السلام عليكم بنات اتمنى تكونون بأفضل حال :eh_s(7):
راح ادخل على طول بمشكلتي ... و ياريت تعطوني رايكم و ماتبخلون علي لاني جد مقهوره على عمري :eh_s(2):
انا متزوجه من 6 سنين تقريبا و بيني و بين زوجي 10 سنين.. حزتها ولد زوجي عمره 8 سنين و
علاقتي معاه من احسن مايمكن و الناس يحسدونه علي... اعامله احسن من ولدي و اخذه معاي كل مكان. نفس الام مع ولدها. جابلته بدراسته لان مستواه ضعيف و حال حال ولدي بالملابس .. اللي اشتريه حق ولدي اشتريله نفس الشي و نفس الماركه ما ابخل عليه .. خذيته معاي بشهر العسل لان ماسافر و لا مره كسر خاطري ... فتحتله حساب توفير حاله حال ولدي .. كنت اوديه السوق بكل عيد ام يشتري حق امه هديه .. و هم بعيد ميلادها اوديه يشتريلها و بكل سفراتنا اقوله لازم تذكر امك بشي .. و كل هذا اسويه من ورا ابوه عشان لا يعصب ... لاني صج اعتبرته ولدي و وصلنا لمرحله يناديني يما .. بس عشان لا تزعل امه قتله ماله داعي
و غيرهم وايد اشياء مابي اطول عليكم :eh_s(17):
باختصار دلعته وااايد لدرجه طاحت الميانه بينا و قام ما يحترمني و يتعمد يطفرني. الحين صار عمره 14 سنه و اهوا بسن المراهقه و تعرفون هالعمر الصعب. تغيرت نبره صوته و صار ريال اطول مني .. المهم وايد مرات يكلمني بصوت عالي و شبه يصرخ علي و يم اخوانه (الحين صار عندي بنت وولد) .. و انا حدي اقوله عيب و احترمني... مره من المرات صرخ علي و كان وايد قريب من ويههي و عينه بعيني و يصرخ مو حاط لي اي اعتبار او احترام ,, انا لا ارادي عطيته كف لان صج بط جبدي و كل يوم تزيد وقاحته معاي .. المهم صار اللي ماكنت متخيلته يصير حتى باحلامي ... تخيلوا يا بنات مسكني حيل و قام يصرخ علي يقول ليش تطقيني ترى عادي اطقج .. اقوله هيي شوف انا منو شقاعد تسوي ... يصرخ بصوت اعلى انتي منووو انتي ولا شيي و عادي اطقج :eh_s(11)::krkrkr:
المهم الابو سمع الصراخ و تدخل. طبعا انا انهرت يومها و رحت بيت هلي مو قادره استوعب ان نسى كل اللي سويته له ...كان يصرخ و يقول انا ماحبها و اهيا مفروضه علي و اكرهها و غيرها كلمات تجرح .. وانا كنت معصبه بعد هم كنت اصرخ و اقوله انت مو متربي و جذي
االلي قاهرني ان السالفه صارلها شهر الحين و للحين ما يي اعتذر و حذف رقمي و سوالي بلوك بالواتس اب... يعني لغاني كلش من حياته. كنت متعوده عليه مثل الام مع ولدها و اذا راح حق امه بالويكند على طول اكلمه باليوم اكثر من مره. باختصار اني صج احبه و هالاشياء تصير عادي بين الام و عيالها .. بس اهوا ما اعتبرني مثل امه
مره امه قايلتلي انا اغار منج... احس انج خذتي مكاني
شسوي ساعدوني اهوا مو هامه شي و انا قاعده احترق ماقدر انزل من نفسي و اروح اكلمه .. ابي اهوا اللي اييني
راح ادخل على طول بمشكلتي ... و ياريت تعطوني رايكم و ماتبخلون علي لاني جد مقهوره على عمري :eh_s(2):
انا متزوجه من 6 سنين تقريبا و بيني و بين زوجي 10 سنين.. حزتها ولد زوجي عمره 8 سنين و
علاقتي معاه من احسن مايمكن و الناس يحسدونه علي... اعامله احسن من ولدي و اخذه معاي كل مكان. نفس الام مع ولدها. جابلته بدراسته لان مستواه ضعيف و حال حال ولدي بالملابس .. اللي اشتريه حق ولدي اشتريله نفس الشي و نفس الماركه ما ابخل عليه .. خذيته معاي بشهر العسل لان ماسافر و لا مره كسر خاطري ... فتحتله حساب توفير حاله حال ولدي .. كنت اوديه السوق بكل عيد ام يشتري حق امه هديه .. و هم بعيد ميلادها اوديه يشتريلها و بكل سفراتنا اقوله لازم تذكر امك بشي .. و كل هذا اسويه من ورا ابوه عشان لا يعصب ... لاني صج اعتبرته ولدي و وصلنا لمرحله يناديني يما .. بس عشان لا تزعل امه قتله ماله داعي
و غيرهم وايد اشياء مابي اطول عليكم :eh_s(17):
باختصار دلعته وااايد لدرجه طاحت الميانه بينا و قام ما يحترمني و يتعمد يطفرني. الحين صار عمره 14 سنه و اهوا بسن المراهقه و تعرفون هالعمر الصعب. تغيرت نبره صوته و صار ريال اطول مني .. المهم وايد مرات يكلمني بصوت عالي و شبه يصرخ علي و يم اخوانه (الحين صار عندي بنت وولد) .. و انا حدي اقوله عيب و احترمني... مره من المرات صرخ علي و كان وايد قريب من ويههي و عينه بعيني و يصرخ مو حاط لي اي اعتبار او احترام ,, انا لا ارادي عطيته كف لان صج بط جبدي و كل يوم تزيد وقاحته معاي .. المهم صار اللي ماكنت متخيلته يصير حتى باحلامي ... تخيلوا يا بنات مسكني حيل و قام يصرخ علي يقول ليش تطقيني ترى عادي اطقج .. اقوله هيي شوف انا منو شقاعد تسوي ... يصرخ بصوت اعلى انتي منووو انتي ولا شيي و عادي اطقج :eh_s(11)::krkrkr:
المهم الابو سمع الصراخ و تدخل. طبعا انا انهرت يومها و رحت بيت هلي مو قادره استوعب ان نسى كل اللي سويته له ...كان يصرخ و يقول انا ماحبها و اهيا مفروضه علي و اكرهها و غيرها كلمات تجرح .. وانا كنت معصبه بعد هم كنت اصرخ و اقوله انت مو متربي و جذي
االلي قاهرني ان السالفه صارلها شهر الحين و للحين ما يي اعتذر و حذف رقمي و سوالي بلوك بالواتس اب... يعني لغاني كلش من حياته. كنت متعوده عليه مثل الام مع ولدها و اذا راح حق امه بالويكند على طول اكلمه باليوم اكثر من مره. باختصار اني صج احبه و هالاشياء تصير عادي بين الام و عيالها .. بس اهوا ما اعتبرني مثل امه
مره امه قايلتلي انا اغار منج... احس انج خذتي مكاني
شسوي ساعدوني اهوا مو هامه شي و انا قاعده احترق ماقدر انزل من نفسي و اروح اكلمه .. ابي اهوا اللي اييني
