ولدي والروضه.........

[ابتسمامه]

السلاااااااااااااااااااااااااااااام عليكــــــــــــــــــــــــم





ولدي ان شاء الله بيروح اولى روضه حكومه واللي محيرني انه في بعض الكلمات ما يعرف ينطقها عدل بعطيكم امثال

اثنين يقولها (شنتين) زعلان (جعلان) وحرف الطاء قبل يقولها تاء بس الحين اشوى يقولها عدل

اي وبعد ما يعرف كل الالون واساميهم ويعرف يعد للخمسه ...وباقيله شهرين ويكمل 4 سنوات


امهات عفيه الجهال اللي بسنه جذي كلامهم ....اخاف باجر يروح للروضه ويتطنزون عيله>> تعرفون سوالف الجهال


وسلامتكم...........

 

[ابتسمامه]

وينكم امهات اولى روضه

لاتستهينون بموضوعي :0bee2e8d89:

 

[قسي قلبك تعيش]

ماحاولتي تعلمينه النطق مسكتيه درستيه والجهال بالروضه مايعرفون بس كل جاهل وشطارته

 

[nhz99]

حتى انا ولدي يبى يروح الروضه بس مدرسه إنجليزيه وعادى حتى انا ولدى مايعرف يقول الكلام عدل والارقام بس يعرف الانجليزى ويغلط فيهم بس للعشر بس عادى حبيبتى ترى الاغلبيه جذيه وبعدين مع المدرسه ومساعدتج بالبيت يصير انشالله اوكي بس لاتخرعينه وتضغطين عليه كونى عادى وانشالله الله يوفقهم ونشوفهم دكاتره بس قولى الله يعيناعلى اول يوم دراسه
:nbvppw:

 

[ابتسمامه]

اميييييييييين يارب يارب يوفقهم ويعينا
وانا بالعكس ما اضغط عليه احس اني مهملته من ناحية التعليم والنطق ...ان شاء الله سهالات

 

[ولدي احلاهم]

رد : ولدي والروضه.........

عادي حبوبه في اطفال عندنا بالروضه ماينطقون عدل مع ا لوقت يتعلمون

 

[ابتسمامه]

اشوه الحمدلله طمنتيني يعطيج العافيه يا ابله

 

[FJ style]

عندي وحدة من بناتي بتروح اولى ابنتدائي ولي الحين تغلط شوي بالكلمات

ترى كل طفل عن طفل يفرق بالقدرات
بس يبيلهم مجابل

 

[زلابيا]

حبيبتي عادي لا يضيق خلقج

وايد اطفال اب عمره مايعرفون يتكلمون اصلا

وحتى الاخصائي يمكن ما يستقبله لأن بيقولج هذا شي عادي مع الوقت والكلام راح يتعدل

 

[غرشة عطر]

ياحلوج انتي وولدج هذي انا وولدي قاعده اقول لابوه ياربي اشلون بيروح الروضه وكلامه مومفهوم وكبر ولدج ماكمل ال4 سنوات بس حنا متعودين نفس اخوه قبله تكلم بثاني روضه خخخخ
ولدي كوره (كووه) جوتي وانتوا بكرامه (دوتي)روضه (ووضه) دشداشه(دشاشه)حبيبي (ابيبي)<<هذي يقولها لي جيت باطلع ويبي يروح معاي وانا رافضه فيقول ماما حبيبي ههههههههههه مصلحجي
عادي ياقلبي مصيره بيتكلم بس ياحلو الكلام علي السانهم يهبلللللل تدرين ولدي مايقول اسمه يقول بس أبودي يعني عبودي ولايعرف اسم ابوه ولا عايلته تقولين مقطوع من شجره يالبيه ههههههههههههههههههههه
يوم سافرنا بالصيف كاتبه علي ايده بقلم حبر اسمه كامل والعايله والكويت بعد لووووووول ورقم ابوه خاف يضيع ياختي <<<<دايم تفكر لي بعدين هههههههههههه
حرف الراء منعدم عنه وحرف الطاء الباء يقولها أ
اشرايج لاتكلموا نسوي لهم عزيمه ههههههههههههههههه حفلة شوي السان الخروف هههههههههههههههههههههههههههههههههههههههههههههههههه

 

[ابتسمامه]

يمال العافيه بنات طمنتوا قلبي على وليدي

غرشه عطر اي والله صاجه ياحلو كلامهم :s142: والله يخليلج عبودي ويبلغج فيه معرس يارب

 

[افراحي]

عادي حبيبتي انا بنتي ثانيه روضه وللحين ماتعرف تكلم عدل...وماتعرف تقول مثلا حقج ابيج احبج ...لا تقول حقس ابيس احبس

ول بعد صارت تغني دعايه شوجي اللي تقول لو احبج لو اموت فيج بس عاد سمعيها من بنتي تفطس من الضحك....

 

[DốǾốDї]

عاادي حبيبتي
انا بعد اختي بتدش اولى روضه ولا تسمعينها لما تتحجى لووووووووول
شعميه يعني جمعيه
مو شوكلج يعني مو شغلج
لوده يعني روضه وبنت خالتي كبرها تقول يوده لوووووول ويفهمون لبعض
كل اليهااال جذي