ولدي والعناد

[ام فاطمة وزهراء]

هلا خواتي .. أنا عندي مشكلة وايد متعبتني جداً لدرجة أني مؤ قادرة أنام كله افكر في حل لمشكلتي وهي عناد ولدي وعدم سماع الكلام اللي أوجه اليه
متعبتني في تربيته أبدا مايسمع الكلام استخدمت اسلوب التطنيش ما فاد وحاولت أعامله بحزم هم مافاد وما احب الضرب وهو عمر 3 سنوات و9 شهور اكبر إخوانه وعندي توائم بنات عمرهم سنه و 9 شهور ولدي يروح الروضة في كيجي 1 طفل ذكي ما شاءالله واجتماعي والكل يحبه بس في البيت غير وأبوه كلش ما تعجبني طريقته في تربية ابني كل فترة يشتري له العاب وانا افضل اسلوب الثواب والعقاب بس زوجي الله يهديه اما يصرخ عليه وساعات يضربه او يدلعه !!
المشكله اشلون إربي ابني تربيه سليمة واشلون اعلمه الالتزام والطاعه وكيف اقنع زوجي ان يكون معاي في تربية ولدنا وماهي الأخطاء اللي لازم اتجنبها حتي لا أقع في نفس الخطأ مع بناتي
مع العلم أني اقرأ وأحاول اطبق و أحاول بكل قوة أني امسك أعصابي وما أعصب علي ولدي يعاند في الأكل والدراسة
يقولون يغار من خواته بس أنا ما افرق واعامله معامله خاصه واهتم فيه بس المشكله صارت خارج السيطرة يعاند وما يسمع كلامي أبدا ولين طلعنا طبعا الطلعة تتحول الي شجار وصياح ونرجع البيت لاهو استمتع بالطلعه ولا إحنا وتالي سلسله من المشاحنات بيني وبين زوجي بسبب ولدي
خواتي في حل حق مشكلتي ... ساعدوني .

 

[om deaj]

انتي عاملي ولدج بالطريقة الي تريحج وحاولي ماتنشغلين عنه بخواته عشان لا يزيد الغيرة وتتطلع بشكل عناد
انتي شكلج عنيدة شوي خفي وتنازلي عن موقفج وخليه يحس انه هو سيد الموقف بس مو بالغلط طبعا

الازواج اغلبنا نعاني منهم وانا ريلي نفس الشي تقريبا كله يقولي انتي تقسين عليه وايد
بس الحمدلله ولدي يحبني ويدافع عني جدام ابوه
انا اكلمه واعامله كانه كبير

تخيلي امس اصرخ عليه يقولي لاتصرخين علي بعدين انا اصارخ عليج جان اقصر نبرة صوتي لانه فعلا وايد اصارخ

 

[ام فاطمة وزهراء]

انتي عاملي ولدج بالطريقة الي تريحج وحاولي ماتنشغلين عنه بخواته عشان لا يزيد الغيرة وتتطلع بشكل عناد
انتي شكلج عنيدة شوي خفي وتنازلي عن موقفج وخليه يحس انه هو سيد الموقف بس مو بالغلط طبعا

الازواج اغلبنا نعاني منهم وانا ريلي نفس الشي تقريبا كله يقولي انتي تقسين عليه وايد
بس الحمدلله ولدي يحبني ويدافع عني جدام ابوه
انا اكلمه واعامله كانه كبير

تخيلي امس اصرخ عليه يقولي لاتصرخين علي بعدين انا اصارخ عليج جان اقصر نبرة صوتي لانه فعلا وايد اصارخ

كلامج صح أختي بس أنا أحاول قد المستطاع ان اخفف من عصبيتي بس ابي ولدي يكون مطيع وهادي خصوصا لما نطلع ولا مرة استمتعت بالطلعه

 

[Q8_QT]

ه
حبيبتي مشكلة ولدج تقريبا نفس مشكلتي مع ولدي بس ولدي تكبر من ولدج بأولى ابتدائي وريلي بعد مايتفق وياي
اذا ولدج عنده طاقة ليش ماتشركينه بنادي عشان بفرغ طاقته آنا مشركة ولدي سباحة والحين بدخله قرآن
وممكنتسوين معاه اتفاق انه ينفذ شغله معينة وكوني واضحة وحددي لج سلوك معين تبين يسويه ولي كلمتيه خلي كلامج واضح ومحدد واذا نفذ هالشي تكافئينه باي شي تشوفينه مناسب والله يعينج ويعينا معاج

 

[ام فاطمة وزهراء]

شكرًا خواتي علي الردود

 

[كارلوفي فاري]

انا عانيت من هالمشكله بولدي وللاسف مازلت اعاني وهالشي اثر على دراسته ومستقبله واللحين هو وصل سابع متوسط ووصل فيه العناد لحد عدم استيعاب اي كلام ينقال له لدرجه تقولين هذا غبي وهو بالاصح يستعبط. وهالشي ياحبيبتي ماجى من فراغ والاسباب كانت

اول شي اختلاف التوجيهات بيني وبين ابوه .انا شديده حيييل عليه والاب متجاهله واحيانا دلع واغلب الاحيان ضرب وبالاصح فترة عمره لي ٨ سنوات ماكان يدري عنه وكنت اشكى له كثير وكان يعتبرني مضخمه الامور
ثاني شي التشديد الزايد على الولد وكان في بالي اني باخليه واعلمه احسن تربيته فكنت احرمة من اي شي ممكن ياثر على تربيته من كثير اشياء اللي هو اللعب الفوضوي والاكل اللي مو منتظم واللعب خلي اقول الشيطاني اللي احنه نقول شطانه لانه هو حرك زياده فانا كنت احبس طاقته. وطبعا هالشي غلط وللاسف كنت اسمع كلام كثير في وجهات النظر بتربية ولدي
ثالثا كنت كله حاكرته واحيانا امنعه من الخروج من الشقه علشان مايختلط في احد ممكن يفسد تربيته وهالشي كان من اكثر السلبيات اللي سويتها ولا كان ذابحني السنع ماابي ولدي يخرب وعفس في بيت الحموله
رابعا وهو الخطر دلع جدته له وتعصيته علينا برفضها اي شي نقول له فهالشي خلا ولدى ينظر لنا اننا مصدر تعاسه له
خامسا حرمانه من اشياء كثيره بسبيل مبدأ العقاب وكان بالمقابل الاولاد اللي بمعمره كل شي ياخذون حتى لو كانوا مو ماشين صح
وووووو الخ
يعني لو باعدد ماراح اخلص وفوق كل هذا انه ولد بين بنات

المهم اللحين اللي باوصل له معاج
ولدج تجاهلي عناده لانه هو يسوي جذي علشان يلفت انتباهج ويبي يتحكم فيج
ثاني شي اذا الابو تكلم او قال اي شي لا تعارضينه قدام ولدج واتفقي مع زوجج مع اي شي يخصه بينج وبينه علشان الولد مايتشتت في مساله المسموح له والممنوع
ثالثا عطيه ثقة بنفسه وانه هو شي مهم في البيت وانك تقدر تسوي اشياء حلوه ومفيده
رابعا لا تحسسينه انج مهتمه فيه اكثر من خواته بالعكس دائما خليه مع خواته وان اللي يغلط راح يزعلني سواء هو او خواته
خامسا لا تحكرين حريته ولا تمنعينه عن اللعب اللي يحب وعطيه فرصه بتفريغ الطاقه عنده
سادسا قللي من النواهي والتعليمات ولاتضغطينه وخصوصا وانتوا طالعين ترا الظاهر من كثر مو خايفين انه يفشلكم زهقتوه حياته فيعاندكم . يوباا ما عليييكم من الناس انا شنفعوني الناس لما كنت ابي ولدى الطفل المثالي بالاخير اللحين الكل يعيب عليه وعلى فشله بدراسته وهم كانوا بالاساس اولادهم فوضويين ومن تشوفين تصرفاتهم تقولين مو صاحيين وبالخير هم ماشاالله تبارك الرحمن
سابعا والاهم ابتعدوا عن الطق المبرح ولا تستخدمونه كعقاب. ترا العقاب يكفي بخزة بالعين او تحميقه بالوجه وتزعلين عليه وتتجاهلينه وتحرمينه الشي اللي هو يحبه لانج انتي كنتي مخليته على كيفه
ولدي لما كنت شديده معاه وحارمته كل شي يحبه لما كنت باعاقبه مايهمه ابدا لانه بنظره هو خسران كل شي واللحين لو بنطقه هو يستانس لانه يدري انه بجذي يحرق قلوبنا
اتمنى اني افدتج من واقع تجربتي والله يهدي ولدج وادعي لولدي بالهدايه وانا اللحين فعلا ضاقت فيني السبل ماني عارف شلون اصحح الالاعوجاج اللي بيدي سويته. وناويه انزل موضوع وابي تجارب الخوات معاي