ولدي والمغص والغازات والتمطط

[غلبانه]

بنات ولدي يتمطط كثير ليما يصير وجهه احمررررررر
يحزنني تقولون غازات بس مافي امساك الحمدلله يسوي كل يوم مره
خايفه عليه امس شريت له ققطره حق الغازات اسمها ديفلات وجربتها يرتاح شوي وينام وبعد مايخلص مفعوله يرجع تاني اخاف مو غازات ويكون فيه شي
اليوم قريت بماء اذكار وايات التحصين وحطيت له بالرضاعه وشربته شوي خايفه عليه
اللي عندها خبره تفيديني

انا لي والده 15 يوم وللدت قيصري

انتظركم

 

[ورود خذلتها العاصفه]

لاتحاتيين ياقلبي
هاذي تقلصات تجي لبعض الجهال

بس انتي استمري بالدوا هاذا حطي 10 نقط مع نص مللي ماي غريب وحوسيهم مع بعض وعطيه هالدوا عجيب انا كنت. داشه بقولج علييه

والله يحفظه يااارب

 

[غلبانه]

جزاك الله خير
ربي يطمنك وبنتظر باقي البنات يطمنوني اكثر

تعرفين بكريه وخايفه عليه

 

[فتون777]

حبيبتي حتئ انا ولدي حبيبي تم علئ هالحال لين صار عمره اربع شهور
بس في الشهرين الاولئ مره كان يتعب مسكين
عطيته الدوا الي اعطيتيه ولدك بس يسكت شوي وخلاص يرجع يبكي مره ثانته
رحت لدكتوره ثانيه وكتبتله علئ قطرات ثانيه اسمها سالينال
خواتي ناسبهم النوع الاول بس ولدي مسكين كانت حالته صعبه
وانا مستحيل يخلص من عندي هذا الدوا
اعطيه واسدحه علئ بطنه
يرتاح ؤينام
بس انتي لازم تساعدينه
شيليه وطبطبي علئ بطنه من ورئ يعني من ظهره
اصبري وشيليه عشر دقايق
راح تساعدينه كثير
والله ولدي ماكان يسكت لين صار يبكي وانا ابكي معاه
قعدت في النفاس خمسه واربعين يوم
ماكنت اخلي احد يمسكه غيري
كنت اخاف لمن ارجع بيتي ما اعرف اتصرف معاه
ورجعت بيتي ما كان ينومني اتم صاحيه من الظهر لين الساعه تسع الصباح
واروح عند امي كل يوم تمسكه وانا انام اربع ساعات واصحئ ويبدا المشوار
بس الحمدلله الحين كبر وصار ثمانيه شهور
الله يعينك

 

[غلبانه]

صدقتي والله مايسكت غير معي مع الكل يبكي

والنوم ماصرت انام تخيلي تعب الولاده والنفاس وضيوف وهم مافي نوم

الله يعيني بس

الحين اكتب وانا مسدحته على بطنه واطبطب عليه

 

[فتون777]

والله ادري تعب بس مسكين هو يتعب اكثر
بس يهبلون بهالعمر
فديت اصابعهم وعيونهم الصغيره
الله يخليه لك

 

[غلبانه]

امين ويخلي لك اللي عندك
تسلمين ياقلبي

 

[فتون777]

ضيوف هههههههههاي تدرين انا محد جا نفاسي عير ام زوجي وخالتي اخت امي وبيت واحد من جيراننا
مع اني بكريه
بس خرجت من النفاس شوفي كيف صارو يجون الناس عشان خواتي ثنتين ولدو معي بنفس الشهر انا يوم 1 ووحده يوم18ووحده يوم23
شوفي اول ماينام ولدك نامي
قفلي النور وخلي لمبه صغيره هاديه ونامي
عشان لمن يصحئ يبكي يكون فيك شده

 

[غلبانه]

والله انا يجون ضيوف تقريبا يوميا بس امس محد جا
شكلي على قولتك بطفي النور وبنام لي شوي على مايصحى ويقعد يبكي

مشكوره حبيبتي

 

[زينانه]

عادي التغمط والحن والغازات للبيبي
تحمليها اول 4 شهور بعضهم تخف اول شهرين وبعضهم تزيد عن اربعه اشهر
عطيه ماي غريب مرتين باليوم صبح وليل
وقطره اسمها قاز وديستتفلاي حلو

او مغلي الكمون

 

[روعة خيال]

ترى هالشي وايد عادي لا تحاتين صج راح تتعذبين بس اجر لج

عطيه صدرج ترى وايد زين حليب الام مو بس للامساك

بعد للغازات بس انتي حاولي تبتعدين عن الغازيات

و شربي كمون و زعتر عشان ينتقل للبيبي عن طريق الحليب

 

[جديده 1]

اختي طفي مكيف الغرفه لمده ساعه و ييبي زيت زيتون دافي مو حار و سوي مساج عالخفيف على بطنها عكس عقارب الساعه باليوم مره عالاقل ..

ييبي كراويه مع ينسون مع حبه حلوه حطي من كل نوع ملعقه شاي بمطاره و صبي عليهم ماي حار و خلي ينقع .. و كل يوم شربيه مره او مرتين و تحلينه بسكر نبات و بكل مره على حسب شكثر يرضع مثل الحليب .. و هم سمعت ان مغلي النعناع زين ..

و عندج ادويه مثل gas عشر قطرات مره وحده باليوم مع الحليب ..

وبجذي امورج بتكون بالتمام ان شاء الله لان الاشياء اللي فوق ماتشيل الغازات لان مهما تسوين راح يكون فيه غازات ل 4 شهور عمره هذا طبيعي بسبب الحليب و ان جسمه ماتعود عليه و لكن الاشياء اللي فوق تخفف منه بشكل كبير ..

 

[manoooram]

حبيبتي حمدالله على سلامتج ومبروك ما ياج
ترى هذا حال كل الرضع لا تحاتين
عطيه ماي غريب .. وفي دوا ينعطى بالقطارة يخفف الغازات ممم بالصيدلية تلقينه نسيت اسمه

 

[~جودي~]

عطيه يانسووووووون ويصير طيب

 

[ام خدود ورديه]

عطيه بونيسان هملايا وبمبي غاز والله يعينج

 

[ام الحلوااات]

بــنــتــي الــكــبــيـــره كــانــت جــذي ونــصــحــنـــــي طـــبــيــب اعـــطــــيــهـــا اخـــررضـــعــــه بــااللـــيــــل رضـــعـــة يــــانــــســــون والــحـــمــــدللــــه جــــااابـــت نتــيــجـــــــه مــعــــاهـــا​

 

[miss mama]

جربي دوا المغص infacol ومل يوم قبل لاينام عطيه رضعه ينسون وكموون. وحطي عشر نقط من دووو وا الغاز. معاهم هذي طريقة مع ولدي والحمدلله أريح من قبل. ماينااام واذا نام يطلع اصوات مزعجه لا هو ارتاح ولا انا ارتحت اقوم كل شوووي من احلى نوومه وكل شوي وانا واقفه عند راسه اشيله لمن ينام. باختصار بهذلنييييييييييييييي. واذا استعسرررررر مالح الا تسبحينه هني عاد يغط بالنوومه.

 

[ابلة مبتسمة]

حبيبتي نصيحة اعطيه الحليب في ممية دكتور براون احسن من الممية العادية

ترا تخفف الغازات شوي

عطيه ماي غريب

ترا احسن من هالادوية

اذا تقدرين تسوين له اعشاب تريح بطنه

 

[انصاريه قمره]

ما يشوووف شر وعادي حبي كل اليهال جذي
وترى غثيتيني شحقااااا موعدته عالشيييييييييييييل لا تصيرين نفسي تندمين انا حالفه يمين البيبي اللي ياي بالطريج 24 ساعه بسريره بس ياخذ حليبته وحفاظته نظيفه وينحط بالسرير وما راح اخلي احد يشيله يعوده عالشيل صراحه بناتي تعبوني بالاربعين عودتهم عالشيل وتعالي شوفي التعب

 

[ريم لبنان]

اختي نصيحة في قطرة بالصيدلية اسما ريستروبينال انا بنتي هلأ صار عمرا 7 اشهر ولهلأ بعدني بعطيا منا