ولدي يطقني منو عندها خبره بالموضع تفيدني

[ab_q8]

الله يخليكم بنات ابي حل للمشكله هذي ولدي وحيدي عسى عمره طويل وعسى ربي يحفظه ويخليه لي عمره سنه وخمس شهور ذبحنا طق انا وابوه والله يابنات قطع شعري طرقات على ويهي انا وابوه ماني عارفه شلون اتصرف معاه ساعات ابجي ساعات اضحك بصراحه الطق يعور والله :eh_s(22): اللى مرت بالحاله هذي تفيدني يزاها اللى خير :eh_s(11):

 

[noynoy]

حطي بالنوتي كورنر لما يتوب بس لا تطقينه
و شوفي باليوتيوب سوبر ناني و طبقي طريقتها

 

[نـ(المطيري)ـازكـ]

اي اتذكر سوبر ناني عليها تعامل مع الاطفال روعه

شوفي يعني مثلا طقية ع ايده .. صدي عنة .. لا تعطينة وية .. مو كل شي يبية تعطينة ..

حاولي تعاقبينية مثلا حط له مكان خاص للعقاب << سوبر ناني تحط لج مثل الطوق الدائري وتقول له اذا سويت غلط بقعدك فية

صج الولد بيعاند بس تعبي وياه شوي عشان يتعدل .. بس طبعا العقاب لمده ربع او نص ساعه

وكل ماكرر الشغلة عاقبية ..

 

[Miss Cherry]

حبيبتي اهو يطقج لانه من اول مره طقج ضحكتيله .. حتى لو انه صغير اذا تعود مايحترمكم صعب بعدين تفرضين احترامج عليه والله نصيحة وانا تربوية وقبل هذا ام ومجربه


الحين خلج شديدة شوي معاه .. طق لا تطقين بس اذا طقج زفيه وازعلي عليه مره مرتين بيتعلم بس اذا ضحكتي صعبة تسيطرين عليه بعدين .. وانتي بنفس الوقت لا تنرفزينه عشان ما يطقج ههههههههههههههه يعني اكيد اهو يطق بسبب .. وانتي شجعيه اذا شفتيه تعدل شاطر فلان يحب امه good boy ههههههههههههههههههه متأثره بالافلام

 

[العيوووووف]

السلام عليكم

هلا حبيبتي شكلج ما عنج صبر الصغار يتعلمون من الكبار

اكيد انتي اللي علمتيه يطق لما يغلط وبدال لا تعلمينه علي طول اتعصبين

وطقينه بقلدج اكيد لما يعصب بيطق علميه بدون طق

وياويلج اذا صار فيه شي

الله يحفظه ويبارك فيه

​

 

[ام التاريخ]

الله يعينج

 

[حب الرّمان]

لمن يمد ايده لاتضحكون طقي علي ايده وقوليله عيييبي لا حرااام عرفتي ترا الياهل يفهم وخلي ابوو شوي يزفه وخلي يبووسج
وضحكيله وعطي حلااوه وكلمي ترا يفهم انا اسوي حق عيالي ’’’’’’ وعلمتهم الحين اسم الله عليهم 4 سنين اذا سسو شي غلط اقولهم قولو استغفر الله

 

[بيبي بدر]

الله يعينج عادي بس علميه ان هذا غلط او ازعلي منه عشان مايعودها ترا والله يفهم الجاهل

 

[ام ناصر 2009]

وااااي تفس ولدي ويطق ابوه اكثر شي وانا خايفه يكبر ويصير عادي عنده
عمره سنتين
واقول انطر شوي يكبر ويفهم والا من الحين اعلمه ما يطق