ولدي والامساك

[بحرينيه26]

شخباركم بنات

الله لايحرمني منكم

ولدي معاه امساك صارله اسبوعين الحين وفي الحمام اعزكم الله يقعد يصيح من الالم واكتشفت امس ان طالع له نفس البواسير

عطيته برتقال عنب
شنو تنصوحوني بأفضل دواء حقه

جزاكم الله خير

 

[Um Tuki]

فيه بواسير و تسألين شاعطيه ..

ركضي فيه اجرب مستشفى حبيبتي .. لازم أدوية خاصة يمكن مو بواسير يمكن شي غير ..

فقير الياهل .. قومي الحين وديه مسكين ..

بيعطونة ملين .. مدام ولدج يدش الحمام معناته كبير موب ياهل رضيع

 

[Bloom]

ولدج وايد فيه امساك المفروض ماتخلينه

انا بنتي اذا يوم ما اخرجت احط عود اذون فيه شوي زيت زيتون في مكان الخروج واول ما ادخله تخرج

 

[@ام يوسف@]

ياحياتي الله يعينه حنا الكبار اذا صار فينا نتعذب شلون الجهال روحي المستوصف يعطونج تحاميل جلسرين وباقل من ربع ساعه يلين بطنه ومايشوف شر حبيبي انا اذا صار بعيالي امساك استخدم لهم هالتحاميل

 

[om deaj]

وسويله فحوصات حق الامعاء
انا اعرف وحدة بنتها كل يوم ادوية لانه عندها مرض بامعائها ماتقدر تخرج بروحها

 

[باقة ورد]

زيت السمسم فظيع للامساك القوي وحدة بوحدة عطيه قفشة وسط بالليل واذا ما يتقبل خلطيه مع اي شي يحبه

 

[بحرينيه26]

انا وديته العياده بس ماعطتني شي قالت لي اول مايروح الامساك راح يروح هذي الشي

قالت لي بس عطيه برتقال

 

[طيبة83]

اسبوعين وقالت لج عادي؟؟؟؟

عطيه تحاميل اشتريها من الصيدليه

وعطيه قوجا مجفف

 

[ÃL5jÔōlâ]

انا بنتي فيها امساك مزمن

مافي شي ما عطيتها ما نفع معاها بس انتي جربي مع ولدج ملين اسمه دوفولاك

والله يشافي ولدج وو بنتي من هالامساك