ولدي و المصاصة

[mul-berry]

هاي بنات اشلونكم ,بنات انا ماني عارفة شسوي مع ولدي هو عمره سنه وسبع شهور صارلي قاطعة المصاصة عنه5ايام و هو صاير حيل مستعسر بس يحن و يبجي حيل تغير و امي قلبها يعورها عليه تقول ردي عطيه و انا اقول لا بنطر اخرتها راح ينسى بس هو كل يوم لازم يطلبها مني و انا اقوله ماما انته قطيتها بالزباله تكرمون وصاير عسر معاي حتى مايبيني امسكه كله على لسانه كلمة لا و بس يبجي ما ادري شسوي:eh_s(11):

 

[الحلى والنور]

حرام مبجر قاطعتها توه صغير

انا بناتي بس حزة النوم اعطيهم لما يصير اعمارهم سنتين ونص اقطعها

اذايبنامون احطهم بحضني واسولف معاهم لما ينامون ​

 

[Om 3zo0oz_2011]

رد : ولدي و المصاصة

شووفي
فيه دوا بالصيدليه مر سألي الصيدلاني عنه بس مايضر للبيبي حطيه بالمصاصه يوم يومين راح يكره المصاصه من نفسه

 

[مــ_ــا مــ_ــي]

انا عيالي من سنه اقطعها .. بس اذا بجى اعطيه حليب .. يرضع بدال المص اللي على الفاضي .. واذا تنح يبيها غصب .. حطي بالمصاصه مره مطحونه او اي شي حامض يلوع الجبد عشان يكرها

 

[om janoona]

رد : ولدي و المصاصة

اي والله حبيبتي حتى انا بعد ابي اقطع بنتي عن المصاصة اللي ما لها فايدة
و لازم تمصمص فيها قبل النوم واذا ما عطيتها تستعسر و تبجي
ما ادري شسوي ابي اقطع المصاصة عنها

 

[الفنانة لؤلؤة]

انا عيالي من سنه اقطعها .. بس اذا بجى اعطيه حليب .. يرضع بدال المص اللي على الفاضي .. واذا تنح يبيها غصب .. حطي بالمصاصه مره مطحونه او اي شي حامض يلوع الجبد عشان يكرها

100% معاها :rerrerek:
وصبري زيادة حبيبتي أسبوع،، في يهال يطولون شوي،، ولا يكسر خاطرج وتعطينه مرة ثانية ترى ما راح تقدرين تقطعينها كلش لأن ولدج راح يعرف نقطة ضعفج _03BA:
آنا ولدي خذاله 10 أيام تقريبا على ما قطعها،، وحطيت له الدوا المر من الصيدلية والحمد الله إفتكيت من المصاصة وبلاويها

 

[ZajiL]

الله يعينج انا مااقطعها الا لمه يكمل البيبي سنتين
وبس اعطيه اياه وقت النوم مو طول الوقت
مادري شقولج نطري بعد جم يوم دام صارلج 5 ايام مره بينساها :gr4uu:

 

[موجة ~ بحر]

انا قطعت المصاصه عن ولدي عمره 5 شهور تأذيت معاه بس يومين

 

[موجة ~ بحر]

انا قطعت المصاصه عن ولدي عمره ٥ شهور تأذيت معاه بس يومين

 

[mul-berry]

مشكورين حبيباتي انشاء الله بروح اشتري الدوا من الصيدلية و اجرب
عاد اليوم رحت بيت امي و طبعا اهو استنفار بس يحن على ايشي امي عصبت و راحت يابتله المصاصه اخذها منها وحطها بحلجه شوي اقل من دقيقه و ردعطاها حق امي و قعد طول الوقت يلعب و مستانس و ما طلبها كلش الا قبل لا ينام طلبها و قلتله انا ما عندي سكت و اخذ رضعته

 

[أم عنوبي]

مشكورين حبيباتي انشاء الله بروح اشتري الدوا من الصيدلية و اجرب
عاد اليوم رحت بيت امي و طبعا اهو استنفار بس يحن على ايشي امي عصبت و راحت يابتله المصاصه اخذها منها وحطها بحلجه شوي اقل من دقيقه و ردعطاها حق امي و قعد طول الوقت يلعب و مستانس و ما طلبها كلش الا قبل لا ينام طلبها و قلتله انا ما عندي سكت و اخذ رضعته

هههههه ياحليله ربي يحفظه يارب
أنا نفس حالتج ولدي عمره سنه و شهرين بلشت بالمصاصه معاه وعمره 5 شهور وبالغصب علمته عليها :080402ask_prv: لا تسئلوني ليش علمتيه عليها لأن جوابي محرج لي :wqedqw:
وحاليا مو مفكره أقطع المصاصه عنه شكله عجبني فيها ههههه
وان شاءالله أستفيد من تجاربكم

 

[Om_3bady]

وااااااااي حالتي نفس حالتكم
ولدي عبودي ربي يحفظه عمره سنتين وشهرين حاولت اقطع عنه المصاصه بس ماكووو فايده حنه وبجي وماكوو نوم

خلاص بروح اشتري الدوا المر من الصيدليه عشان يقطعها ولا هالحنه معاه طووول الليل _03ba:​

 

[um_yoyo]

رد : ولدي و المصاصة

عقبال ولدي عمره 4 سنوات

 

[أم منصـ 85 ـور]

رد : ولدي و المصاصة

مو من صجكم انا ٦ شهور اقطها وبنتي هذي حبيبتي من ٣ شهور قطعتها سمعيني حبيبتي هاتي المصاصه وقصي نصها بمقص وعطي اياها راح يستغرب ويبجي قولي هذي المصاصه مو انت تبيها صدقيني يومين وبيقطها من نفسه والله يعينج حبيبتي وبعدين حرام لا يطولون بالمصاصه تاذي الاسنان ببداية نموها

 

[ديانا سبنسر]

ولدي عمره سنة وشهر وابياقطعها اخاف تخرب سنونه خصوصا اللي فوق متفرقة

 

[Om.Zayed]

رد : ولدي و المصاصة

عيل انا ولدي قطعها يوم عمره ٥ شهور وانا الا ابي اردها لانها بصراحه مريحه وتهدي الياهل بدال لا يبجي

 

[mul-berry]

ام عبودي حبيبتي ربي يحفظلج اياه و تشوفينه معرس يارب
و يسلوا بنات على ردودكم و حلولكم لي و احب ابشركم ولدي حبيبي قطعها بس يكسر خاطري بين فترة و فترة يذكرها و يقول ماما مصاصه يع اقوله اي ماما يع و اضحك احسه متحسف عليها حبيبي

 

[dlo3trylha]

رد : ولدي و المصاصة

الفااال لنا انا بنتي عمرها سنتين او نص ما تخليها ماباجي مره ولا ماي الطرشي او حطيتها ماكو فايده وان خشيتها
خشيتها لاتاكل ولاشي طول اليوم ومااقدر عليها فاعطيها تعبت والله ضروسها تفرقت او بليل اتسويلنا مناااحه
تعور قلبي مادري شسوي عطوني افكار :krkrkr:
بلييييييييز

 

[mul-berry]

شوفي حبيبتي انا ابوه قاله بابا هذي المصاصه وصخة روح قطها تكرمين بالزباله و الله راح قطها و خذيته و طلعت سيده ما طولت و بالليل طلبها قلتله انت الي قطيتها ما عندي صج تاذيت وايد معاه استعسر حيل بس الحمد الله هالاسبوع وايد احسن

 

[أم فطومـه :)]

رد : ولدي و المصاصة

آنا بعد استفدت منكم : )
يعطيكم العآفيه