ولدي ,,, متعبني ..

[ليونة قلبي]

السلام عليكم ورحمة الله ..


السالفه ومافيها ولدي الله يحفظه هالايام متعبني واجد , عمره 10سنوات مدري احسه بادي يتمرد .. احنا معودينه

من قبل اذا طلع برا يروح ساعه ويرجع يعني على اذان المغرب الحين صاير يطلع الله يحفظه بالسيكل ويطول ساعتين

ثلاث مايرجع الا لمن نكلمه او ابوه يجيبه .. وصاير يصرف فلوسه كلها على بقالات ولعب بالهبل عجزنا معاه حطيت له

حصاله عشان بس يتعلم التوفير في البدايه انبسط وجمع له مبلغ حليو .. بعدين مل .

واحنا معلمينه على الصلاه من اول مادخل المدرسه ومشى تمام بس هالسنه ملاحظته تغير كثير ومايصلي الا بالهواش

الشي الحين اللي متعبني ومخوفني عليه .... ذاك اليوم جاني بالليل وانا جالسه عالنت كان يقولي ( يمه ليه ماتضربوني ؟)

انا استغربت وقلت له على ايش ؟؟ قال .. انا صرت مااصلي زي قبل . وانا اخاف افارقكم ..

انا مت من الخوف واخنقتني العبره وقمت وضميته على طول وقلت له ليه ياحبيبي تقول هالكلام قام وصاح ..

قعدت اسئله ليه تقول هالكلام وليه ؟؟ قعد يصبح ويقول انا خايف ولاجيت انام افكر كثير ومايجيني نوم ويوم انه في

الصف الثالث المدرس كان يكلمهم عن عذاب القبر ومدري ايش ..

انا قعدت اقرا عليه وقلت له هذي كلها وساوس انت ياحبيبي لازم تحافظ على صلاتك وتقرا القران والمعوذات قبل لاتنام

وجلست اهدي فيه واتكلم معاه واشرحله امور كثيره وحسيته هدا حبني وراح ينام .

وهالسالفه تكررت مرتين ودائما بالليل قبل ماينام والله مدري خايفه عليه وضايق صدري مو عارفه شلون اتصرف

لاني هالايام صايره دايما اعصب وياه على كل شي ياريت تنصحوني خواتي شسوي :0bee2e8d89:​

 

[{الجارحه}]

الله يهديه ويصلحه

الله يعينج ويعيني

صج عيالي صغار بس تعبت منهم الله يخليهم لي

انتي حاولي ماتظغطين عليه

والعصبيه ماراح تجيب نتيجه والله حاسه فيج بس حاولي ماتعصبين عليه

 

[بدوره الموره]

الله يخلي لكم ولدكم وربي يخليكم له انشاء الله انتي وابوه
اول شي عمرة عشر سنوات الله يحفظه يعني طفل صغير في يعني في بدايه دخوله سن المراهقه
وبعدين سالفة السيكل من ناحيتي توة صغير على السيكل
الله يحفظه
لابد منج انتي ومن ابوه انكم توجهونه وتعلمونه
ولازم تعرفون من ربعه الي يمشي معاهم
واتبعي معاه اسلوب حلو بس صارم وابدا ابدا لا تتبعين اسلوب الضرب او التوبيخ الجارح له
الله يعينج ويقويج ربي انشالله وتشوفينه معرس

 

[بدوره الموره]

الله يخلي لكم ولدكم وربي يخليكم له انشاء الله انتي وابوه
اول شي عمرة عشر سنوات الله يحفظه يعني طفل صغير في يعني في بدايه دخوله سن المراهقه
وبعدين سالفة السيكل من ناحيتي توة صغير على السيكل
الله يحفظه
لابد منج انتي ومن ابوه انكم توجهونه وتعلمونه
ولازم تعرفون من ربعه الي يمشي معاهم
واتبعي معاه اسلوب حلو بس صارم وابدا ابدا لا تتبعين اسلوب الضرب او التوبيخ الجارح له
الله يعينج ويقويج ربي انشالله وتشوفينه معرس

 

[بنتq8]

اللة يهدية ويخلية على الصراط المستقيم وتشوفين ذريتة

 

[ليونة قلبي]

الله يعطيكم العافيه حبيباتي ماتقصرون

انا والله مااعصب الا من خوفي عليه , ولدي بكري وتعرفون ودي يصير احسن الناس

وانا السيكل والله من البدايه رافضته بس ابوه الله يهديه راح وشراله اياه يوم نجح

الله يهديه ويصلحه ويبلغني فيه يارب .. ويبلغكم ف عيالكم امين ..

 

[الزين فرح]

الله يهديه ويوفقه ويبعد عنه كل شر يارب العالمين

 

[noynoy]

واي حبيبي و الله
شنو هالمدرس اللي مصروعهم
ما قلنا لا تنصون بس بشروا و لا تنفروا
انتي زين تسوين كله اقري عليه قبل لا ينام
و اذا ابوه بيصلي خل يناديه يصلي معاه جماعه
و اذا تقدرون تودونه شيخ دين ثقه ينصحه باسلوب حلو و يبشره و عن التصروع

 

[سعوديه وتحبكم]

شوفي حبيبتي انا مسالة السيكل مرفووضه عندي كلش الا اذا طلعنا نزهات برا ونكون معاه وحالة ولدك نفس حالة بنتي جتها فتره بس تبكي وتقول ماما انا اخاف تقوم القيامه وانا ماصلي لانها مرت بموقف خرعها بس الحمدلله عدت لاني كنت دايم اهديها واطمنها ولاتنسين الدعاء