ولدي 7 شهور وتعبان من الامساك :(

[LaBella]

السلام عليكم ورحمه الله وبركاته


ولدي عمره 7 شهور ومن بديت اوكله صار يعاني من الامساك .. يعني خروجه يابس حبيبي

سوري عالتفصيل بس مادري اوديه الطبيب ولا عادي ؟؟؟ لانه الاكل يسوي فيه جذي ؟؟

وهم معاه ارتجاع وقاعده استخدم له سميلاك غين كمفورت الوردي مو الازرق كان زين معاه بس من بدا ياكل احس بطنه كله يعوره واعليا


وماااا يحب الماي عيزت اشربه ما يستصيغه:eh_s(16):



ريوقه سيريلاك عيش

وغداه جزر وكوسه وقرع

كنت حاطه بطاط بس شلته لانه يقولون يسبب امساك بعد


وجزاكم الله خير :eh_s(17):

 

[ليمون ونعناع]

حبيبتي وقفي السيريلاك يعور البطن و الامعاء
عطيه اكل طبيعي يعني ريوق صفار البيض او فواكه او خضار او توست وجبن وسوي له عصاير طبيعيه بدون سكر او اضافات مثلا حطي رقي بالخلاط مع ماي وايد طعمه حلو وبارد او خوخ مع ماي ابلخلاط طبعا تشيلين القشر

وكملي باجي الاكل زين مافيه شي
في تحاميل بالمستوصف حق الامساك عشان لا يتعور او يبجي من الامساك
وسلامته وليدج

 

[ليمون ونعناع]

توني اشوف ان معاه ارتجاع قصدج يرجع?
لاتعطينه كل انواع الخضار مع بعض مخلوطه
كل اربع ايام عطيه نوع واحد وشوفي شنو اللي يخليه يرجع
احتمال القرع وقفيه اسبوع بعدين جربي عطيه واذا وقفا لتجيع معناته منه

 

[mannawy]

نصيحه
1 - قطعي السميلاك يلوع الجبد ويسوي امساك واذا مصره في خاص حق الامساك . انا جربت كذا نوع ومامشى مع ولدي الا البيبي لاك والحمدلله راح امساكه
2- لا توكلين سيريلاك عيش عالريج وكليه اي نوع ثاني عندج الفواكه او التمر والافضل اشياء طبيعيه
3- شربيه ماي بين الوجبات
4- انسي التحاميل كلش ولا تستخدمينهم من كيفج الا اذا صارله 5 ايام مايخرج
5- عندج الخيار ممتاز وبعد عندج الاراسيا نقعيها طول الليل بماي حار والصبح زليها وشربيها البيبي
6- اذا استمر بعد كل هذول اكو ايزيلاك بالصيدليه شراب طبيعي ممكن تعطينه 2.5 ml
والله يشافيه

 

[LaBella]

ليمون ونعناع

بعد عمري ماقصرتي والله بجرب ان شاءالله اللي قلتيه
اهو ممنوع عنه القمح والحمضيات مؤقتا

الارتجاع مو ترجيع لالا مثل الحموضه الحليب لما يشربه يصعد وينزل مسكين من انولد وهالشي معاه مادري قالي الدكتور احتمال كبير اذا كبر تروح منه

وسلامة قلبج مشكوره

 

[LaBella]

mannawy

عادي اغيرله الحليب فجأه ؟؟ من غير استشاره طبيب مثلا ؟؟ مو انا نيو ماما ومليت كل يوم راحه الطبيب عشان اسأله عاديه :s


الخيار شلون اوكله ؟؟

حياتي والله مشكووووووووووووووره عالنصايح :**

 

[*ماي الورد*]

اتوقع العلة بالحليب غيريه جربي نان و بترتاحين ان شالله
معروف السميلاك غازات و امساك و انا عن تجربتي الخاصة اقولج

 

[ليمون ونعناع]

اي عادي غيري الحليب
لان ولدج امساك وحالته حاله لين تشوفينه يرتاح على حليب ويتقبله يعني مايبجي وماكو اسهال ولا امساك و لا يبجي بعد الرضعه ويكمل حليبته كامله يعني مرتاح له عرفتي

 

[mafio98]

مايشوف شر ولدج
قطعي عنه الجزر لان يسبب امساك وعطيه اكثر شي الياف برتقال افندي والاراسيا وايد زينه حق الامساك جربي توكلينه اياها واذا ياكل روب حاولي توقفينه عالفنره لان يمسك البطن

 

[sa.rona]

حبيبتي ولدج جاله امساك من الاكل مو من الحليب مادام الحليب ماشي معاه عدل وماسبب له شي لا تغيرينه انا ولدي سيميلاك وشحلاته

الامساك من الاكل لانه المعده. ماتهضم عدل لانها ماتعودت هذي بدايه عادي

حبيبتي عشان يرتاح ولدج من الامساك سوي هالطريقه

اخذي كوب ماي حار وحطي فيه 7 تمرات ونقعيه لما يدفا الماي اخذي قفشه وهرسي التمر وبعدها اشخليه وشربي ولدج 6 ارقام ونطري ربع ساعه والا هو ان شاءالله مخرج اللي ببطنه كله وبيرتاح

انا مسويه هالطريقه لبنت اختي قبل امس وهي عمرها اسبوعين وطلعت اللي ببطنها كله وارتاحت المسكينه من الامساك

جربيها ترا احسن من التحاميل

 

[اناظرك وكلي حزن]

عطيه عصير برتقال مخفف بالماء

او عطيه ماي مع سكر نبات والله يشافيه

 

[توحه1]

موزه شخبارج شلون وليدج حبوبه انت مومنتضمه باكله ياماما مايعطون عيش من الصبح الريوق فالز مع حليب الضحه حليب والظهر الغدى(( الخضارالمهروسه))
العصر حليب المغرب منقوع التمراو عصيربرتقاله وحده اومبروش اي نوع فاكه تعطينه بالملعقه وقبل لاينام نومت الليل مميه حليب نضمي وترتاحين وبعد كل وجبه اوحليب شربيه ولو رقم ماي قصب وبس
والله يشافيه ويعافيه ومايشوف شر

 

[المكسيكيه]

مثل ماقالوا البنات

 

[LaBella]

ماي ورد , ليمون ونعناع , اناظرك وكلي حزن , المكسيكيه

حياتي عساكم ما تشوفون مكروه بغالي ماقصرتو



Mafio
وي وانا ازيد كميه الجزر عبالي زين
مشكووووره بقطعه عنه



sarona
اي والله كان الحليب معاه زين ومافيه شي بس دخلت الاكل صار الامساك معاه
حبيبتي ربي يطمن قلبج بجرب التمر ان شاءالله


توحه

هلا وغلا تتوووحه انا بخير الحمدالله انتي شلونج وشلون وليدج حبيبي :**** والله ولهت عليكم

وي حرام عليج حدي منتظمه بأكله , لالا ما اوكله عيش واعليا ياكل سيريلاك بس نوع عيش مو قمح

انا جدوله الله يسلمج

الصبح عالـ 7 حليب
الضحى العود يعني عالـ10 سيريلاك
الغدا خضار مشكل " جزر كوسه قرع
المغربيه حليب
قبل النوم حليب


المفروض ادخل فواكه بالعشا بس من شفت الامساك قلبي عورني وقفت نظامه

حبيبتي مشكوره

 

[توحه1]

لازم ماي وفواكهه عشان الامور تسلك

ولدي بخير والحمدالله
حبوبه طلي علينا لاتقاطعين كل الحبايب متجمعين حياج

 

[mannawy]

ارد واقولج قطعي السيميلاك ترا من اثقل انواع الحليب وانتي كيفج وعادي سوي التمر خليه ياكله بس الاهم قطعي السيميلاك.

ترا الحليب شويه اللي قاعده تعطينه خلي الحليب ثابت كل 3 او 4 ساعات وبين الحليب دخلي وجباتج

 

[mannawy]

بالنسبه للخيار حطيه بالخلاط ولدج حليو ياكل اي شي بس بالتدريج مره عطيه خيار بس تالي خلطيه مع شوية لبنه

لما يصير 8+ دخلي صفار البيض وخلطيه مع لبنه

اختاري لبنه بينار او اي لبنه فريش بس لازم مووو حامضه