ولي يعافيكم شنو اكلات الطفل الرضيع

[إستبرق]

الســلام عليكم
بنات والي يعافيكم شنو توكلون الرضيع ولدي قريب الست اشهر ونسيت شنو كنت اوكل بنتي
واتذكر كان في البيض يا بياضه او صفاره مايصير قبل السنه
هيلب مي بلـيز 

 

[تولاي 2009]

هلا استبرق من اربع شهور ياكل اكل الاطفال الي نفس السميلاك ببس كرتون ويشرب عصيراما البيض مادري انا كنت اعطي عيالي حتى الارز الابيض بعد ست شهور ياكل كل شيء عادي واحسن توكلينه عشان يتعود على الاكل ومايستنكر الاكل

 

[sharoo_e5]

عصير برتقال وخصار مهروس والتفاح بعد

والبسكوت مال الاطفال

 

[إستبرق]

تولاي هلا حبيبتي مشكوره عالرد
بس انا حاليا بالاردن وهني اكل الاطفال المعلب ممنوع ماعندهم
والبيض لا من قبل الدكتور قال لي يا بياض او صفاره موزين لي عمر السنه اهو وابغسل وماتقصرين حبيبتي

 

[إستبرق]

شارو مشكوره يقلبي وماتقصرين

 

[منيرة خالد]

اذا اكل الاطفال عندهم ممنوع

اصنعي انتي اكل طفلج >>> عطيه بايده تمره او سوي منها عصير نقعي تمره بالماي وبعدها اشخليها وشربيه وعندج عصير التفاح زين للطفل

وسويله شاي حبة حلوه وينسون >> والبسكويت العادي حطي عليه حليب نص دسم ووكليه اياه

ومن الاكلات >> خضار مهروسه - جزر مع بطاط - جزر مع رز - طبعا اللحوم بعد 8 اشهر -

ملاحظه مهمه : لا تحطين بهار او ملح باكل الطفل ابداً لأنه الجزر حالي وطعم البطاط يستسيغه الطفل عادي


موووفقه

 

[إستبرق]

حبيبتي منيره مشكووره وماتقصرين يزاج الله خير 

 

[MyLittleBerry]

رد : ولي يعافيكم شنو اكلات الطفل الرضيع

بالنسبه للبيض تعطينه الصفار

انا اقولج ولدي شسويه

اقطع قرع - جزر - بطاط - كوسا - زهره - سبانخ

وعيش

عاد انتي كيفج شنو تبين تسوين مع بعض

وتحطينهم بجدر وماي تغلينهم لما يصير لين وترشين ملح

وتضربينه بالخلاطه

انا اسوي حق 3 ايام و احطه بالثلاجه

تقدرين تضيفين قطعة دياي ( اللحم ماينصحون فيه الاطباء )

--------------------------

بس لازم تنوعين في الاكل

يعني لازم تضيفين عنصر الفواكه

مثلا

موزه تشيلين قشره وحده وبالقفشه تحكين الموزه وتوكلينه


وبرتقال عصريله وشربيه شوي

والسيريلاك مفيد لان فيه عنصر القمح

وعصير الفواكه ملوت الاطفال ينباعون بالجمعيه

 

[noynoy]

بياض البيض ممنوع قبل السنه
عطيه روب مخلوط مه الفاكهه
عيش مفيوح مع الخظار
فواكهه مخلوطه مع بسكوت اليهال و جبن كيري
شوربه خظار انتي تسوينها
مهلبيه
سميد م التفاح
كويكر و فواكه و روب
بس طبعا كل شي بالتدريج و انتي نوعيليه

 

[*ماي الورد*]

رد : ولي يعافيكم شنو اكلات الطفل الرضيع

بالنسبه للبيض تعطينه الصفار

انا اقولج ولدي شسويه

اقطع قرع - جزر - بطاط - كوسا - زهره - سبانخ

وعيش

عاد انتي كيفج شنو تبين تسوين مع بعض

وتحطينهم بجدر وماي تغلينهم لما يصير لين وترشين ملح

وتضربينه بالخلاطه

انا اسوي حق 3 ايام و احطه بالثلاجه

تقدرين تضيفين قطعة دياي ( اللحم ماينصحون فيه الاطباء )

--------------------------

بس لازم تنوعين في الاكل

يعني لازم تضيفين عنصر الفواكه

مثلا

موزه تشيلين قشره وحده وبالقفشه تحكين الموزه وتوكلينه


وبرتقال عصريله وشربيه شوي

والسيريلاك مفيد لان فيه عنصر القمح

وعصير الفواكه ملوت الاطفال ينباعون بالجمعيه

نفسها

بس اوخر عن منتجات القمح لانها تسوي حساسية بالصدر الدكتورة حذرتني منها

 

[روان_الكويت]

التفاح فوحيه شويه بعدين اهرسيه
اشتري خلاط خاص لطعام الاطفال
وكتاب مال الفراشه موسوعه عن اكل الطفل من المولود لي 5 سنين
وعطيه خضار مثل بطاط وجزر وقفشه رز مصري احسن من العادي وفوحيه ولما يخلص حطيه بالخلاط واذا ثقيل خففيه بالماي مال الي فحتيه
فيه وغيري مره جزر وكوسا وقفشه رز وثاني يوم بطاط وبروكلي ورز ومره قرع وجزر ولا بطاط مع رز وره بازلاء نوعي عرفتي واذا كبر اكثر اخذي من ايدامكم وحطي معاه قطعه بالخلاط وطبعا لا تحطين ملح نهائيا

 

[روان_الكويت]

التفاح فوحيه شويه بعدين اهرسيه
اشتري خلاط خاص لطعام الاطفال
وكتاب مال الفراشه موسوعه عن اكل الطفل من المولود لي 5 سنين
وعطيه خضار مثل بطاط وجزر وقفشه رز مصري احسن من العادي وفوحيه ولما يخلص حطيه بالخلاط واذا ثقيل خففيه بالماي مال الي فحتيه
فيه وغيري مره جزر وكوسا وقفشه رز وثاني يوم بطاط وبروكلي ورز ومره قرع وجزر ولا بطاط مع رز وره بازلاء نوعي عرفتي واذا كبر اكثر اخذي من ايدامكم وحطي معاه قطعه بالخلاط وطبعا لا تحطين ملح نهائيا

 

[روان_الكويت]

الملح لا تحطينه نهائيا خصوصا بهالعمر لاني قاريه اشكثر عن كتب تغذيه الاطفال وسائله الدكاتره الملح مو زين للطفل سألي وتاكدي
ويصير تخزنينه وتثلجينه بس عن تجربه سوي فرش كل يوم بيومه اشتري جدر صغير للبيبي خاص له وسوي كميه شويه حق مره وحده بس
وانتي وكيفج انا شذي طريقتي والله يوفقج

 

[مدمنة ككاو]

عصير برتقال
هرسي له تفاحه
تمر نقعيه بشوية ماي دافي وهرسيه
عيش مطبوخ ومهروس
عرموط مهروس
خضار (بطاط جزر كوسا قرع) طبخيهم وخلطيهم بالخلاط

وبعد ال 8 شهور دخلي بالاكل جناح دجاج اوفخذ دجاج صبري عالبيبي لا تعطينه بيض الحين موزين يسوي حساسيه

 

[إستبرق]

صج مشكوورين وعلى راسي ويزاكم ربي كل خير وعافيه يارب
ماقصرتوا والله 