتي مريضه ومايراعون يقولولي ماصارت مرض ورفيجاتي بالدوام يقولون لي مناعة بنت ضعيفه وانتي ما رضعتيها ططبيعي ومن هالكلام ..

المهم ..

رحت لمحمد سعيد اللي في بوشهري كلينك وكان يقولي فيها احتقان واذونها ملتهبه وهذا يمكن بسبب اللحميه مع العلم انه ما اخذ عليها اشعه يعني شخص حالتها وعطاني ادويه ومضادات والحمدالله تحسنت وانتكست مره ثانيه رديت له ونفس الكلام وعطاني ابر لمده خمس ايام وبعدها مضاد والحمداالله تحسنت فتره ما تزيد عن شهر وردت مره ثانيه لما رحت وقلت له ما صارت انا تعبت نفسيا وبنتي اتعبت من هالمضادات قالي بكل برود روحي سوي اشعه حق خشمها ويوم سويت طلع فعلا معاها لحميه وهذي اللحميه تمنع دخول الهوا وبالتالي تتنفس من حلجها واي نسمة هوا بارده او تغير بالجو ويسببلها هالشي واذونها مبين ان فيها التهاب علشان جذي انا انصحكم تروحون حق اشتساري انف واذن وحنجره ( عقب شنو يا حضي يوم عطيت بنتي هالمضادات والابر اللي مالها فايده والفلوس اللي قطيناها عليه صج غثني على هالشي بس الحمدالله استشارة ريحت بالي ؟؟؟؟؟) وبعد تفكير زمني قصير مع زوجي قال مالنا الا محمود البوز اللي همن بعيادة بوشهري ( زوجي كان فيه فيه كسور وتهشم بالانف بسبت كوره سوا العمليه عنده ) رحنا له وشاف الاشعه وسوالها منظار للاذن والانف والفم وشاف بالمجهر خااص للاذن وقااااااااااااااااالي شي انصدمت منه :-
ان فيها لحميه ..... والتهاب بالاذن متحول لي صديد .... ومعاها جيوب انفيه ... واحتقان بالحنجره ..... كل هذا بسبب اللحميه

قلت له يعني لازم عمليه على فكره كان عمر بنتي ست او سبع شهور تقريبااا قالي او خلينا نعالج الاذن ونشوف بعدها شنو راح يصير ..

المهم عطاني علاج كان اغلب العلاج مركز على الاذن بما فيها قطرات وزيرتك وقالي اشوفكم بعد اسبوعين
ورحنا بعد اسبوعين الحمدالله الصديد اختفى بس كان معاها ماي بالاذن هذا مابين الا بعد ما اختفى الصديد وقالي استمري على الزيرتك والبخاخ ماي ملح للانف وقطره للحساسيه وممنوع الرضاعه وهي نايمه ....... اوكي مشينا على كلامه ولله الحمد الحراره ماصارت تجيها الا لما تمرض بسبت الجوو او تاخلها عدوه حالتها حييل تحسنت مو نفس قبل مع العلم كنت متخوفه من العمليه والبنج وهالسوالف والله يجزاه خير كل مااقوله دكتور تسوي عمليه يقولي لا خلينا نمشي بالعالج واشوف حال بنتي تحس حييييل لاك الحمد يارب وعلى فكره بنتي الحين عمرها سنتين ومازلت اخذ بين فتره وفتره مراجعه عنده اشوف اذنها واللحميه على فكره امس كانت مراجعت بنتي عنده لانه بيسافر اليوم الخميس ..
بس نصيحه لوجه الله انا جربت هالدكتور ( محمود البوز ) وارتحت معاه حيل لانه مو مستعجل بدا معاي خطوه بخطوه بس عيبه العلاج يطول عنده يعني مو خمس ايام بس تعطين العلاج لا تقعدين اسبوعين والله يعينا يارب ..

تقبلي مروري اسفه على الاطاله واذا بغيتي اي مساعده انا بالخدمه .

 

[أم حيدر]

http://www.q8yat.net/showthread.php?t=630625

شوفي هالموضوع

 

[:: Diva ::]

سهالات ان شالله لا تحاتين

 

[um khaled]

انا سويت لوليدي بنفس اليوم اللوز واللحميه
لانه في خلال سنه صار مريض اكثر من 12 مره
وصار ضعيف ونفسيته مو زينه للاكل وما فيه طاقه للحركه وايد
وتبارك الرحمن صار له سنه عالعمليه زاد وزنه و شهيته مفتوحه
وصار يتحرك ومن كثر ما يتحرك ما شاء الله عليه صار الكل يحلف يطقه من شطانته وحركته

ولان ما الحق اخلص المضاد الا مريض
ما رحت مستشفى الاتصالات مع انه وايد زين
رحت طيبه كلينك
وبعدها رحت استشاره لعبدالله العلي
ورجعت طيبه وسويت له العمليه

طولت عليج بس المختصر انه توكلي على وسوي له العمليه
وما يشوف شر