ولدي وزنه مو طبيعي

[layan2007]

السلام عليكم كويتيات
بغيت اسألكم عن ولدي عمره سبع شهور وزنه 9,5 كيلو احس انه اكثر من الوزن الطبيعي
اخاف تستمر زيادة الوزن معاه علطول :yaaaaaarb: اشلون ممكن احافظ على وزنه

وجزاكم الله خير​

 

[@ام يوسف@]

رد : ولدي وزنه مو طبيعي

الله يخليه لج وزنه عادي لعدى السنه يضعف

 

[layan2007]

جزاج الله خير اختي ام يوسف على الرد
تقول الدكتورة وزنه اكثر من الطبيعي بكيلوين ونص وانا خايفة يزيد اكثر وياثر علية بعدين

 

[الأميرة كيرارا]

حبيبتي الله يخليه لج
روحي الدكتورة ريم قنواتي في انترناشونال كلينك و استشيريها
و حاولي ما تعطينه سوالف الي فيها دهون وسكريات

 

[*ماي الورد*]

اجسام الاطفال تعتبر وراثية يمكن طالع على احد من العايلة
و فيه انواع من الحليب سعراتها عالية تسمن مثل سميلاك

 

[ZajiL]

ماشاء الله تبارك الرحمن
الله يحفظه

 

[وردجوري]

احس عادي وزنه مو كثير .... الله يخليه لك يارب

 

[لومية]

حبيبتي وزن ولدج طبيعي سمله عليه مافيه الا العافية لاتخافين الياهل اول مايبدى يمشي بروحه يضعف

 

[noynoy]

مشالله عليه
عادي يكون الفرق عن الطبيعي كيلوين ثلاثه
انا بنتي اكثر من الطبيعي بكيلو و لما شافها الدكتور قال جدا عادي
بس نصحني اقطع عنه السناك اللي قبل حليبه بالليل عشان ما يزيد وزنها بشكل اوفر

 

[ماريا 1986]

ولدي عمره 5شهور ونص ..ووزنه 9 كيلو ..بس الدكتوره قالت ليي عادي ..اللحين ما ينحكم على الوزن ..

 

[mafio98]

عادي اختي لاتحاتين وزنه الحمد الله مو وايد زياد وراح تلاحظين راح يضعف وايد اذا بده تسنين واذا بدى يمشي

 

[Beverly Hills]

ترا طبيعي وبالسنه بيضعف مع الحركه

 

[om al ghaleen]

ماشاءاللهً. حبيبتي عادي باجر لامشى ان شاءالله بتروح عافيته
ولاتحطين في بالج جسمه حرام اهو ياهل

 

[فديتهااا]

انا خمس شهور ووزنها ٥ كيلوووو

 

[layan2007]

جزاكم الله خير خواتي
أنا اللي مخوفني انه غير عن اخوانه كلهم في عمره عادي وزنهم
وحليبه سميلاك يعني اغير حليبه احسن

 

[مدمنة ككاو]

حبيبتي اسم الله عليه الله يحفظه

يكبر وتشوفينه من حركته يفش

 

[MmlO7h~]

رد : ولدي وزنه مو طبيعي

عادي كل اكثر الجهال سمااان بالعمر هذا وبعد مايمشي يقل وزنه لاتخاافين

 

[غنوة ستايل]

عادي ياقلبي
تبارك الرحمن
انا ولدي بالسادس اول السادس وكان 10 كيلو ترا عادي
واتوقع الحين اكثر من 12 كيلو وهو بالسابع ترا عااادي
ثاني شي لا تنسين انتي اصلا لما ولدتيه جم كان وزنه

يعني لا تقارنين بينه وبين غيره من الرضع . لان في حريم تولد على 2 كيلو وفي 2 ونص وفي نفسي تبارك الرحمن 3.700 كيلو يعني عااادي

 

[غنوة ستايل]

اي ولا تنسين باجر لو مشي كله يروح
وهذا يسمونه دهن الحليب الخدود والزوايد كلها تروووح صدقيني ..
انا شوف عيني بنت اختي متبتبه مني لي 9 شهور بعدين بدت تنحف بشكل مو طبيعي مع الحركه ومحاولات المشي
ومع الاكل العادي تصير ما تشتهي الحليب . تبي اكل . وتضعف

 

[دندونه@@@]

الله يهدي الدكاتره ذبحونا بتعليقاتهم وكلامهم اللي ما منه فايده:eh_s(14): حبيبتي انا مثلج رحت اطهر ولدي وقالي الدكتور وزنه زايد 4 كيلو عن الطبيعي خففي عنه الحليب علشان يضعف وكان عمره اربع اشهر سبب لي رعب بعد ما عطاني محاضره ما لها نهايه ....رحت لدكتور ثاني وقلت له كلام الاول ضحك علي وقالي شنو تتوقعين من الحليب الصناعي غير انه ينفخ عيالنا ومن يبدا الولد يمشي اتوقع تجيني تدورين شي يسمنه لانه كل اللي تشوفينه راح يختفي من يبدا ياكل ويمشي..."وقعلا من كبر ولدي وكمل السنه ما تشوفين الا عصاقل تركض يمين ويسار وما ينفع فيه الاكل دامه يتحرك ويلعب ويمشي..لا تحاتين واهتمي بالبيبي ولا تهتمين لكلام الدكتوره كل شي طبيعي دام الطفل بصحه وعافيه احمدي ربج ولا تلعبين بالبيبي مع الدكاتره تراهم ما يتغشمرون يسوون من الحبه قبه