ولدي نشاطه زايد وحركي شسوي؟؟

[بنات وبس]

السلام عليكم؛؛؛



ولدي ثانية ابتدائي والمدرسات كله يشتكون ان نشيط وايد ومايقعد بالصف وما شاء الله عليه حتى بالبيت وهذا اثر على دراسته ومايعرف يقرأ عدل وللحين ما يعرف الأحرف عدل.

ون تنصحوني اوديه هل اوديه مدرسة خاصة على دراستهم اتكون احسن لان صج تعبانه وضايق خلقي على وضعه وسبت نشاطه الزايد:0bee2e8d89:


ياريت اتفيدوني! شلون اتصرف معاه مع انه ينطق ويد وبسبت حركته وقلبي يعورني عليه:"""(

 

[cavallia]

ولدي نفس ولدج بالضبط وزياده عليه نطقه متأخر سويت كل الطرق ومو نافع ..........بس اسوء طريقه الطق والله يهدي ولدي وولدج وعيال المسلمين :eh_s(22):

 

[حلم الطفولة]

حبايب شلونكم ؟؟.......
لو حركي وايد ومو مأثر على تلقيه الدراسي يكون السبب نومه غلط و أكله فيه وايد سكريات وأصباغ .. أما إذا متأثره الدراسه
فهذي حالة اسمها فرط الحركه : Hyper Active
ولها علاج عباره عن حبوب تنوصف من الدكتور الاختصاصي .. ويكون معاها توصيه حق حميه أكل معينه .. تخففين السكريات وتخففين بعض الشغلات ... توها قريبتي تتكلم عن ولد صديقتها نفس الحاله وأخذ علاج والحين شحلوه مافيه شي ..
وبالنسبه لكم .. عيالكم مدارس حكومه وللا خاص ؟؟؟ .. إذا خاص أكو مدرسة اسمها الانجليزيه الدوليه أو العالميه ( مو مذكره ) فيها صفوف خاصه لهذي الحالات ولهم مدرسات متخصصات .
الله يصبركم .. ويجزيكم الخير يارب .. بس سئلو عن الأطبه وخلوهم يشوفون عيالكم ويوصفون لهم العلاج المناسب ..

 

[ام فروحه]

هلا حبيبتي وديه الطب التطوري اهما متخصصين بهذه الحالات ولهم مدارس خاصه وحرام لاطقينه ماينفع بالدمرينه له اسلوب وتعامل خاص فيه حرام لاتخلينه لأنه لو خليتيه بهذه المدرسه واهما مو عارفين يتعاملون معاه بتخسرين ولدج انا ولدي نفس حالت ولدج اولي ابتدائي خليته ويوم دش ثاني ابتدائي لاحظت عليه نفس المشكله والمدرسه الي كان فيها خلت حالته من سيئ لأسوا حرام لاتخليه انا حاسه بالمعاناه الاطفال هذه محتاجه عنايه خاصه

 

[أم عبووووود]

صدقوني سا امهات ان الطق عمره ماياب نتيجه والله السياية حلوة انا ما اقول انا ما اطق عيالي بس مو واااايد وحطوا بالكم لا تضيعونهم من ايدكم وعلى الحركة الزايدة في بعضها عادي وفي بعضها مرضي لازم تراجعون مكان متخصص يهالشي وان شالله يفيدكم وخففوا من الكاكاو والبطاط والبيبسي كلها اشياء تأثر والله يعينكم وياجركم

ربي يحفظ عيالي وعيالكم

 

[بنات وبس]

مشكورين حبيباتي على الرد


ممكن تعطوني اسامي دكاترة او استشاريين لعلاج النشاط الزايد عند الطفل وارقامهم اذا ممكن وان يكون اسعارهم رخيصة لان رحت حق واحد وقالولي 180 بالاسبوع:0bee2e8d89:


والله يعطيكم العافية على الردود الطيبة

 

[متنقله]

اشلونج حبيبتى
ولدج نفس حاله ولدى بالضبط
عندج عبير عوض بس تاخذ بالفحص 150 دينار
والطب التطورى ببلاش بس يبيله جم شهر على مايوصل دورج
اهم شئ سويله اختبار ذكاء واذا طلع اوكى لاتحاتين
فرط النشاط
مبدئيا على ماييى دورج قولى للابلات اذا بيطرشون اى ولد خل يكون ولدج على شان يفرغ طاقته
وخل يقعد اول شئ بالصف
طبعا انا اكلمج وولدى المدرسات كاتبين فيه مذكره مايبونه يكمل معاهم من كثر الشطانه والحركه الزايده
دايما يعفسهم
الله يشفى الجميع انشاء الله

 

[برونزية رشيقة]

شيكي عالخاص .. دزيت لج رسالة خاصة تفيدج بجم معلومة عن نفس الموضوع ..
ودكتورة عبير لأ نصابة ومادية لا تروحين لها ... في قصة جم وحدة بالمنتدى ضيعت اعيالهم وعطتهم أدوية غلط !!!!!!!!!!!!!!!!!!

 

[برونزية رشيقة]

اشلونج حبيبتى
ولدج نفس حاله ولدى بالضبط
عندج عبير عوض بس تاخذ بالفحص 150 دينار
والطب التطورى ببلاش بس يبيله جم شهر على مايوصل دورج
اهم شئ سويله اختبار ذكاء واذا طلع اوكى لاتحاتين
فرط النشاط
مبدئيا على ماييى دورج قولى للابلات اذا بيطرشون اى ولد خل يكون ولدج على شان يفرغ طاقته
وخل يقعد اول شئ بالصف
طبعا انا اكلمج وولدى المدرسات كاتبين فيه مذكره مايبونه يكمل معاهم من كثر الشطانه والحركه الزايده
دايما يعفسهم
الله يشفى الجميع انشاء الله

أختي .. دكتورة عبير عوض مادية درجة أولى ونصابة وإستغلالية ... وعليها شكاوي وايد ..... وضيعت ولد عضوة بالمنتدى بالأدوية الغلط ........ لعبت فيه بالأدوية وصار فيه توحد ... البنت حاطه قصتها كاملة

 

[متنقله]

مشكوره حبيبتى ماقصرتى
والطب التطورى كان عندى موعد اليوم قالولى نبى نتايج اختبارات من تقويم الطفل
الافضل تقويم الطفل لأن الطب التطورى بس عنده اختبار ذكاء
بس اختبارات الى تعكس مستوى الطالب بالمواد بس موجوده بالطب التطورى

 

[برونزية رشيقة]

مشكوره حبيبتى ماقصرتى
والطب التطورى كان عندى موعد اليوم قالولى نبى نتايج اختبارات من تقويم الطفل
الافضل تقويم الطفل لأن الطب التطورى بس عنده اختبار ذكاء
بس اختبارات الى تعكس مستوى الطالب بالمواد بس موجوده بالطب التطورى

جم عمره الله يحفظه ؟ أنا ولد حماي كان عنده حالة نشاط زايد ... هايبر آكتف واسم الله عليه خف على ثانية متوسط يعني لمن صار 12 سنة صار هادي وحبوب وذكي اسم الله عليه .. الله يريح بالج أنشاءالله .. طمنيني عليه :33_1185028183::33_1185028183:

 

[برونزية رشيقة]

وقريت توني كلمة أنتي كاتبتها .. ينطق واااااااااااااااااااااااايد ؟؟؟؟ لا تسمحين لأي شخص يطقه .. ترى الهايبر النشاط أللي فيه مو بأيده أعصاب المخ هي تسوي فيهم جذي ..... لا شعوريا ما يتحكم في نفسه ... المدرسات تقعدين معاهم والأبو بعد ممنووووووووووووووووووووع ممنوووووووووووووووووووووووووع الطق .. مو هذا الحل ...

 

[بنات وبس]

مشكورين حبيباتي على الردود؛ بس الطب التطوري وين صاير اول مرة اسمع فيه!!

 

[برونزية رشيقة]

مشكورين حبيباتي على الردود؛ بس الطب التطوري وين صاير اول مرة اسمع فيه!!

أول شي تروحين المستوصف أللي تابعين له بمنطقتكم يعطونج تحويل للطب التطوري تاخذين الورقة تودينها مستشفى الوطني أللي بالصباح هناك الطب التطوري راح يعطونج موعد احتمال بعد 5 أو 6 شهور .... عادي عادي لا تنصدمين مواعيد حكومة يا قلبي ... إلا إذا عندج واسطة يجدمون الموعد لج .

وكسبي وقت هالفترة بالعلاج علشان تتداركين مشكلته ....روحي وديه مركز تقويم الطفل بالسرة ... أعتقد بدون مواعيد وكله أخصائيات كويتيات ومتفهمات يمدحونهم والله .. مكانهم ورة جمعية السرة

وهذا رقمهم : 25353681

أو

1832000

وهناك بمركز تقويم الطفل راح يحددون لج إذا يحتاج مدرسة من هالمدارس الخاصة هالفترة .. سأليهم ضروري هالسؤال وشنو إجراءات اللجنة ؟؟؟؟؟؟؟

.....وسألي عن إجراءات نقله لمدرسة خاصة متخصصة بالهايبر آكتف .

قلبي معاج حبيبتي .... والله يشافيه وااااااااااااااااااااااااااي هالنشاط الزايد عند الأطفال مشكلة ومحد فاهمها في مجتمعنا الكويتي عبالهم ولد مدلل أو شيطان او مو متربي .... الهايبر غير غير لازم الناس تثقف في هالموضوووووووووووووووووووووووع

 

[متنقله]

الطب التطورى فى الصباح مستشفى بنك الكويت الوطنى الدور الثانى
وسلامات

 

[مشمشة رمانة]

في اخصائي اطفال مادري شنو اسمة حاجيه والله يمدحونة وااايد ومرة سامعتلة مقتبلة في المرينا قل اسبوع يمكن؟ كان يتكلم عن الهايبر اكتف والنشاط الزايد عند الاطفال قال ممكن يكون دليل ذكاء وممكن العكس وممكن من التغذية ونقص في الفيتامينات بس ترة مايعطي اليهال ادوية يسويلهم علاج نفسي جلسات بس .. والله يشفي الجميع يارب .

 

[مشمشة رمانة]

اسمة جاسم حاجية

 

[Bnt.Azmer]

مشالله البنات ماقصرو وانشالله تستفيدين منهم بس حبيت اقولج انا ولدي مشالله جذي حركي وايد ويتحرش ويطق باخته طق ومايقعد بمكان واحد ويدور بس المخاطر نازل وصاعد يبي يتهاوش مع الصبيان مع ان عمره 5 سنين دخلت تكواندو من جم اسبوع مشالله عليه طخ بشكل ملحوظ قام يطلع طاقته بس بالهلعبة والحمدلله متأقلم معاهم يمكن انتي حالتج غير يعني بزيادة فالله يعينج ويخليلج وليدج يارب

 

[بنات وبس]

مشكورين حبيباتي على الردود الله يعطيكم العافية

 

[DooNy]

حبايب شلونكم ؟؟.......
لو حركي وايد ومو مأثر على تلقيه الدراسي يكون السبب نومه غلط و أكله فيه وايد سكريات وأصباغ .. أما إذا متأثره الدراسه
فهذي حالة اسمها فرط الحركه : Hyper active
ولها علاج عباره عن حبوب تنوصف من الدكتور الاختصاصي .. ويكون معاها توصيه حق حميه أكل معينه .. تخففين السكريات وتخففين بعض الشغلات ... توها قريبتي تتكلم عن ولد صديقتها نفس الحاله وأخذ علاج والحين شحلوه مافيه شي ..
وبالنسبه لكم .. عيالكم مدارس حكومه وللا خاص ؟؟؟ .. إذا خاص أكو مدرسة اسمها الانجليزيه الدوليه أو العالميه ( مو مذكره ) فيها صفوف خاصه لهذي الحالات ولهم مدرسات متخصصات .
الله يصبركم .. ويجزيكم الخير يارب .. بس سئلو عن الأطبه وخلوهم يشوفون عيالكم ويوصفون لهم العلاج المناسب ..

أحب أضيف على المدارس مدرسة الإبداع الأمريكية لهم قسم لهذي الحالات

وربي يطمنج عليه ولاتحاتين علاجاته سهله بس يبيلج صبر