ولدي وش سوو بولد الجيران

[كيم بنت مناحي]

السلام عليكم ببداء بالموضوع على طول
تخيلو يا بنات الصبح تتدق عليك جارتك اللي هي مثل اختك وبينكم ميانه وعشرة عمر وتقولك ان ولدها ياها يبجي ويقول لها ان ولدي من زمان ييه ويسوي معاه ذاك الشي وكم مره انا احس الدنيا دارت فيني ولدي محترم وما لاحظت عليه شي من هالحركات المهم ان جارتي كانت ثقيله وتقول السالفه وهي متماسكه ماشاء الله عليها يابنات انا بغيت انهبل يوم دريت ان ولدي مسوي كذا في ولدها وشلون هي ,ياعمري الصراحه كبرت في عيني اللحين ابي منك تعطوني رايكم وش اسوي مع ولدي وبصراحه احس بنار في قلبي كيف هي اللي ولدها الوحيد وصغير ياقو قلبها طبعا انا واجهت ولدي وقال مستعد احلف بالقران وتراني اعتبره زي اخواني ,بس اكيد ولدي بجذب لان ولد جارتي ياهل ويذكر كل شي صار له مع ولدي احيان اصدق ولدي واحيان اصدق ولدها المهم يابنات عطوني رايكم واخاف على عيالي الصغارمنه وبصراحه بديت اصدق ولد جارتي من الصور والبلاوي اللي في موبايل ولدي الله يلعن اللي ورد البي بي كل الوساخه وقلة الحياء منه قولو لي وش اسوي مع جارتي ووش اسوي مع ولدي
تكفون ادعو ان الله يستر علينا وعلى ولد جارتي والمسلمين اجمعين :yaaaaaarb:
تكفون تفاعلو معي مااقدر افضفض لاحد من ذا السافه اللي تفشل

 

[عبالي حبيبي]

اسال الله يعينك

ماعندي ادنى فكره بس استشيري مختصين بهالامر اتصلي تلفون

عسى الله يعينك المهم الولد لازم يتعاقب بطريقه ماتسبب له انتكاسه نفسيه

ولازم تكثفون عليه التوعيه الدينيه ومدى حرمة هالشي الي يسويه

عسى الله يهديه ويفرج همج

 

[solitude]

ابووه وين ؟
اذا موجود لازم يتدخل اذا ماوقفتوه عند حده بيتمادى اكثر والله يستر
استغفري وتصدقي بنية ان الله يهدي ولدج
والله يعيينج ويهديه*

 

[ياغفور اغفر لي]

جم عمر ولدج

ولازم تبلغين ابوووووه لاتسكتين هالشي ماينسكت عليه


اسال الله العزيز العظيم القادر ع كل شي ان يهدي ولدج ويجعله من الذرية الصالحة *

 

[sosowaty]

والله مال ذبح و اخذي التلفون منه

الله يستر و اهو صغير يفكر بهالاشيا عيل لو كبر شبيسوي

و يوم عرفتي انه تلفونه فيه بلاوي ليش ما سحبتيه منه

ترا حرام انتي راح تتحاسبين باجر ع كل شغله يسويها

 

[بنت الأجوااد]

الله يعينج على هالمصيبه

علاج ولدج المسجد ايه والله


حاولى خلى ابوه ياخذه المسجد

مصيبه هالبلاوى بالانتر نت اذا طلعتى شغله بتشوفينها الا طلع لج اثنين بشكل مقرف ويشجعون على هلواط

اذا الواحد ماكان الرادع من نفسه ماينفع اذا قدامه ماراح يعمل هالشي ومن وراج عادى

الله المستعان

 

[حجيه هيونه]

ياكبرها عند الله

ولدج اكيد مراهق

خلي ابوه يمسكه ويجابله وانتي اعتذري لجارتج والله يكون بعونج

 

[كيم بنت مناحي]

الله يجزاكم خير وبيض الله وجهيكم
ولدي مراهق بالثانويه
ولا تنسونا من دعائكم وباخذ من ارائكم القيمه
ومشكوررررين
الله يستركم ويسترنا بستره
امين

 

[shai5at al3arab]

مسسسسكي ولدج

ولا يختلط مع ولد يارتج

 

[بطوووطة$بيضة]

واااي انا صار اباخوي الصغير جذي قطيعه ولد جيرانه ايي بيتنا ويفصخ سرواله جدام اخوي ليما اخوي قال حق امي ....وامي دقت على جارتنا وسفلت فيها وقالتلها والله اييب الشرطه حق عيالج...والام تسال ولدها ويقولها لا ماسويت وتقول حق امي الولد يقول ماسوى .....يعني اكيد ابينكر ....قطيعه مسكو عيالكم ربوهم اييييبون عشرة ويقطونهم بالشارع ....

 

[فوفو البنوته]

شوفي اخذي ولدج على صوب وقولي له انت قلت انك مستعد تحلف على القران صح؟ تدري انك اذا حلفت مو نفس الحلف العادي 3 ايام صيام وخلاص ما تروح النار؟ تره هاذي المسئله صج ما فيه منها توبه وجم يوم صيام ولا اطعام مسكين

وقولي له هذا يزاي يوم حسبتك قد المسؤولية عبالك ما ادري عن البيبي والي فيه؟
تره انا عارفه وساكته وقاعده ادعي ربي يهديك اخر شي بعد ما عطيتك مسؤولية تسوي جذي؟ ترضاها ان جارتنا بينا وبينها عشره عمر تتصل علي تقولي ولدي يسوي جذي؟ ترضاها علي انا امك؟ ترضاها على تربيتي لك؟

شوي شوي كملي معاه وبيحس بتأنيب الضمير وبيتادب ويعرف الي سواه غلط وحلفيه على القران والله يهديه ويستر عليه ويرحم كل المسلمين الاحياء منهم والاموات

 

[دلوعة صلوح]

لا حول ولا قوة الا بالله ..

الله يعينج ويهدى لج يارب العالمين.

 

[ام داليا07]

شوفي اخذي ولدج على صوب وقولي له انت قلت انك مستعد تحلف على القران صح؟ تدري انك اذا حلفت مو نفس الحلف العادي 3 ايام صيام وخلاص ما تروح النار؟ تره هاذي المسئله صج ما فيه منها توبه وجم يوم صيام ولا اطعام مسكين

وقولي له هذا يزاي يوم حسبتك قد المسؤولية عبالك ما ادري عن البيبي والي فيه؟
تره انا عارفه وساكته وقاعده ادعي ربي يهديك اخر شي بعد ما عطيتك مسؤولية تسوي جذي؟ ترضاها ان جارتنا بينا وبينها عشره عمر تتصل علي تقولي ولدي يسوي جذي؟ ترضاها علي انا امك؟ ترضاها على تربيتي لك؟

شوي شوي كملي معاه وبيحس بتأنيب الضمير وبيتادب ويعرف الي سواه غلط وحلفيه على القران والله يهديه ويستر عليه ويرحم كل المسلمين الاحياء منهم والاموات

انا معاها في كل كلمه قالتها اتخذي مع ولدج اسلوب التخويف ولازم ابوه يدري بالموضوع ترى الموضوع جايد ولا تهاونين فيه وبيني له خطوره الموضوع
الله يهديه لج

 

[جلكسيه اس 3]

اخذي منه البلاك بيري و عاقبيه عن الطلعه
شنوووو حتى لو مراهق اشدعوا مااااكو ايمان فيه لو واحد باللاميه

عموما الله يهديه بس اذا خليتيه على كيفه مبين راح يزيد

 

[ZaiN Kw]

امسسسسسكييييييه وكوفنية ولا علمي أبوة عشان يتأدب قبل لايكبببر وتكبر سوالفه
راقبيييييه وحاسبيه لاتتركينه بهواه / بدال لا يخالط الصبيان قووليله اقرأ قران ولا ذاكر ولا العب كرة - المهم عطية اوامرر يمنعه من مخالطتهم*

 

[مُخملْ]

حبيبتي ، ولدجْ كم عمره ؟
انتي مُحاسبة على هالولدْ ، كيفْ تعطينه مبآيل ولابتوب
ونت وكل شي يبغيه وعقب تقولينْ آخترب الولد وانحرف تفكيره
وكله من هالتقنيآت!!!

العيب مب فالتقنياتْ !! العيب من التربية نفسها ! هذا شي ماتقدرين تمنعين الوَلَدْ منه ، ترآه يطلع
يشوف ربعه والناسْ ، آذآ ماغلط جدآمجْ بيغلط من ورآج وتراه لي بغى يخترب مابيتريآ توفروله شي
بيغلطْ باي طريقة كانت ل.سبب: انجْ مازرعتي الخوف من الله بنفسه من صغير ، كيف تتريينه فجأة يكبر
ويتعلمْ ان هذا صح وهذا حرام وو ؟ هذا شي ينغرس فالياهل من هو صغير ويستشعر فيها رقابه الله!.

.

خليه ابوهْ يكلمه ويفهمه ان هالشي غلطْ ويترتب عليه وايد امور .. وفهموه كيف يستخدم التقنيات استخدامها
الصحيح، خليه ياخذه وياه على كل صلآه .، كلموه بامور الدين وعاقبة اللي يسوي هالشي ، فهالحاله مابيفيد
وياه الا الترهيب والتخويف... الله يهديج بس لو انجْ من قبل تعرفين ان في صور مب زينه في مبايله ولاكانه
شي صاير ولاا كلمتيه حتى ، خافي الله في عيالجْ شوي واهتمي فيهم ..

​

الله يهديج ويسخرلج اياهم ويخليلج عيالجْ ويهديهم ويصلحهمْ ويوفقهم لكل خير

​

 

[* Snow White *]

حرااام لما يكبر ولد جيرانكم راح ينحرف للشذوذ استغفرالله الله لايقوله
ولدج جم عمره؟ مادري شلون ماعندي اي فكره، الله يهديه

 

[* Snow White *]

اهممممم شييييي انه بالثنويه ولدج توني اقرا!!!
استغفرالله يعني يعرف يميز بين الصح والغلط
الله يهديه بس!! هذا طق .. حرام اللي سواه بالياهل والله، ضيع مستقبله مسكين
مادري شقولج، الله لايبلانا

 

[jourii]

كونه مراهق بالثانويه المفروض ما تعطونه راحته
خصوصاً هالمرحله بالذات وهل عندج علم منو ربعه منو يرافج بالمدرسه ؟
تعرفين أهلهم ؟.. طريقة تربيتهم ؟
الولد بهالعمر لازم ينمسك و ينطق اذا عنده اخوان كبار خل يقضبونه عدل
و يشوفون منو ربعه
و التلفون سحبوه منه
و لا تخلينه يطلع على كيفه حطيله حدود و ضبطيه
ترا إذا ما انضبط بهالمرحله راح يصير من سيء لأسوء
ولازم تراقبون تصرفاته ترا هذا مراهق ممكن يسوي كل شي
و ياليت تقوين الوازع الديني عنده

بالنهايه أسأل الله أن يهديه و يستر على الجميع إن شاءالله

تقبلي مروري حبيبتي

 

[ربي محتاجتك]

واااااي الله يعين ولد ييرانكم وروحي تعذري من امه وطيحي علا راسها اللي سواه ولدج مو هين ويمكن هالشي راح يدمر مستقبل المسكين ولازم يعالجون الياهل لااااااااازم خل يودونه طبيب نفسي وانتي تكفلي اب علاجه عشان اغلب المنحرفين تعرضو للاعتداء وهم صغار عور قلبي الياهل اه بس
وما يندرا سوا جذي بمنو غير ولد ييرانج الله يهديه ويعينه علا دعواتهم
ام اليهل مبين طيبة والله لو احد ماني جان ير ولدج من مخفر لي مخفر
وولدج سوري عالكلمة لازم يتربا من يد ويديد اللي قعد يسويه لواااط تعرفين يعني شنو هالشي واهوا باالغ وتدرين شنو عقابه عند ربج اللي يسوي جذي يقتل سحبي منه الفون وقولي لابوه لازم يتدخل لازم لازم
يوم القيامة ربي بيحاسبج عليه دامج شفتي بلاو ي اللي بفونه
وخليه من المدرسة للبيت للمسيد غيره لا مبين اهوا مرافج ناس فاسدة لا حول ولا قوة الا بالله واكيد صار مثلهم الله يعينج عليه
حاولي تقوية عنده الوازع الديني عشان مبين ما عنده اي وازع
موضوعج واااااااايد كبير
الله يهديه ويستر عليه ويبعد عنا هالناس
اي وقولي له الدنيا دين واللي سواه بالمسكين الياهل هذا باجر ممكن يتسوا باخوانه او عياله الله يمهل ولا يهمل
وديري بالج علا عيالج الصغار هذيل امانة برقبتج ديري بالج عليهم والله ينخاف من اللي جذي