وناستنا في رشاقتنا (( الجزء الثالث ))

[مس يو]

يومياتي:

الريوق: حليب جاي + 2 بيض مقلي بشوية زيت زيتون وحطيت عليها جبن سلايس لايت وحده + وشوية سلطة + وخبزة .. ماكملت البيض والخبز بقى شويه منه..

 

[teenaa]

بناااااااااااااات مساؤ الخير شلونكم

انا خربطت لان احس الجو يوكل

انا الحمدلله وشكرا حق البنات الي سالوا عني وما قصرتواااا


انشالله من باجر ببلش رجيم طالب الشمري او الكورن فلكس

 

[Loving Stella]

السلام عليكم بنات شلونكم و شخباركم عسى الكل احواله بخير

اول شي ابارك للي نزلو بالاسابيع ومنها للأعلى ان شاء الله

انا بصراحه ودي اشكي همي لكم بصراحه من الخميس لي اليوم احس نفسي مو مضبوط .. الخميس العشا كان فري
اليمعه التزمت والله طول اليوم
السبت الصبح الريوق فري و باجي اليوم صاكه حلجي
و اليوم الاحد التزمت الصبح و عالغدا كليت عيش اسمر + سلطه + 2 توست و 2 بيض مسلوق +حلوم شوي بس مو بكميات كبيره اكلي كان مجزأ و نتفه نتفه بس والله احس مو مضبوط شغلي

و وزنت ولا زياده كيلو
مادري شسمه الي وصلت له عقب ما قربت من هدفي حسيت روحي قاعده انسحب لي ورا شوي شوي و انا مابي هالشي يصير لانه الي نزلته ماكان شهر او 3 شهور كملت تقريبا سنه ونص و انا من رجيم لي رجيم مع فترات اووف طبعا

والله والله اعزكم كلكم نفس خواتي و ابيكم تنصحوني شسوي نفسيتي هالايام مفتوحه للأكل خصوصا قبل المسعده بس هالمره بزوووده

الله يعين
نصايحكم بنات تكفون لا تخلوني ابي تجاربكم ولوسطرين

 

[angel_27r]

يومياتي
الغداء: شاي وحليب قليل الدسم مع سكر دايت+ كوب كورن فليكس الريجيم
العشاء:شاي وحليب قليل الدسم مع سكر دايت+ كوب كورن فليكس الريجيم
اكلت ملعقتين مكرونه
بس احس معدتي تون من الجوع
وفوق هذا ماانزل كثير
ايش رايكم بنات
لازم نعطوني رايكم
صاير التجمع مره مافي حماس

 

[Bs.ana]

صباح الليل :eh_s(6):

اشلونكم ياعسولااات ؟
اشلون الرجيم انشاءالله كل شي اوكي ؟؟

المنتدى طبعاً لا يطاق صاير اشدعوى مستخسرين فينا اسنعونه لوع جبودنا :eh_s(14):

المهم

يومي كان
ريوقي حليب + بسكوته
غداي سلطه + 3 قفشات صلصه فرنسيه
عشاي كابتشينوا + 3 بسكوتات ماري

مشيت نص ساعه + ربعه ساعه على جهاز الغزال الطائر

............


ستيلاا حبيبتي
حاسه فيج صارت فيني هالحاله ليمه دخلت الـ 69 قبل هملت عمري والرجيم
وحطيت في بالي اني ماحتاج والكل حولي كان مايشجع ويقولي بس عاد مصاخه مو حلو اكثر
بس انا قلت من 115 لي الـ 70 فرقت عليهم والكل ينصدم ليمه يشوفني
واللبس كان فضيع علي وواثقه من عمري ولا يق علي كل شي وشحلوني صرت
وماله داعي اشوف جسم افلانه وعلتانه واحسدها على رشاقتها
لانه محد احسن من احد
وشباقي من العمر اذا مو الحين اسنع بعمري واتفرغ حق شكلي
فرجعتلي الاراده
فاياحبيبتي حابه تردين للوزن قبل ؟؟؟ ولمقاسج لكبير ولمتنج ؟
وله منتي ناويه تلبسين المقاس لصغير الي لي رحتي الغالي ولرخيص لقيتيه وانتي بكل ثقه تلبسينه
من غير ماتقيسينه وتحتارين ؟؟
مو حابه تحسين انج اصغر من عمرج ابـ 5 سنين ورا
مو حابه تحسين انج بكل صحه وعافيه
لا تحطين بالج تسوين رجيم بالعكس انتي قاعده تاحافظين على صحتج وعلى رشاقتج وجمالج
خلي الكل عنج لاحقه عليه
والله فكري الحين بناكل وبناكل وبعدين لاحقين والله
ادري قرقت وايد ويمكن قطيت كلام ماله داعي بس والله احبج وحرام تزيدين الي نزلتيه

 

[al7noona]

ستيلا لا توقفين واستمري اكثر واكثر
انا جذي الحين لما ابي اوصل 75 مو قادره صارلي شهرين واكثر وانا بال77 اصعد وانزل مو قادره حتى اشوف ال76 لان حاطه في بالي ان مابقى شي كلها كيلوين بس طالعي هالكيلوين مو قادره انزلهم اكثر من شهرين مالت على الاراده الي عندي بس لازم نلتزم لي متى احنا جذي

نبي نلبس نبي نكشخ ابي اشوف جسمي ضعيف وحلو واكون حابته مو جذي كله متضايقه منه واتحلطم هههههههههه






فنكيه ماشالله تبارك الرحمن جم المده الي نزلتيها من 115 لي 70 واستمري وحافظي على وزنج قدرتي تقطين اكثر من 40 كيلو راح تقدرين انشالله تقطين هالخمس كيلوات باذن الله وقريبا يارب

 

[Bs.ana]

فنكيه ماشالله تبارك الرحمن جم المده الي نزلتيها من 115 لي 70 واستمري وحافظي على وزنج قدرتي تقطين اكثر من 40 كيلو راح تقدرين انشالله تقطين هالخمس كيلوات باذن الله وقريبا يارب

اهلين حبيبتي
والله الحين سنه او 4 شهور طبعاً اعطي روحي جم يوم اكل عادي مو حارمه نفسي
بس امسك نفسي ورجع احرم نفسي
وكنت سنه نادي
وماكو رجيم ماجربته خخخخخخخخخخخ
صج النفسيه 0 اغلب المرات
بس متى حسيت فيها ليمه الكل يشوفني يتمنى يكون نفسي هذا حده شعور حلو
وانه تتحدين نفسج وانتي قد هالتحدي
انا الحين وزني مناسب لطولي ومقاسي بيرفكت
بس ابي اوصل بدايه للـ 65 وبعدها 59
عشان اكون راضيه عن نفسي
لانه لي الحين اشوف نفسي بطه :0bee2e8d89:
هذيج انا البطه لي الحين بعيوني
فا الله يقوي اردتنا وكرهنا بالاكل :ggdw:

 

[مس يو]

السلام عليكم ...

اول شي شلونج فنكية شخبارج .. والله كلامج عين العقل والله جنج تقرين افكاري وتكتبين بإيدي << مادري راكبه والا لا لووول

بس صج صج كلامج اهو الصح 100%.. اهم شي الصحه .. وثقتج بنفسج جدام الناس .. واحساسج من داخل ..

والمرحله اللي انتي فيها ستيلا طبيعية كلنا مرينا فيها والله اذكر بالتجمعات القديمة كنت نفس وضعج حاشني اكتئاب مو طبيعي امبيه خلاص احس ماكو ارادة ونفسي مفتوحه على الآخر.. بس ما شجعني وقومني على حيلي الا كلام البنات ونصايحهم وما انسى فضل مدربتي بعد الله ..

تصدقين بعدها نزلت بشهر ونص تقريبا 5 كيلو من الحماس عوضت كل اللي راح مع ان نزولي بالعادة جدا بطئ .. خلج متفائله ولا تتحبطين حتى لو خربطتي لا تزعلين بعد الوجبة اللي خربطتي فيها لان سبحان الله الجسم طبيعي مع الزعل بيخزن الدهون.. فعادي خلج طبيعية .. واكلي اكل متوازن وخلي فجه بين وجباتج .. لا تاكلين الا وقت اليوع..بس مو تيوعين روحج على بو انه اني بضعف ترا ماراح ينزل وزنج وبيثبت .. وغيري نظامج كل فتره.. علشان جسمج مايتعود على روتين معين ..<<والله ادري ان الكلام هذا كله انتي ماشاء الله ادرى فيه بس هذا مايمنع النصيحه .. وهم ماشاء الله انتي اللي قطيتيه مو شويه ... والله يوفقج يارب ويوفق باجي البنات والكل يوصل للوزن المثالي بأقرب وقت وبصحه وعافيه..

تينا ... ألف حمدلله على سلامتج حبيبتي .. ولا تكثرين قعده جدام الكمبيوتر مو زين عليج..

الحنونه .. شلونج ياقلبي بعد العملية ان شاء الله احسن ..

بنات كلكم شلونكم شخباركم... ان شاء الله تمام

انا اليوم كان يومي اوكي الحمدلله

بعد الريوق اللي كتبته

خذيت سناكي كاكاو جالكسي بالبندق وقهوة عربية .. والعشا صحن كشري وسط .. وبس ..

 

[مس يو]

وااااااااي فنكيه صح كلامج اهم شي نظرتج لنفسج .. تصدقين انا توني تغيرت نظرتي لنفسي امبيه لي درجة حيل خفت من تفكيري واقول لي متى وانا داخلي تفكيري كله انا مس يو الدبدوبه .. متى خلاص اغير هالنظره متى احس اني صج صرت رشيقه بس الحمدلله الحين كلي ثقة بنفسي .. واخيرا تغيرت هالنظره البايخه اللي كانت مأثره حيل على نفسيتي << صج ذكرتيني بالذي مضى لووووول ... قلبتي الشحم .. اووو اقصد المواجع لوووووووووووووووووووووووووووووووول.... عسى الله لا يعود ايام الشحم روحه بلا رده ياااااااااااااارب

 

[مس يو]

يالله بنات اخليكم الحين تصبحون على خير حبايبي...

 

[al7noona]

فنكيه ماشالله عليج انشالله توصلين 65 ماكو شي مستحيل
وانا اوصل معاج يارب

مس يو حبيبتي انا تمام الحمدالله واشتقت لج وايد

نوم العوافي

 

[Bs.ana]

اهلين مس يو حبيبتي :eh_s(6):

تمام اسألج عنج يالغاليه ؟
مو كلنا بالهوا سوا كلنا نفس التفكير والنفسيه وعليه علينا
واي عقبال مااغير نظرتي لنفسي
واقتنع بشكلي بس الحمدالله اهم شي الرضى عن نفسي
والي انا اسويه ..

الله يتمم علينا كلنا ودوم نكون مقتنعين وراضين على نفسنا

وانتي من اهله
الله معاج حبيبتي

 

[Bs.ana]

فنكيه ماشالله عليج انشالله توصلين 65 ماكو شي مستحيل
وانا اوصل معاج يارب

انشاءالله اجمعين كلنا نوصل للوزن المثالي لنا بصحه وعافيه
وانشاءالله معاي ليش لاء ماكو شي مستحيل وصعب وانتي قلتي هالشي بنفسج :eh_s(6):
كلنا قدها وقدود بسنا لعب لاحقين :eh_s(6):

 

[ام فجور 2008]

ستيلاااااااااااااااااا يقولج الدكتور اذا خربطتي لا تقايسين وزنج الا عقب 3 ايام لان يضل بالجسم متخزن

 

[miss_lymoona]

هاي ام فجور شلونج

شسالفة المنتدى مشاركاتي ماتطلع

 

[ام فجور 2008]

اي حتى انا كتبت لج ماطلع

 

[miss_lymoona]

امبيه حده مليق المنتدى

اي ام فجور وناسه مطبقه رجيم يديد

من اول يوم نزلت كيلو وغرامين وناسه

 

[ام فجور 2008]

ليمونة انا مااحب الشابورة
اهو صج ينزل بسرعه بس لازم بعدين تتضبطين نفسج

 

[miss_lymoona]

اي ام فجور صاجه بعد هالرجيم لا زم اخفف شويشوي مو مره وحده انفجع لوووووووول
ليش ماتحبين الشابوره حلوه في منها انواع انا حتى قبل الرجيم كنت احبها تقدرين بدالها تاكلين كورن فليكس فتنس

انزين قوليلي مبروك لوووووووووووووول

 

[ام فجور 2008]

علة شنو فرحيني ليكون شسمه

مبروووووووووووووووك

انا قاعدة اشرب جاي اخضر وبرقدوش