ولدي يتشنج ..

[اشتاق]

بسم الله الرحمن الرحيم


والصلاة على النبي ..
اللهم صلي وسلم عليه ,,





بنات اللي تعرف عن التشنج اتفيديني ابقولكم من البدايه



ولدي اول بيبي لي البجر ربي يحفظه ويشافيه يارب


بدت حالته من عمره شهرين
تشنج من غير سبب ولا شي
وكان عند امي
تقول كنت توني مرضعته ومافي الا العافيه فجاه قلب لونه وصار اسود وراح النسم منه ودته المستوصف عقبها بالسعاف حق مسشتفى مبارك

وانا ماكنت اعرف عن التشنج شي حتا امي اول مره تشوف هالموقف

واحنا بالطبيب خذو من تحليل ولا ساعتين عقب التشنج الاول صارله الثاني وكان بحضني

اه يا بنات والله شعور الله لا يوريكم الحمدلله ع كل حال يارب

وعقبها بعد بساعتين تشنج

(( وحالت التشنج لما تجيه اول شي ايتنح عقبها يقلب لونه وعيونه ماتروح فوق حيل عادي مرات تروح مرات لا بس اتبين يعني وعقبها تتتحرك ايده ورجوله بشكل عكسي يفرها وعقبها يتعب وينام ..

عقبها عطوه ابره بالوريد دوااا ونمنا بالطبيب اسبوع وعطوه مضاد حيوي حق شنو مادري

تخيلوو سوله تحاليل وقالولي ابرة ظهر وانا رفضت لانه مافي حراره ولا حتا داخليه

بنات مافي شي ولدي بس تششنج من غير سبب

خذوله اشعات كل شي سويته والحمدلله مافي الا العافيه

بس من شنو هالتشنج مادري قالولي عين واقري عليه

قالولي احد فزت عينه عليه من الحليب يمكن

و قلت يمكن وتخيلي غيرت حليب ولدي اكثر من عشر انواع
تعبت وياه بس الحمدلله كل حال \\


ومن عقب هالتشنج طلعت من طبيب ما صارلي اسبوع وردينااا لانه تشنج


عطوني دواا ماجاب اي نتيجه وياه

وندخل الطبيب ينومونه يومين وعقبها نطلع وعلى هالحال كل اسبوع ندخل الطبيب

ويغيرون دواه ونطلع والحين عمره سبع اشهور اسم الله عليه من كمل ست شهور صارت تجيه كل اسبوعين والحمدلله يارب


حالات التشنج الي تجيه البدايه كانت ثلاث مرات بالييوم يتشنج

عقبها بسبوع خمس مرات باليوم


عقبهاااا قامت تتكرر اكثر لين وصلت 11 مره ويعطونه دوا بالوريد عقبها يتشنج مره بس اخف من الي قبها

وبنسبه لوقت التشنج مرات دقيقه الى دقيقه ونص الى دقيقتين ((((((((((((


لما يتشنج <<<<
يتنح اول شي
عقبها يتغير لونه
ويفقد النسم
ويتغير لونه
ويحرك ايده ورجوله
وعقبها ينام

انا يمكن ما قلت كل شي بس هذ اللي قدرت اقوله وبختصار


تكفون الي ولدها ولا احد يصيرلها جذي اتفيدني وتطمن قلبي


يقولون فيه اطفال يتشنجون ولما يكبرون يروح عنهم

وان شاء الله ولدي يارب يروح منه ويعافيه لي سبحانه



وتسلمون فديتكم \\

 

[أو عبوش]

اقري عليه الله يشافيه لج بنتي بس مره تشنجت بس كان فيها حراره

يقولون اللي يتشنج حطيه تحت ماي الدوش بسرعه عشان يرد نفسه

 

[bambena]

وديه لدكتور مازن العيسى

 

[iLLuMinaTion]

uppppppppppp

 

[Q8NONA]

سويتي حقه تحليل دم حق الحديد والكالسيوم + فيتامين د ؟
لانه اسباب التشنج نقص بالكالسيوم والحديد الي من اسبابه نقص فى فيتنامين د
وانتي تقولين انه مافيه حراره فاتاكدي من النتيجه بالفحص عليه وراح ياخذون من تحليل دم
بالنسبه لتحليل الكالسيوم راح يطلع معاج بنفس الوقت اما فيتامين د راح يطول معاج ونتيجته بعد شهر
وانشاءالله يتشافي ... وطمنينا عليه بعد النتايج

 

[سوسن1980]

حبيبتي لازم تشوفين شنو سبب التشنج اللي اعرفه ان التشنج بسبب الحراره وكل مايكبر الطفل يخف عنه لين يروح الله يشافي ولدك

 

[حلوه ولمآحه]

حبيبتي شوفي يمكن عندها التهاب بالبول او الكلى >>يسبب تشنج
وهل المستشفى سوا لها تحليل للمتلازمات ؟؟

 

[أحب الصدق وأعمل به]

الله يشافيه يارب ويريح قلبج عليه شوفي وديه الشرقاوي للي بالجهراء دكتور شاطر وانشالله يعرف حالته بنت اختي من كملت 6 اشهر بناها حاله واهي نايمه باليل ماكو نفس وتقلب عيونا تسويلها تنفس صناعي بس ما تحرك ايدينها المهم سوت تحاليل وتخطيط مخ ورنين الحمدلله سليمه وراحت حق دكتور الشرقاوي عطلها ادويه وقالها اذا كل تحاليها سليمه مافيها شي وراحت حق دكتور انف وأذن وحنجره وهذا شاطر حيل بمركز عنايه قالها بنتج فيها مخاط بخشمها وفي بعض اليهال يختنقون فيه وقام يسويلها كل اسبوع تنظيف يدخل بايب بخشمها ويطلع الوصخ تكرمين والحمدلله الله يتمم عليها راح منها ماشالله والحين ما فيها الا العافيه وكملت سنه تبارك الله انشالله ولدج فتره وتعدي سويله تخطيط مخ يبين شنو فيه والله بشفيه انشالله

 

[saratee]

الله يشافيه لج ويعافيه انشالله

 

[" ام حمود "]

الله يشافيه ياارب

 

[ام ميميتو]

لا اله الا الله اسم الله عليه بصراحه عورتي قلبي انا اول مره اسمع عن تشنج بيبي صغير بس تعودي كل يوم بليل قبل ما تنامين تقرين عليه و ما انصج تسكتين عن الموضوع

 

[*ريما*]

الله يشافية لك

 

[happydays]

الله يشفيه يا رب

انا ولدي كان يتشنج بس مع السخونه

 

[حرم بدر]

الله يشافيه لج يارب يارب

انا عيالي فيهم تشنج حراري بس الحمد لله كل واحد مره وحده صارلتله بس اهمه وراثه من الابو

يعنى لو ترتفع الحراره تشنجوا

بس انتى اكيد في سبب اخاف الدم ما يوصل للمخ او شى مو معقوله اكثر من 7 مرات باليوم ومو عارفين السبب ؟؟

اهم شى كثري الاستغفار والتصدق بنية الشفاء لوليدج وعسى يارب تقر عينج بصحته يارب

 

[سآق نملة]

الله يشافيه ويخليه لج يارب ..

ولد اخوي يتشنج والتشنج بسبب حراره داخلية ..

اذا تشنج خليه عالارض صوب الهواء خليه يشم الاكسججين فتحي الدرايش والابواب ..

واهو بتتحرك اعضاء جسسمه عكسي انتي حاولي تساعدينه انها ماتتحرك اعضاء جسمه عكسي بس بشووويش لا تشديدن علييه اهم شي يكون ع جنبه اليمين و ما تضايقوونه خلوه الهوا يهف عليه ..

هذي حالة ولد اخوي الله يشافيهم ..

 

[أحبج يمه]

يا حياتي اسم الله عليه

وديه اقري عليه ولا تسكتين عن حالته وديه حق كذا دكتووور لين تعرفين شنو فيه

الله يشافيه ويطمن قلبج عليه

 

[Al shaikha 1]

الله يشافيهم ان شالله
بس اقري عليه وتصدقي استغفري بهالنيه
ولازم تشوفين السبب عشان تاخذون حذركم
وتعرفون تتعاملون معاه
ربي يشفيه

 

[Mrs_s3doun]

سلام عليكم
حاله ولدج نفسها بالضبط صارت مع ولد اختي وكان عمره سنه توه بدا يمشي
تخيلي مافيه شي مره وحده يووقف اذا مثلا كان قاعد يلعب
ييوقف ويتنح وايده يوديها لي ورا ويطييح واول مره طلع من زباد شوي ساعات ما يطلع وعيونه تروح لي ورا لما يبدي يتشنج

اول مره صارت فيه ما كان في احد بالبيت اختي الصغيره وخدامته الخدامه من الخرعه راحت الشارع تشووف احد من الجيران وصج واحد من ييرانا اخذه على طول اقرب مستوصف وبالمستوصف قالولنا ولدكم مافيه شي نااايم وينام يناااام
وبعدين قالو لاختي هالتشنج يصير فيه لما يكون مسخن واول مره ترا مافيه شي لا مسخن ولا شي وبس تكرر هالموقف مع الولد يمكن 4 مرات واختي قامت تقرا علييه والحمدالله عمره الحين 4 سنين الحمدالله ما ردت له الحاله
انتي لا تحااتين واقري علييه وهذا شي اتوقع بس يصير فيه واهو صغيرر والله يشافيه يارب انا خالته والله قلبي كان يتقطع الله يعنيج انتي وانتي امه
طولت علييج وقرقت وايد بس ابي اطمنج

 

[Joy close]

الله يشافيه يارب

 

[Mrs_s3doun]

Up up up up
عشان الباجي يساعدوووووووووووووونج