ولد خالتي حلم فيني

[إماراتية ملقوفة]

السلام عليكم

اختي ضروري ابا تفسير هالحلم لاني احس انه متصل بالحلم اللي حلمته سابقا بتحصليينه ف موضوعي لاني حلمت في ولد خالتي قبل والحين هو حلم فيني !


يقول لي :

حلم انه كان بي بيتنا كالعادة لانه اخو اختي بالرضاعه وانا اتصلت فيه وقلت له : لاتي بيتنا ، فسألني: ليش؟ رديت عليه : عندنا خطّار لاتيي .. بس ماكان مقتنع بعدين قلت له هاك كلم اخوي فلان . ولما كلمه اول ما يا على باله انه ولد خالتي الثانية "جذي قالي" ، عقب لما بدا يتكلم وياه عرف انه مش صوت اخوي ولا ولد خالتي صوت ريال غريب وقال له : لاتي البيت .



انا مب متزوجة وملتزمة

وولد خالتي اخو اختي الكبيرة بالرضاعه حسبة اخوي


الحلم ما صار له كم يوم وغريب اني حلمت فيه ورد يحلم فيني بنفس الشهر !


بليز ابغي التفسيييييير واللهم اجعله خير

 

[مفسرة الاحلام]

اختي مافهمت عليك مافهمت بعض الكلمات فى لهجتك

-عندنا خطّار لاتيي ؟

-اخو اختي بالرضاعه ؟ يعني اخوك انتي ولا كيف ؟

 

[إماراتية ملقوفة]

عندنا خطار لاتيي يعني عندنا ضيوف لاتجي

هو ولد خالتي واخو لاختي الكبيرة بالرضاعه

انا اصغر عنهم بس ذكرت هالشي للعلم

 

[مفسرة الاحلام]

ان صدقت الرؤيا هو زواج لك من شخص قد يكون خارج نطاق عائلتكم