ولدي ينني بدع فينا شسوي فيه !!!

[HeSsaa]

السلام عليكم يا امهات

تكفون ياريت تساعدوني

ولدي اسمله عليه ميننا مأذينا على نومة الليل

تعود كل يوم بالليل يقعد علينا بجي و صراخ و حنه

الا شيلوني بنام يمكم

وانحطه بينا ترررفس و تشووت و تكفخ

وانا و الابو مانقدر انام من لوويته

والوضع بدا يتازززم مادري شسوي فيه

عمره سنه و 8 اشهر

حاولت احقره اكثر من مره ماكو فايده يسويلي مناحه

حطيت هدومي بفراشه ماكو فايده

تعوووووود .. مالحل (

 

[Nokia N95]

الله يعينج ....
حاولي تحطينه بالحباسة مع العابة و شغلي له dvd بالتلفزيون ... راح يدوخ و ينام

 

[AnA_NeYa]

لازم فيه حل حبيبتي ووخريه من الحين عنج قبل لا يصير عمره سنتين وثلاث

كلنا عيالنا بالبدايه جذي بس حقريه مالج شغل فيه

قعدي معاه بغرفته لين ينام واذا كلش كلش بابدايه خينام يمج ومن ينام شيليه وديه فراشه خليه لما يبطل عيونه يكون بفراشه مو كل ما بطل عينه لقاكم يمه

وهم بعد جربي تحقرينه اذا بجى صدقيني راح يتعب ويرد ينام اذا شاف ماكو رد فعل منكم

الله يعينج افففف مشكله انا عيالي اثنينهم ينامون بروحهم ومن زمان مو توا

 

[@الياسمين@]

الله يكون بالعون
والله انا نفس الحاله مع بنتي ..عمرها 3 سنوات
اهي كانت تنام بدارها طبعا بعساره وتفز تبجي بس ارد انومها
بس الحين صايره كلللش ماترضى وتقوم تبجي الا تبي تنام بينا
وانا عندي بيبي بو 6 اشهر فصايرنومي مأساااة
جان زين اشوف لها حل :0bee2e8d89:

 

[ونـــة خفوووق]

الله يعينكم صج معااناة

 

[بتبوتااا]

الحل كل ما نام يمكم وديه فراشه لمن يرضى بالامر الواقع تحملي شوي وبعدين بيتعود ياقلبي

 

[سوسو حبيبتى]

كل ما ينام جانبك شيليه وحطيه على سريرة

وحاولي تعلقيه بأى لعبه يحبها وتنام بحضنه

 

[حلاتي بندرة وجودي]

مشكوووووره حبيتي

 

[HeSsaa]

اذا نام بينا و شلته بفراشه يقووم يسويلي منااااحه لي الصبح
بحاو انومه عند امي بمكان غير عن مكانه يمكن الله يهديه !! ههههه

 

[noynoy]

انا سامعه الخليفي يجاوب على وحده عندها بنت نفس حاله ولدج
خليه يبجي يوم يومين ثلاثه لين يتعود
بتتعبين من البجي و تتأذين
بس بالاخير بترتاحين
و اذا عندج غرفه ثانيه عشان ريلج ينام فيها هاليومين عشان البجي ما راح ينام عدل

 

[manoooram]

الله يعينج يا قلبي حصونه
كل عيالي اسم الله عليهم يسوون هالحركة يفزعون بالليل يوم انهم صغار
وكنت كل شوي اشيله من فراشه واحطه بيني وبين ابوهم وكل ما نام اشيله ارده فراشه
وعسى ما حط راسه عالمخده الا بدا مسلسل البجي بعدها مليت ولاعت جبدي ووراي دوام الصبح
قمت اطنشه واحقره مره ومرتين وبعدها شاف ماكو أمل ان اشيله احترم نفسه ويرد ينام بروحه

 

[om MaRyooM]

امبي الله يعينج

صراحة مادري لأن انا بنتي اسمالله عليها من عمرها 4اشهر قطيتها بغرفتها

 

[* ملكني الخوف *]

الله يعينج اهو لازم تعودينه ان ينام بروحه مثل ماقالو البنات لازم تتعبين بالبدايه مافي شي بالساهل

 

[غيمه ظميانه]

عندنا وعندج خير

الله يهديهم ويصلح حالهم

 

[HeSsaa]

كل يوم انا و ريلي متناجرين بالليل بسبته ههههههههههههه

مسخرررنا والله

 

[!الجادل الصعب!]

انتي نفس حالتي
المشكله كان ينام بفراشه وعادي الوضع طبيعي
من كمل سنتين وحس اني حامل وفي بيبي وراحت خدامته
الي متعود عليها صار وضعي ماساوي !!
لااازق فيني والا ينام عندي
اشيله بنص الليل اوديه يرد يقعد ويجي
والمشكله بعد يبي رضعتين بالليل وماكان
يشرب الا رضعه
واذا ماعطيته وجه يحن ويزعل ويسوي مناحه !!!

 

[ام شيخوه]

طيب حطيلة سرير بغرفتج وخلية ينام معاكم حرام تتركينة بروحة صغير