ولدي والترجيع ؟؟

[كاليفورنيا]

قوه بنااات


بنات ولدي تعبني كله مااعطيه شي يرجع اللي اكله كله لدرجة كل من يشوفه يقول حرام ليش ضعييف والله يابنات انوع باكله وديته لدكتور يقول مافيه شي اي شي ياكله يرجعه يعني اذا الاكل مارجعه ليلة عيد عندي كل شي جربته مافاد اللي عندها حل تفيدني عسى ربي يحفظ عيالكم

 

[كاليفورنيا]

وينكم بنات

 

[دلع86]

جم عمره ولدج؟؟

 

[الله كرريم]

رد : ولدي والترجيع ؟؟

يمكن معدته حساسه , حاولي تغيرين الحليب يمكن هو السبب, جيكي على بلاعيمه يمكن التهاب , جيكي على اذونه , جربي تروحين دكتور ثاني مو بس وااحد ,

لان ولدي كان يرجع وخذيتله حليب اخف

والله يشفي ولد

 

[noynoy]

وديه دكتور شاطر و سويله تحاليل
انصحج بالدكتور خالد السعيد
ما يشوف شر

 

[الينبوعة]

كانج تتكملين عن ابني عمرة سنتين ونص ذبحني وانا ما خليت اطباء المانيا ما رحت الهم قالو مافي شي بس في اطفال طبيعتهم حساسين شوفي اختي عطي ابنج فيتامين اكيد موجود عدكم هو الماني وهذا يعوضة للي يفقدة من سوائل وفيتامنيات وهذا اسمة وصورتة مولتي فيتامين اسمة وراح اخلي صورتة الج

في انواع منة هذا النوع فوق العمر 3 سنين بس عادي انا الصيدلالنية عطتة لابني وهو سنتين ونص وفي فوك السنة وفي نوع في حديد انا ابني عندة نقص حديد واخذتة الة واحد فوق 6 سنين وفي حديد قالت المفروض خاشوكة كل يوم انتي عطي نص خاشوكة

 

[مروج الصحاري]

الله يحفظ عيالنا كلنا

بكلمك عن طريقه تعلمتها بلندن

شوفي عطيه مثلا 3 ارقام حليب وانطري 3 ساعات وعطيه بس 3 ارقام عشان ماتنترس معدته ويرجع

صدقيني تنجح معاه التجربه

وبعدين طولي بالك ولا تصارخين عليه ولا تتمللين

وربك كريم

والترجيع زين خل يتخلص من الاشياء الضاره

وحطي له صدقه لله

شربيه قفشه من منقوع المره كل يوم وشوفي

 

[كاليفورنيا]

ولدي عمره سنه ونص


ومشكورين خواتي ماقصرتوا

 

[الرها]

بنتي نفس الحاله
اقسم بالله احيانا ودي اذبحها مااااتصيرر نظيفه وريحتها خااايسه
مستحييييييل تجلس البدله عليها ساااااعه لالازم ابدل لها من كثر التررجيع
وعطيتها اعشاب وغيرت حليبها وسويت لها اشعه على مدخل المعده
واشعه تلفزيونيه والحمدلله كل شئ زين
قالو لي اذا فطمتيها بتخف

بس تكمل سنه ان شاء الله بفطمها