ولدي منعفس فوووق تحت مااااااادري اشفيييه :((((

[HeSsaa]

السلام عليكم بنات :eh_s(16):

تكفون اللي ولدها مر بنفس حالة ولدي تفيدني لأني واااايد متضااايقه :eh_s(11):


ولدي عمره سنه و 9 شهور ..

دخلته الحضانة من اسبوعين ..

اول الايام يبجي لما اوديه و عندهم يسكت و لما ارد اخذه الظهر و يشوفني يسوي روحه يبجي ..

ولدي بالاساس حليو يلعب و يضحك و يسووولف بس مايتكلم ..

ما يبجي الا اذا كان في شي يعووره بسسسسسس ..

الحين صارله 3 ايام بس يبجي و يحن و يصررخ من قمة راااسه لما يكون عندي بالبيت

ولما اقعده الصبح او الظهر يبجي و صراااخ و عساااره

حتى اهلي اللي متعود يروح لهم 24 ساعه ماااااااااايبيهم و يبجي

كل شي تغير من دخلته الحضانه ..

يرد من الحضانة يتغدا ينام الظهر ساعه و يقعد متعسررر و بالليل ينام 10 ..

فمااااااادري شنو سبب هالحنه و البجي :eh_s(11):

هل : مايبي الحضانة .؟
هل : متغيره نومته و نظامه ؟
هل : فاقدني و خايف اني اخليه !! مع اني انا دايما معاه
هل : في شي يعوره و انا مااادري :eh_s(16):

 

[AVE.NJ]

والله مااقدر افيدج
بس وديه طبيب احسن لج

 

[نبراس الكرامة]

أول شي وديه الطبيب

خل يشوفه اذا فيه شي يعالجه

اذا ما فيه شي

معناته شي نفسي

يمكن مستوحش من الحضانه

فهميه انه هالمكان حلو و اليهال مستانسين ويلعبون معاك

و دشي معاه مرة مرتين لمن يتعود اذا وافقت الإدارة

 

[manoooram]

لا تحاتين قلبي ان شالله مافيه الا العافيه
يجوز ان جو الحضانة يديد عليه فمتعسر
بس الأفضل وديه للطبيب
وان شالله ما عليه شر

 

[Cute mama]

ان شالله مافيه الا العافيه
يمكن لانه جو يديد عليه ويهال ولويا فصاير مزعج مثلهم هههه
عادي دايما تحوش اليهال هالعرات من غير سبب
​

 

[ام الحلوااات]

اااااااااااب

 

[بتبوتااا]

حياتي مثل ماقالو البنات ويمكن شي يعوره بلاعيم او التهاب اذون احسن وديه طبيب

 

[المكسيكيه]

حبيبي ماعليه اي شر ان شاء الله

 

[HeSsaa]

تسلمون حباااايبي والله ماااقصرررتوا الف الف الف شكر لكم حباااااايبي

وديته امس الطبيب اسمله عليه مااافيه شي

وكلمت استشارية امس قالت لي من (( الحضاااااااانه ))

لان توه صغير و مرتبط حيييل فيني فا خااايف

 

[ام كوثر2007]

حبيبتي اذا انتي مو موظفه لا تودينه الحضانه .. لاحق علي الروضه ..


انا احس حرام بالعمر هذا يروح حضانه . اهو الحين وبالعمر هذا بأمس الحاجه لج .. ولوجوده يمج .


ما يشوف شر ان شاءالله .

 

[HeSsaa]

انا موووظفه و مااا اقدر اخليه عند الخدامه اخااااااف عليه

 

[om MaRyooM]

يمكن جو الحضانة يديد عليه

ونطري عليه اسبوع اسبوعين اذا ماتحسن حاولي تغيبينه اسبوع وشوفيه اذا تحسن معناته مو متقبل الحضانة


انا بنتي دخلتها سنة ونص .. كانت جذي
بس تشوف باب الحضانة تبببببببجي وتمسك فيني حيييل

ماتحسنت حالتها الا من طلعتها من الحضانة ..

نطرت عليها لما صار عمرها سنتين ونص والحين الحمدلله تمام التمام


ويعتمد على الحضانة ترا .. يمكن مايجذبون الياهل

 

[قموشه21]

انتي مثلي كنت بدخله بس رييلي وقف ابلعومي

صح ياهل ويبيج بهالسن .. وديه عند امج ولا اختج اهم شي اذا انتي مو واثقة بخدامتج لاتخلينها عنده

بس لاتودينه الحضانه اخاف يخترع اسمالله عليه ويكره بعدين الروضة والمدرسه تو الناس عليه ..

 

[أغلى المشاعر]

اختي نفس ولدي عمره سنتين من وديته الحضانه صار يبكي وتغير 180 درجه كان هادي وعد الحضانه يطق وبروح يبكي ويرد يبكي وفي الليل يفز من نومه يبكي وبعده طلعته من الحضانه والحين احسن حتى تكرمون لما ابدل حفاضته صار مايبي ويلعوزني نصيحه طلعيه من الحضانه ملحق غلي التعب

 

[حوررريه]

انا ولدي سوا هالحركات من اشتغلت من يشوفني يصييييح صياااح وينسدح ويرفس بعد شكيت وديته الطبيب مافيه شي اتوقع لانه مشتاقلج يسوي جذي ومايبيج تهدينه وتودينه الحضانه انا ولدي من يشوف لفة الحضانة عرف وقام يلمني ويصيح مايبي اوديه.. ياعمري عليهم يكسرون الخاطر الله يحفظهم ان شاء الله

 

[دلوعه غناتي]

حبيبتي هاذا شي عادي

لانه تغير عليه الوضع

نفس ولدي عادي صاير مزعج ومرات يبكي بدون سبب

اعطيه طاف ويرد يسولف معاي (طبعا ما افهم) هههههههه بس يقول اللي في خاطره

وانتي فصخي ولدج كل يوم اذا جبتيه من الحضانه وفتشي جسمه عدل عدل وطلي على اللي خبرج سبحان الله الدنيا ما ينقال عليها

انا جذي مع ولدي لأنه صغير وما يفهم وكلامه مو مفهوم

والله يستر عليهم ودعناهم الله اللي ما تضيع ودايعه

 

[meen_ana]

عادي حبووبه يبيله فترة على مايتاقلم بنتى كانت جذيه بس الحين اشوي صارت احسن مو وايد

 

[شوبارد قطر]

غيري من طريقه معاملتج معاه وانتي تنزلينه وانتي تاخذينه
لي خذتيه وديه السوبرماركت
او خلي خدامته روح معاه اول اسبوعين على الاقل

 

[روان_الكويت]

ياعمري مادري اشلون افيدج
بس حاولي تقعدين معاه بالحظانه جم يوم
وكلميهم قوليلهم عن حالته عشان يتفهمون ويدارونه اكثر عالاقل اول الفتره
واشتري هديه لعبه يحبها غلفيها وخلي الابله تعطيه عشان يحب الحظانه
وهالعمر ودج يقعد بالبيت يرتاح
ويمكن مو شبعان نوم عشان شذي يتعسر
نوميه مبجر عشيه بالخمس ونوميه بالست بالضبط عشان يشبع نوم
ولدي قبل يوم وديته حظانه كان سنتين ونص انومه 6
جربي هالطريقه اتمنى تنفع معاج
يعني لا ينام الظهر حاولي عشان تصير نومته وحده ويشبع نوم

 

[hooryah q8]

حبيبتي شي عادي انا بنتي الحين جذي
عمرها سنة و ثلاث اشهر ومن دخلتها الحضانه تغيرت
صارت مزعجه و تبجي بدون سبب و اتحن حنه مو طبيعية
هذا كله لانه روتينهم اليومي تغير و نومتهم تغيرت
وقعدت الصبح ابروحها اتغير مزاج اليوم كله فلي يسوونه لانهم للحين مو متأقلمين على قعدت الصبح
و روحت الحضانه الصبح و انهم ينامون امبجر
عطيه وقت اسبوعين او ثلاث على ما ياخذ عالوضع اليديد و ان شاءالله بيصير احسن
انا والله نفس معاناتج و حتى اهلي يقولولي صايره حنانه و بس تبجي
و بالحضانه ابلاتها يقولولي ترا بس الصبح تبجي لما اتييبينها و طول اليوم اشحلاتها تلعب و مافيها شي

قرقت وايد مافيه الا العافية بس عطيه وقت