ولدي عمره 6 سنين فيه حساسيه بالصدر مزمن شنو احسن علاج غير الكمام والبخاخ مشكورين

[سقيا رحمة]

ولدي عمره 6 سنين فيه حساسيه بالصدر مزمن شنو احسن علاج غير الكمام والبخاخ مشكورين:bbbiu:

 

[بنت ^ جآبر]

اختي الحساسيه مالها علاج حاليا الا الكمام والبخاخ .. يعني بحكم جونا .. الكويت دائما مغبره واغلب اشهرنا مواسم حساسيه
من الاخر وعن تجربه معاي ومع ولدي .. لاتقطعين الكمام .
ولدي كان ماينام بس يصيح من الكحه والحساسيه وضيق التنفس.. كان يصيح والنوم مايعرفه
ووديته للشرقاوي واعطاه ابره ووقائي وكمام لمده ثلاث ايام .. وهذاك اليوم اللي انهيت فيه العلاج عنده هو اليوم اللي اتذكر فيه انه ولدي شكى من صدره والحساسيه ولله الحمد
للعلم يقولون انه علاجه بالكرتيزون .. وانا سالته قالي لا
بس ماادري .. لكن اللي اعرفه واحمد ربي عليه انه هالشي اختفى للابد
وهالامر مر عليه الان اكثر من سنه ونص
ومايشوف شر ولدج يارب

 

[ديانا سبنسر]

اااااااااااااااااااب

 

[aljori]

قريت بشريط قناة بدايه وحدة تقول ملعقة صغيره مطحون حبة البركه مع شوربه ثلاث مرات باليوم لمدة شهرين وراحت منها
لا تكثرين حبة البركه حطي نص ملعقه لانه صغير
وهالشي ان مافاده ماراح يضره
وموفقه يالغلا الله يشفيه لج يارب

 

[ناتشوو]

الله ييسر امرج

بنت جابر الوقائي كورتزون بس مايضر
لا نوسوس من كل شي فيه كرتزون دام باشراف الطبيب

شوفي انا ولدي اذا التزمت بالوقائي مو يوم يومين اشهر متواصله حتى مافيه نوبة ربو
( باشراف الطبيب)
اذا التزمت ماشالله مايتعب صدره
طبعا الحساسية تكون من البرد من الغبار ممكن من النشلة اذا ماعالجناها بالقطرات تنزل ع الصدر
واذا تكيسلت يتعب صدره

الفنتولين شي مؤقت يعالج النوبة
البولمكورت وقائي

الربو من الامراض المزمنة ماتتعالج 100%
بس نقدر نتحكم فيها ونتلافاها بالوقائي

 

[روزحياتي]

شوفي أنا كل عيالي يجبهم الربو واقسم بآيآت الله يروح عنهم بعلاج مده ثلاث ايام تعطينه عند الازمه ثلاث مرات باليوم وكل ماجته الازمه تعطينه لين تختفي أنا عاده ثلاث ازمات وبعدين يختفي تماماً
تعبت من كثر ما اعطي هالوصفه للناس من روعتها
والله على ما اقول شهيد
الوصفه
تجيبين القبقب من المسمكه عدد ثلاث قباقب وتغسلينهم بماء فقط ولاتقطعينهم انتبهي القبقب كامل وتجيبين قدر وتحطيم فيه ٢ لتر ماء وتغلينه ربع ساعه وبعدين تصفيته بمشخال
وتخلينه لين يبرد وتعطينه كل ثمان ساعات نص كوب
وريحته خايسه فانا اسحب بالابره حقت الطبيب وأعطيه غصب عنه

بس اقسم بالله مفعول عجيب ينقطع الربو تماماً حتى لو كان الربو وراثي
وأعطيه عيالي من اربع شهور آمن وما يضر *

 

[شفايف كرزيه]

انصحج. بدكتور سليمان بو حميد بحولي عياده خوش دكتور وديت ولدي له مع الله زين
بس ولدي مو ربو حساسيه بالصدر
اول شي قطع الكمام عالجه بالادويه موسع شعب هوائيه
ومضاد والحمدلله زين

 

[الاميرة ياقوت**]

حبيبتي عطيه فيتامين سي فوار يوم وترك واشتري رافع المناعه من الصيدليه خاص لامراض الصدر اسمه ايجاينوسين ودربالج من الهوا البارد الماي البارد ونقعيله 7 عيدان دارسين ابلتر ماي حار مدة ليله وخل يشرب منه كل يوم كوب والله الشافي وها

 

[@ DLOO3TAH@]

أأب

 

[NOAR]

وانتي مغمضة ومن غير كلام زايد
مستشفى الراشد للحساسية اللي بمنطقة الصباح
واذا مااقدرتي
الدكتور ناصر بهبهاني
اهو دكتور بنفس المستشفى وعنده عيادة بعد

يالله من غير بس

 

[الأميرة جوري]

ورق الجوافه عجييييييييييييب تصبين عليه ماي مغلي ينقع شوي بعدها عطيه 3 مرات باليوم نص قلاص يشربه راح يختفي منه

 

[الأميرة جوري]

تاخذينه من العطار