ولدي يضرب راسه بالارض!!!!

[ام سمعان]

السلام عليكم ورحمه الله
اني جديده على المنتدى
عندي ولد عمره سنه ونص
وكثيرا يضرب نفسه او يضرب راسه بالارض

تعبت معاااه
سال ناس وايد قالو لي السب هو يمكن من قنوات الاطفال
نفس كراميش وطيور الجنه
لو بدلت ليه بالقران احسن
والحين بديت وياااه

بس \في احد صار معاه نفسي وشو الحل .؟

 

[m6181]

هلا اختي انا اعاني نفس مشكلتج وتوني حاطه الموضوووع ولدي عمره سنتين
ونفس ماقلتي يشووووف قنوات الاطفال طيور الجنه بالذات تهقين لها علاقه؟؟؟

 

[الرها]

بنتي الكبيره الحين عمرها 5 سنوات
ولما كان عمرها سنتين كانت تضرب رااسها بطااوله حديد
وجبتها كاانت حمراااا من كثر الضرب والله وكان عندي موعد مع الطبيب اللي يعالجها
وسالته وقال ان في اطفال يحبوون يلفتوون الانتباه باي طرررريقه حتى لو هالشئ يأذيه
بس انه يلفت انتباه اللي حووله ويقوول والله في حاالات ان الطفل يغمى عليه من كثر ما يضرب راااسه
وانا موجوده عنده سوووت نفس الحرركه ضرربت رااسها براااسي بقووووووووووووووووه قالي شفتي
لان احنا نتكلم ومحد منتبه لها وهي تبي تلفت انتبهاناااا

وللعلم ماكاانت تطاالع تلفززيوون ولالا قنوات الاطفال لانه ما كان عندي تلفززيوون يعني موشرط يكون من افلام الكارتوون​

 

[الجمال عنواني]

سلام خواتي انا اكثر من مرة اسمع لقاء مع دكاترة ولما يتكلامون عن اعراض التوحد وهذا واحد من اعراض التوحد أن الطفل يضرب راسه باللأرض .. فتأكدي من الاعراض احسن والله يحفظ لج وليدج ويخليه لج :yaaaaaarb:

 

[hم حيدر]

عادي حبيبتي مثل ما قالت الاخت اليهال يحبون يلفتون النظر

انتي جربي تحقرينه انا ولدي جذي لمن كنت اروحله واذا ضل يطق اعصب كان يزيد

حقريه او عطيه شي لهيه وسوي روحج مو مهتمه

 

[جوري99]

نفس سالفة ولدى احسن شى حقريه ولا تهتمين ولا جنج تشوفينه مع الوقت يحس ما كو فايدة ومن كيفه يبطل هالحركات البايخة

 

[هيبة الطاووس]

حبيبتي كل اليهال يطقون راسهم بالأرض عيالنا كلهم جذي

مادري شنو السبب لما يعصبون يطقون روحهم بالأرض او

أي شيء لامرض توحد ولا بطيخ اسم الله عليهم

 

[ام سمعان]

انا يسوي هالحركه اذا حبسته في سريره اكثر شي
واذا اروح له اركض يحضني ويقول حبيبتييييي
اعتقد يمكن يبي يلفت الانتباه
بس بعد هالقنوات الي فيها طقطقه بعد تأثر فيهم وااايد

 

[مولاي الفرج]

امممممممممم بس سنه ونص صغير على انه يتأثر بالرسوم المتحركه

اتوقع بعمر الاربع سنين يبتدي يتأثر اذا شاف

يمكن اهو اسم الله عليه حركي زياده عن اللزوم بطبعه يعني شطانه يهال مواكثر عادي

واذا على سالفه التوحد ان شاءالله لا لان في اعراض ثانيه ان اهو جنه بعالم ثاني مايدري عن احد بس اهو طبيعي بس ان يطق راسه ان شاءالله طبيعي

 

[eli87]

انا بنتي لما كانت صغيره كانت جذي وايد عادي كل الياهال يسون جذي لاتحاتين بس حاولي تهتمين فيه اكثر من قبل يبي اهتمامج عشان جذي صاير عصبي

 

[قلبي القرآن]

انا بنتي جذي اطق راسها بالطوفه عمرها سنه وشهر
ولأن الطوفه عندي خشب فيطلع صوت
أول شي كانت اطق راسها وكنت اشيلها واقولها أح
بعدها استانست وكل ماشافتني اطق براسها واطالعني يعني شوفيني
ودريت انها تبي تلفت انتباهي فأطنشها والحين الحمدلله ماقامت اتسوي هالشي​

 

[همس الجنوب]

اختي شفت حلقه مع طارق الحبيب ام نفس مشكلتك وقال لاتخليه يعصب اذا بيدك

الحل واذا طلب شي مو قادره عليه وسوى ذي الحركه طنشيه واحقريه وكانك

ماتشوفينه .......

 

[Australia girl]

احتمال يكون في صداع او التهاب بالاذن